Kigali

Komisiyo y’Abakozi ba Leta yatahuye uburiganya mu mitangire y’akazi muri Minisante

Amakuru   Yanditswe na: Ubwanditsi 30 April 2018 Yasuwe: 29492

Diane Gashumba, Minisitiri w’Ubuzima
Muri raporo y’ubugenzi yakozwe na Komisiyo y’Igihugu y’Abakozi ba Leta mu kwezi kwa 10 2017 yagaragaje bumwe mu buriganya bwakozwe bigaragara ko busa n’ubwagambiriwe mu bizamini by’akazi ku bakozi bashinzwe Imari n’Ubutegetsi (DAF) mu bitaro binyuranye bya Leta.

Amwe mu makosa, nk’uko bigaragara muri raporo y’igenzura y’agateganyo Umuryango ufitiye kopi, harimo abakozi batanze impapuro zisaba akazi italiki yo gusaba akazi yararenze, kongerera amanota abatsinzwe, kwima amanota abatsinze, guha akazi abatujuje ibyasabwaga n’ibindi.

Muri iyi raporo, bigaragara ko Mukankiko Peace wahawe akazi mu bitaro bya Ruhango, Furaha Frank wahawe akazi mu bitaro bya Shyira na Kabanda Albert impapuro zabo zisaba akazi Minisante yazakiriye hafi amezi abiri nyuma y’aho italiki ntarengwa yo gutanga impapuro zisaba akazi yari yararenze.

Aba bose basabye akazi taliki 17/4/2017 italiki ntarengwa yari taliki 24/2/2017. Mu gitabo cy’abatanze dosiye zisaba akazi aba bahawe nomero umwe umwe ifite iy’undi muntu bisa ariko we watangiye igihe dosiye ye, ibi byasaga no kujijisha. Aba bose uko ari 3 bahawe akazi.

Muri iri genzura kandi, byagaragaye ko hari abakandida bahawe akazi nyamara dosiye batanze zitari zujujue ibisabwa.

Twagirimana Albert, wahawe akazi mu bitaro bya Mibilizi, Komisiyo yasanze muri dosiye ye diplome y’ikiciro cya gatatu cya Kaminuza (Masters) ari iyo ku italiki ya 25/8/2017 mu gihe italiki ntarengwa yo kwakira dosiye zisaba akazi yari 24/2/2017.

Ndamage Theophile wahawe akazi mu bitaro bya Nyanza we muri dosiye ye harimo icyangombwa cyo ku italiki ya 21/10/2017 cy’uko ari kwiga ikiciro cya gatatu cya Kaminuza kandi hari amasomo 6 ashigaje!

Mu igenzura kandi, raporo igaragaza ko hari abakandida bari batsinzwe ikizamini cyanditse bakongererwa amanota, ndetse n’uwatsinze iki kizamini amanota ye bakayagabanya bityo akimwa uburenganzira bwe bwo gukora ikizamini cy’ikiganiro.

Musoni Sylvestre yahawe akazi mu bitaro bya Munini yatsinzwe ikizamini cyanditse aho yari yabonye amanota 15/50 atamwemerera gukomeza ikindi kizamini ariko yongererwa amanita 20 ahita yemererwa kujya mu kizamini cy’ikiganiro ndetse asohoka mu batsinze.

Ndamage Theophile wahawe akazi mu bitaro bya Nyanza yari yabonye amanota 11/50 mu kizamini cyanditse yongererwa amanota 20 ngo abashe gukora ikizamini cy’ikiganiro .

Sinayitutse Desire wahawe akazi mu bitaro bya Gihundwe yari yatsinzwe n’amanota 22 yongererwa amanota 5.5 ngo abashe gukora ikizamini cy’ikiganiro.

Ibyimana Consolatrice wahawe akazi mu bitaro bya Kirehe yari yatsinze ikizamini cyanditse yemerewe gukora ikizamini cy’ikiganiro ariko n’amanota ye arongerwa. Yari yabonye amanota 27.5/50 yongererwa amanota 14.5.

Uwitwa Habiyaremye Valens yari yatsinze ikizamni cyanditse n’amanota 42/50 ariko yimwa uburenganzira bwo gukora ikizamini cy’ikiganiro kuko mu gutangaza amanota yasanze afite 15/50. Amanota ye yagabanyijweho amanota 27!

