Kigali

Kagame yifurije Bongo kurwara ubukira afata mu mugongo Tanzania na Malawi

Amakuru   Yanditswe na: Nsanzimana Ernest 17 November 2018 Yasuwe: 3616

Perezida w’ u Rwanda akaba n’ Umuyobozi w’ Afurika Yunze ubumwe Paul Kagame yifurije Perezida wa Gabon kurwara ubukira anihanganisha Malawi na Tanzania.

Ubu butumwa yabutanze kuri uyu wa Gatandatu 17 Ugushyingo 2018, ubwo yatangizaga inama ya 11 idasanzwe ya Afurika yunze ubumwe irimo kubera mu gihugu cya Ethiopia. Ni inama yiga ku ishyirwa mu bikorwa ry’ amavugurura ya AU aherutse gukorwa n’ itsinda ryari riyobowe na Perezida Kagame.

Perezida Kagame yatangiye yifuriza ikaze Ahmed Abiy Minisitiri w’ Intebe mushya wa Ethiopia witabiriye inama ya AU bwa mbere ari kuri uyu mwanya.

Umukuru w’ igihugu yavuze ko iyi nama ari umwanya wo kureba imishinga yihutirwa muri Afurika.

Iyi nama ya AU ibaye mu gihe Perezida wa Gabon Ali Bongo Ondimba ari mu bitaro mu gihugu cya Arabia Saoudite. Mu ijambo rye Perezida Kagame yamwifurije kurwara ubukira.

Yagize ati “Ndashaka kuvuga kandi ko twifuriza umuvandimwe wacu, Perezida Ali Bongo gukira vuba agakomeza ubutayegayezwa bw’ igihugu cye, Gabon”

Perezida Kagame kandi yashimiye ibihugu bya Afurika kuba byarashyigikiye kandidatire ya Mushikiwabo agatorwa.

Yagize ati “Ba nyakubahwa ndabashimira ko mwashyigikiye umukandida wa Afurika muri Francophonie, Louise Mushikiwabo agatsinda. Byerekana ko dushyize hamwe nta kitashoboka”

Mu izina rya AU abereye umuyobozi Perezida Kagame yafashe mu mugongo Malawi na Tanzania ibihugu byapfushije abasirikare babyo bari mu butumwa bw’ amahoro muri Repubulika ya Demukarasi ya Congo.


Perezida Kagame na Minisitiri w’ Intebe wa Ethiopia

Yagize ati “Mu izina ry’ umuryango wa Afurika yunze ubumwe ndihanganisha za guverinoma n’ abaturage bya Malawi na Tanzania muri iki cyumweru bahuye n’ akaga ko kubura abasirikare bari mu butumwa bw’ amahoro. Turazirikana mu bitekerezo no mu masengesho imiryango y’ abasirikare bishwe”

Abasirikare batandatu bo muri Malawi n’undi umwe wo muri Tanzania, bari mu bikorwa byo kugarura amahoro muri Repubulika ya Demokarasi ya Congo bishwe n’inyeshyamba zitaramenyekana ku wa Gatatu w’ iki cyumweru.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Amb. Kanyamashuli Kabeya Janvier wari Umudepite yeguye

Nyuma y’amezi 6 atowe mu badepite bari kuri rutonde rw’abakandida b’ishyaka...
13 March 2019 Yasuwe: 7450 1

Imyanzuro y’Umwiherero wa 16 w’Abayobozi b’Inzego zitandukanye z’Igihugu...

Kuva ku itariki ya 9 kugeza ku ya 11 Werurwe 2019, mu Karere ka Gatsibo...
12 March 2019 Yasuwe: 3008 0

Ibibazo biri hagati y’Ubuganda n’u Rwanda birenze intambara y’amagambo: Amb...

Mu kiganiro n’abanyamakuru cyabaye uyu munsi Minisitiri wa Leta muri...
12 March 2019 Yasuwe: 7151 2

Huye: Gusana Umujyi, Itongo rya Gicanda, Ingoro ya Muvoma, Mukura, byinshi...

Hari hashize imyaka igera kuri ine ubuyobozi bw’Akarere bufashe icyemezo cyo...
3 February 2019 Yasuwe: 5647 0

Inama y’Abaminisitiri yongereye umushahara wa mwalimu na manda ya Guverineri...

Inama y’Abaminisitiri idasanzwe yateranye kuri uyu wa 28/01/2019 yazamuye...
29 January 2019 Yasuwe: 12947 10

Menya byinshi ku buzima bwa Perezida Kagame n’abakinnyi avuga ko...

Perezida wa Repubulika akaba n’umuyobozi wa Afurika yunze ubumwe (AU) Paul...
22 December 2018 Yasuwe: 7199 0