Kigali

Kamonyi: Abayobozi bahangayikishijwe n’ ikibazo cy’ abajura bafata bugacya barekuwe

Amakuru   Yanditswe na: 25 April 2017 Yasuwe: 958

Abayobozi b’ inzego zitandukanye mu karere ka Kamonyi mu ntara y’ amajyepfo babwiye umuyobozi w’ iyo ntara ko bahangayikishijwe n’ ikibazo cy’ abajura bafatwa bugacya barekuwe batazi uko byagenze.

Abo bayobozi babivugiye mu nama mpuzabikorwa y’ umunsi umwe yahuje inzego z’ ubuyobozi muri ako karere kuri uyu wa Kabiri tariki 25 Mata 2017.

Guverineri Mureshyankwano Marie Rose yasabye abayobozi b’ umudugugu gukorana umurava n’ ubwitange bagakorera abaturage ibyo baba bariyemeje bakimara gutorwa.

Umukuru w’Umudugudu wa Nyabitare Vestine Mukagashugi mu Murenge wa Runda yavuze ko hari ibikorwa bituma bacika intege. Yatanze urugero avuga ko iyo bafatiye umujura mu cyuho bakamushyikiriza inzego z’umutekano bucya yafunguwe kandi batanasobanuriwe impamvu itumye uwo mujura arekurwa.

Mukagashugi yagize ati “Bazadufashe badusobanurire impamvu ituma abajura barekurwa kuko biri mu bituma ba mudugudu bacika intege kuko abo tuba twafashe badutanga kugera mu rugo ndetse bigatuma dusuzugurwa cyane.”

Uburemere bw’ iki kibazo bwashimangiwe n’ umuyobozi wa Polisi mu Karere ka Kamonyi CIP Gisanga Ngendahimana wavuze ko na polisi iki kibazo ikibazaho.

Yagize ati “Iki kibazo inzego za polisi nazo zikibazaho, iyo dukoze dosiye y’umuntu ukekwaho ubujura tukayishyikiriza ubugenzacyaha uwo mujura afungurwa byitwa iby’ agateganyo. Abo nibo bagaruka bakongera kuzengereza abaturage”

Guverineri Mureshyankwano yavuze ko bagiye kukiganiraho n’izindi nzego, ariko ko n’ababafata bakwiye kujya babanza gusuzuma ko ibimenyetso byose byuzuye.

Polisi y’igihugu muri aka Karere yererekana ko mu mu mezi ya Werurwe na Mata uyu mwaka wa 2017 hari ibyaha bitandukanye birimo ubujura buciye icyuho bigera kuri 37.

Ikibazo cy’abajura bafatwa bakarekurwa kikaba ni cyo gihangayikishije inzego z’ibanze n’abaturae muri Kamonyi.


Bamwe mu nzego z’ibanze mu nama mpuzabikorwa bakurikiye Guverineri

Amafoto: Umuseke

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Akarere ka Ruhango kabonye meya mushya

Njyanama y’akarere ka Ruhango iherutse kweguza nyobozi yose y’aka karere...
25 May 2018 Yasuwe: 2117 0

Rwakazina atorewe kuba meya mushya w’ umujyi wa Kigali

Inama Njyanama y’ umujyi wa Kigali itoreye Marie-Chantal Rwakazina w’ imyaka...
25 May 2018 Yasuwe: 2284 0

U Rwanda nyuma yo guca amashashi, pulasitiki zikoreshwa rimwe nazo...

Leta y’ u Rwanda yatangiye guca ikoreshwa ry’ amacupa ya pulasitiki mu biro...
25 May 2018 Yasuwe: 1244 0

Umuyobozi Mukuru wari ushinzwe imirimo rusange mu mujyi wa Kigali yasezeye...

Mugabo Vianney wari Umuyobozi Mukuru ushinzwe imirimo rusange mu mujyi wa...
24 May 2018 Yasuwe: 3972 0

Nyabihu: Gitifu w’umurenge yakiriye umukecuru umutwaro w’inkwi

Ndandu Marcel, Umunyamabanga Nshingabikorwa w’Umurenge wa Rurembo mu Karere...
24 May 2018 Yasuwe: 5841 2

Mushikiwabo yavuze impamvu agiye kwiyamamariza kuyobora Francophonie kandi...

Minisitiri w’ Ububanyi n’ amahanga n’ Umuryango w’ Afurika y’ Iburasirazuba Mme...
24 May 2018 Yasuwe: 1789 0