Muri iri genzura kandi, raporo igaragaza ko Sylvestre Musoni wahawe akazi mu bitaro bya Munini atigeze yerekana dipolome y’u Rwanda inganya agaciro n’inyamahanga iri muri dosiye ye nabyo bikaba binyuranye n’amategeko.

Umuyobozi w’Imirimo Rusange (Corporate Services Division Manager) muri Minisante Valens Ndonkeye arashyirwa mu majwi ku makosa yose ari muri iyi raporo.

Amakuru Umuryango wamenye ni uko Valens Ndonkeye, Umuyobozi w’Imirimo Rusange muri Minisante yaba yarabanje kwima abakozi ba komisiyo dosiye zakosoreweho ikizamini cyanditse ariko akaza kuzitanga hakoreshejwe izindi mbaraga.

Andi makuru ni uko aya amakosa ngo ashobora kuba atarakozwe mu buryo bwo gucikwa nk’uko Minisante yabibwiye abakozi ba Komisiyo ahubwo bishoboka ko hari icyagiye gitangwa ngo bamwe bahabwe akazi hirengagijwe ibyasabwaga.

Abavuga ibi bakabihera ko hari amazina agaruka muri buri kibazo Komisiyo yagaragaje mu muri iyi raporo kandi bose barabonye akazi.

Valens Ndonkeye yatangarije Umuryango ko iri genzura ryakozwe ndetse raporo y’agateganyo igasoka, bakagira icyo bayivugaho ariko bakirindiriye raporo ya nyuma ndetse n’ibyo basabwa gukora ngo bayishyire mu bikorwa.

Yagize ati:” ntabwo harasohoka raporo ya nyuma, raporo iracyari muri komisiyo, mu gihe izaba yasohotse igira n’ibyo isaba nibwo tuzabishyira mu bikorwa”.

Habiyaremye Valens, afite ikiciro cya gatatu cya Kaminuza mi Ibaruramali, yari yatsinze ikizamini cyanditse n’amanota 42 ariko amanota ye bayagabanyaho 27 asigarana 15. Avuga ko icyamubabaza atari uko yakwimwa amanota ahubwo azababazwa n’uko bizanamenyekana ariko ababikoze ntibahanwe.

Yagize ati:” Nk’umuntu wabaye mu bwarimu ndabyumva, birashoboka ko wakwibeshya, ariko kwibeshya amanota umuntu yayabonye ukayagabanya simbyumba, ariko nanone icyambabaza cyane ni igihe igenzura ryarangira ababigizemo uruhare ntibabibazwe, hari ikizere ko amategeko yazandenganura”.

“Kundendanya simbifatamo nk’ikibazo cyane, ikibazo ni uko byagaragara bikarangirira aho gusa ntawe ubibajijwe”.

Olivier Kanamugire, Umuyobozi w’Ishami ry’Imicungire y’Abakozi mu bigo muri Komisiyo y’Abakozi ba Leta yatangarije Umuryango ko iyo bakoze igenzura bagasanga hari amakosa yakozwe mu gutanga akazi abo bakozi bahawe akazi birukanwa.

Yagize ati: “Ubusanzwe amategeko ateganya ko iyo bigaragaye ko umukozi yagiye mu kazi mu buryo bunyuranyije n’amategeko ahita yirukanwa hagatangwa ibizamini ku bamusimbura”.

Nta gisubizo twabonye cya Komisiyo y’Abakozi ba Leta ku cyakorwa mu gihe byagaragara ko hari abakandida bibwe amanota bari babonye mu kizamini iki n’iki bikabagiraho ingaruka zo gutsindwa.

Author : Ubwanditsi

Ibitecyerezo

  • Log in

    Amategeko n'amabwiriza birkurikizwa


  • chat_bubble YVES

    AMARIRA YA BA ADMINI

    2 months ago
  • chat_bubble YVES

    ITEGEKO NI RYUBAHIRIZWE, NIBA IBIZAMINI BIGOMBA GUSUBIRWAMO NYINE NTAKUNDI BIHANGANE

    2 months ago
  • chat_bubble Raphael

    Hari nabayobozi b’ibigonderabuzima bashyizwe mu myanya ntabizami i Rusizi.

