Kigali

Itsinda ry’abayobozi ba CPC yo mu bushinwa basuye umuryango RPF-Inkotanyi

Amakuru   Yanditswe na: Iyamuremye Janvier 26 September 2017 Yasuwe: 183

Itsinda ry’abayobozi bo hejuru mu ishyaka CPC (Communist Party of China) riyoboye Ubushinwa batangiye uruzinduko rw’iminsi 3 mu Rwanda rugamije gusangira ubunararibonye no kubaka ubushobozi hagati yabo n’umuryango FPR-Inkotanyi.

Ku kicaro gikuru cy’umuryango RPF-Inkotanyi, I Rusororo, iri tsinda ry’abayobozi bo mu ishami rishinzwe ububanyi n’amahanga mu ishyaka riyoboye Ubushinwa CPC (Communist Party of China) bakiriwe n’umunyabanga mukuru w’umuryango FPR-Inkotanyi Ngarambe François. Baganiriye ku mubano wihariye uri hagati y’impande zombi ari nako basuzumira hamwe ingamba zo kuwukomeza hagamijwe guteza imbere inyungu z’abaturage b’ibihugu byombi.

XIA SHUJUN, uyoboye iri tsinda rya CPC (Communist Party of China) yashimye iterambere u Rwanda rumaze kugeraho ruyobowe n’umuryango FPR-Inkotanyi. Yavuze ko uruzinduko rwabo rushinagira ubufatanye bw’impande zombi. Yagize ati, "Turi hano mu rwego rwo gusangira ubunararibonye mu nzego zitandukanye z’ubuyobozi bw’igihugu ku mpande zombi ari nako tunashimangira umubano wacu hagati ya FPR na CPC kandi, mu byukuri twakiriwe neza n’umunyamabanga mukuru ndetse n’abandi bayobozi ba FPR akaba ari ikintu twishimye.

Komiseri ushinzwe ubukangurambaga rusange mu muryango FPR-Inkotanyi, Gasamagera WELLARS, asobanura ko gusangira ubunararibonye ku mpande zombi ari kimwe mubifasha kubaka ubushobozi bw’abayobozi ba CPC n’aba FPR.

Imyaka hafi 20 irashize umuryango RPF-Inkotanyi ufitanye umubano wihariye na CPC (Communist Party of China ). Mu gihe cy’iminsi 3 ibiganiro hagati y’abayobozi ku mpande zombi bizibanda ku ngingo zitandukanye harimo kurwanya ruswa, kubaka ubushobozi bw’abayobozi (cadres), ingamba zo kuzamura ubukungu binyuze mu iterambere ry’inganda ndetse no kubyaza umusaruro andi mahirwe agaragara mu nzego zitandukanye.

RBA

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Uruzinduko rwa Perezida Lungu rusigiye iki u Rwanda

Perezida wa Zambia Edgar Lungu wasoje uruzinduko rwe i Kigali yatangaje ko...
22 February 2018 Yasuwe: 638 0

Kongera ibyo kurya bigenewa impunzi za Kiziba ntibiri hafi aha

Ishami ry’umuryango w’abibumbye ryita ku mpunzi (UNHCR) rirahamagarira...
22 February 2018 Yasuwe: 720 1

Uganda: U Rwanda ruhagarariwe na Minisitiri Musoni mu nama y’ abakuru b’...

Musoni yahagarariye Perezida Kagame mu mwiherero w’abakuru b’ibihugu bya EAC...
22 February 2018 Yasuwe: 1304 0

Perezida Kagame yakiriye mugenzi we Edgar Lungu [AMAFOTO]

Kuri uyu wa Gatatu, tariki ya 21 Gashyantare 2018 Perezida Paul Kagame...
21 February 2018 Yasuwe: 1644 0

Guverineri Mureshyankwano yakomoje ku gafuti yakoze ari umwana yibuka...

Ni umunyapolitiki uzwiho ubuhanga bwo kuganiriza abaturage ayobora abaha...
20 February 2018 Yasuwe: 4188 0

U Rwanda ntirutewe ubwoba n’igitutu cya Amerika isaba kugarura...

Leta y’U Rwanda yatangaje ko ititeguye kugarura ubucuruzi bwa...
19 February 2018 Yasuwe: 1394 0