Kigali

Kigali: Abana 37 mu kagari kamwe bafatiwe mu mukwabo bakora mu ngo batarakura

Amakuru   Yanditswe na: Nsanzimana Ernest 29 October 2018 Yasuwe: 1392

Umurenge wa Nyakabanda mu Karere ka Nyarugenge, watangiye gushakisha abakora akazi ko mu rugo kandi bataruzuza imyaka 18 y’amavuko, ifatwa nk’imyaka y’ubukure mu mategeko y’u Rwand ababakoresha bashobora kuzahanwa.

Uyu mukwabo wahereye mu murenge wa Nyakabanda ariko uzakorwa mu mujyi wa Kigali wose.

Abakora umukwabo binjira muri buri rugo bareba abana bakoreshwa ako kazi batujuje imyaka 18, ufashwe agasubizwa iwabo.

Umunyamabanga Nshingwabikorwa w’Akagari ka Nyakabanda I yatangarije Igihe ko bamaze gufata abana 37 bakoraga akazi ko mu rugo bafite imyaka iri hagati ya 16 na 17.

Yagize ati “Twabihisemo tumaze kubona ko biri kugenda byiyongera duhita dushyiramo imbaraga kugira ngo dukurikirane abo bana n’ababakoresha ndetse ubu tumaze gufata abana 37 bakoraga ako kazi batari buzuza imyaka 18.”

Umunyamabanga Nshingwabikorwa w’Umurenge wa Nyakabanda Nsabimana Désiré, yavuze ko ari gahunda bizera ko izakemura iki kibazo.

Yakomeje agira ati “Twategetse ababakoreshaga kubishyurira amafaranga y’ingendo abageza aho bavuka, ku buryo dufite icyizere cy’uko iyi gahunda izabikemura.”

Umusore umwe uvuka mu Karere ka Nyamagabe wakoraga akazi ko mu rugo, avuga ko yahisemo aka kazi kugira ngo abashe kwitunga.

Yagize ati “Navuye mu rugo kubera ubukene kugira ngo ndebe ko nabasha kubona ikintunga ariko ubwo bitemewe nta kundi ngomba gusubirayo.”

Umuyobozi Wungirije w’Umujyi wa Kigali Ushinzwe Imibereho Myiza y’Abaturage, Muhongerwa Patricie, we avuga ko mu mpera z’Ugushyingo bazaba bafite imibare ifatika y’uko ikibazo cyo gukoresha abana mu ngo gihagaze.

Ati “Ntiturakusanya umubare w’abo bana bakora akazi ko mu rugo ariko twashyizeho ababikurikirana ngo bakore ibarura kuko itegeko rirahari, imyaka irazwi ikwiriye kuba ishingirwaho kugira ngo abantu bagire akazi bakora.”

Yongeyeho ko ikizava muri iryo barura ari cyo kizatuma hafatwa ibyemezo kugira ngo hahanwe abaha abo bana akazi kavunanye.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Inama y’Abaminisitiri yongereye umushahara wa mwalimu na manda ya Guverineri...

Inama y’Abaminisitiri idasanzwe yateranye kuri uyu wa 28/01/2019 yazamuye...
29 January 2019 Yasuwe: 12053 10

Menya byinshi ku buzima bwa Perezida Kagame n’abakinnyi avuga ko...

Perezida wa Repubulika akaba n’umuyobozi wa Afurika yunze ubumwe (AU) Paul...
22 December 2018 Yasuwe: 6357 0

Mu Burundi,Gitega yahinduwe umurwa mukuru wa Politiki mu gihe Bujumbura...

Umujyi wa Gitega uri hagati mu Burundi ugiye kuba umurwa mukuru wa politike...
21 December 2018 Yasuwe: 4165 0

Perezida Kagame yagizwe umuyobozi w’umwaka muri Afurika

Ikinyamakuru cyandikirwa ku mugabane wa Afurika ariko kikaba ari umutungo...
20 December 2018 Yasuwe: 2254 1

Ifoto yakunzwe:Perezida Kagame yagaragaye ari hagati ya Perezida w’Ubumwe...

Perezida Paul Kagame kuri uyu wa Kabiri yitabiriye Ihuriro rya Afurika n’u...
19 December 2018 Yasuwe: 5970 0

Umuvugizi wa FDLR umutwe wiganjemo abagize uruhare muri Jenoside yakorewe...

Uwari Umuvugizi wa FDLR,LaForge Fils Bazeye, umutwe wiganjemo abagize...
17 December 2018 Yasuwe: 3488 0