    2 months ago
  • chat_bubble kaboneka

    HE ibi bintu abifatire umwanzuro ukwiye kuko niwe ujya uca akarengane

    2 months ago
  • chat_bubble ineza

    Uwo Valens bamufunge bana Umuntu muzima ugabanya amanota

    2 months ago
  • chat_bubble

    Hahahahahaha ariko rero nabonaga induru zivuga ngo ba Administrateurs bagomba gutanga ihererekanyabubasha badafite n’ibaruwa ibakura ku mwanya bariho nkakeka ko harimo ikibazo iyo huti huti yari ihishe ibi.

    2 months ago
  • chat_bubble Nsabiyumva

    Wowe wiyise Alpha Delta, ufite ingangabitekerezo mbi cyane. Icyambere uravuga Abagogwe baturutse Masisi muri rusange aho kuvuga ikibazo nyirizina. Ntushobora gushyira abantu runaka bahuriye ku Karere cg bahuje ubwoko ugamije kubasebya no kubavuga nabi ngo bibure kwitwa ingangabitekerezo y’u Rwango. Ese wavuze amazina? Uteye ubwoba kabisa. aha u Rwanda ruzigisha ruruhe kuko rufite abana bintumve pe! Gahunda ya ndumunyarwanda nibayongerere ingufu naho ubundi ntibizoroha tugifite abantu nka Alpha.

    2 months ago
  • chat_bubble NDUWAYO ROBERT

    MWARAMUTSE!
    EREGA IYI NKURU YARI ISANZWE IBITSE MURI MINISANTE KUKO URIYA SYLVESTRE WA MUNINI WE YIYIGIYE AIRPORT MANAGEMENT ARIKO BARANGA BAMUHA AKAZI KA DAF W’IBITARO.
    IMANA IAZHANA UMUNTU WESE URENGANYA ABANDI KANDI MBERE YO GUHANWA N’IMANA NA H.E AZABAHANA KUKO YANGA AMAFUTI CYANE.
    REKA DUTEGEREZE IBIZAKURIKIRAHO!!!!!!!!!!!!!!!!!!!!!!!!!!!!!!

    2 months ago
  • chat_bubble ntawiha

    Uburyo ba DAF, Executive Secretary nabandi bayobozi bajyaho turabizi ibyo gupiganwa kuri iyo myanya hakorwa ibizamini by’akazi bya nyirarureshwa turabimenyereye. Kuko ashyirwaho binyuze muri vetting y’abatoranyijwe. Ibyiza rero mujye mureka kwangiza amafranga mujijisha ngo harakorwa exams mujye mubashyiraho ku mugaragaro ntawenda kugira icyo abihinduraho aho gutesha abantu igihe bangiza amatike n’igihe cyabo ngo bagiye mungirwa exam y’akazi

    2 months ago
  • chat_bubble kabonero

    Yewe twarabimenyereye kandi bimaze kuba umuco ko imyanya ya ba DAF n’indi yose y’abayobozi guhera kuri Director itajya ipiganirwa ahubwo bashyiraho exam z’akazi bajijisha abantu ngo imyanya yapiganiwe kugirango bavuge ko byanyuze mu mucyo nyamara abo bashaka kugaha barabahisemo kera bakakabaha bitwaje ngo hakozwe vetting ngo niyo yabyemeje. Ngaho undebere vetting amanyanga abamo kugirango umuntu uzwi abe ariwe baha akazi hadashingiwe kubumenyi afire cg qualification isabwa kuri uwo mwanya. Mujye mushyiraho abayobozi mushaka mutiriwe mudutesha igihe ngo tuze dukore izo ngirwa exam z’akazi

    2 months ago
  • chat_bubble kadogo

    Nyaruguru,mu karere naho bakoresheje ibizami bya Auditeur interne Ku bitaro bya Munini baha ikizamini umugore wa Muhizi Bertin uyobora Ibuka harimo amanyanga menshi komisiyo izabikurikirane

    2 months ago
  • chat_bubble

    muzaze Murebe mu karere ka Nyamagabe naho abakoze Ibizamini bagatsinda sibo bahabwa akazi kubera Ironda karere

    2 months ago
  • chat_bubble Bizoza

    Umva mbihere agakuru kiwacu: ( Kinazi hospital)

    Biriya bitaro bya kinazi biri mumarembo yiwacu. bitangira, harimo uwo bita Admin na HR abaturage bitaga ukuntu bitewe ahari naho bakomokaga.

    Najyanyeyo idocier nkumuntu wakoreraga aho( internship nari nyisoje kuri centre de sante iri mukibanza kimwe nibitaro), Admin anyibwirira amagambo numva koko ndumvishe. Nahise nzinukwa kumayaga nibyaho nubwo ari iwacu. Niba akihaba, niba yaragiye muri ya nkubiri ya ba medecin directeur, simbizi nta cyaho mba nifuza kumenya. Ni duhurira mwijuru nzabimwibutsa.

    2 months ago
  • chat_bubble Bizoza

    Hhhhhhhh

    ubu se iyi ninkuru!!!!

    Ariko sha mwasetsa!! Niba ntacyo mubashinza kindi ni mureke bikorere! Ubu se niyo mukibibona! OK , niba ari change igiye kuza mo , ubwo nabwo tuzabimenya.
    Mwirirwa mukinisha ubuzima bwabantu none mwarangiza ngo mwafashe igisambo!
    Ni mubareke bakore nabo rwose.

    None se ubundi babibiye amanota byagenze gute? ubu se tuvuge ko mwabuze approach nimwe yaca akarengane kaba mwitangwa ryakazi?

    sha!!! Nibyo nyine.

    2 months ago
  • chat_bubble NDUWAYO ROBERT

    NJYE NDABONA IYI NKURU IJE KUGARAGAZA UKURI KURI MURI MINISANTE URETSE KO BIBAGIWE KO BA DAF BAHAWE AMABARUWA YO GUTANGIRA AKAZI ATAGIRA AMATALIKI BITEWE N’UKO BASHAKAGA KWIKIZA BA ADMINISTRATEURS KUKO BARI BUJUJE IBISABWA KUGIRANGO BABE BABAHA AKO KAZI BADAPIGANWE CYANE KO BARI BAVUYE KWIGA HOSPITAL MANAGMENT KANDI BARIHIRWA NA MINISANTE.
    AMAFARANGA YABATANZWEHO NAYO AKWIYE KUBAZWA KUKO YASHOBORAGA KUBA YARWANYA IMIRIRE MIBI AHO KUYATANGA KANDI NTAHO BAZAYAGARURIZA CYANE KO BACIYE AMAZI IZO DIPLOME BARI BAMAZE KUBAHESHA.

    2 months ago
  • 1 | 2 | 3 | 4

Inzindi nkuru

Perezida Kagame yahaye ipeti rya Lieutenant abofisiye bato 180...

Perezida w’ u Rwanda akaba n’ umugaba w’ ikirenga w’ ingabo z’ u Rwanda Paul...
13 July 2018 Yasuwe: 2482 0

Abajyanama b’ ubuzima ngo bima abaturage imiti bakayicuruza muri za...

Abaturage bo mu kagari ka Mwurire mu murenge wa Mwurire mu karere ka...
13 July 2018 Yasuwe: 303 0

Ishyaka PL ryizeye ko abadepite baryo baziyongera bakaba 10

Ishyaka Riharanira Ukwishyira Ukizana kwa buri muntu (PL) ngo ryizeyeko...
12 July 2018 Yasuwe: 645 1

Umuhanzi Simple A washakaga kuba umukandida wigenga mu matora y’ Abadepite...

Habineza Jean Paul , umusore urangije Kaminuza wari muri 16 bari...
12 July 2018 Yasuwe: 700 0

Imyanzuro y’ inama y’ abaminisitiri yo ku wa 11/Nyakanga /2018

None ku wa Gatatu, tariki ya 11 Nyakanga 2018, Inama y’Abaminisitiri...
12 July 2018 Yasuwe: 1600 0

Abadepite batoye itegeko rizashyiraho umushahara fatizo usimbura umaze...

Ishinga Amategeko umutwe w’Abadepite kuri uyu wa mbere yatoye itegeko rishya...
9 July 2018 Yasuwe: 2476 0