Kigali

NEC ngo yiteguye kuburana n’ umukandida wasohotse ku rupapuro rw’ itora amazina ye yanditse nabi

Amakuru   Yanditswe na: Nsanzimana Ernest 3 September 2018 Yasuwe: 4693

Komisiyo y’ igihugu y’ amatora mu Rwanda yatangaje ko izaburana niramuka irezwe mu nkiko n’ umukandida depite wigega Nsengiyumva Janvier wagaragaye ku rupapuro rw’ itora amazina ye yanditse nabi.

Kuri uyu wa 3 Nzeli nibwo abanyarwanda bazindukiye mu matora rusange y’ abadepite ku rupapuro rw’ itora abanyarwanda batoreyeho rukaba rwari rwanditseho Nsengimana Janvier aho kuba Nsengiyumva Janvier.

Perezida wa Komisiyo y’ igihugu y’ amatora Prof Kalisa Mbanda yavuze ko icyabeho ari ukwibesha kwakorewe mu icapiro komisiyo y’ amatora ifata nk’ agakosa gatoya.

Yagize ati “Iyo case twayimenye, aho tuyimenye twabwiye abakozi bacu bakajya babirwa abaje gutora bose, uretse ko Nsengimana na Nsengiyumva byenda gusa. Hariho ifoto y’ umukandida n’ ikimenyetso. Nyirubwite yabimenye mu gitondo ariko ntiyahita abitubwira twaje kubimenya.”

Umunyamakuru wa RBA yabajije NEC niba uyu mukandida yaratanze amazina nabi cyangwa niba ariko ikosa ryakorewe mu icapiro , Prof Mbanda avuga ko ari ikosa ryavuye mu icapiro.

Yagize ati “Ikosa ryavuye muri imprimerie ariko n’ abacu bagomba kubireba usibye ko Nsengimana na Nsengiyumva yumva byegeranye ku buryo byacitse abantu bagomba kubireba.”

Yongeho ati “Twaruburana aramutse atanze ikirego”

Nsengiyumva Janvier yabwiye itangazamakuru ko ategereje ko hatangazwa ibyavuye mu matora kugira ngo amenye icyo akora.


Ifoto ya Nsengiyumva Janvier ubwo yiyamamazaga mu murenge wa Rusatira, mu karere ka Huye

Ati “Nibatangaza ko Nsengiyumva Janvier yatsinze amatora yabonye ya 5% araba ari ukwibeshya kwabayeho ariko umukandida yari njyewe. Ariko ntibatangaza Nsengimana Janvier araba ari undi mukandida utari njyewe kuko abantu bashobora gusa, n’ ibirango batubwiye ko bakira icy’ uwagitanze mbere”

Perezida Komisiyo y’ amatora yavuze ko muri rusange amatora yagenze neza ndetse ko nka saa tatu z’ ijoro NEC iratangaza icyerecyezo cy’ ivuye mu matora.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble Makenga

    Uyu mugabo afite uburenganzira bwo kurega NRC ndetse namatora agaseswa. Mu bucamanza iyo wibeshyeho nakitso, Akadomo byose biba bipfuye.

    September 2018
  • chat_bubble Emmy

    Ubuse kko NEC iratinyuka itangazeko Nsengiyumva Jenvier yagize amajwi runaka kandi ntaho aya mazina yagaragaye mucyumba cy’itora cg baratangaza Nsengimana Jenvier cyn ko ariwe wagaragaye cg amatora azasubirwamo cyn ko amakosa atari ay’umukandida?

    September 2018
  • chat_bubble Bolingo

    Uyu mukandida yabirenganiyemo.
    Iri si ikosa rito na mba NEC nisabe imbabazi, kuko biragaragara ko bafite uburangare mu nazi.
    Barimajina bakandika ibintu nta ho babisoma, kdi barashyikirijwe inyandiko zuzuye.
    Ibi nge nabifata nka carelessness mu kazi.
    Amabwiriza n’amategeko ntibyakurikijwe.
    Kdi Janvier afite ijambo rwose, dusabye inzego zibishinzwe kumuha uruvugiro.
    Nadatorwa nibura azishyurwe amafranga yose yakoresheje muri iyi nkubiri.
    Ibyo bizabazwe NEC muri rusange.
    Ngewe ndarukase.
    Amafranga igihugu cyatanze ni menshi, abandi bayaririye ubusa baduha abacandida tutigeze twumva.
    Ibi rwose byiganwe ubushishozi bwimbitse.
    Gusa mbabajwe n’iyi mikorere.

    September 2018

Inzindi nkuru

Imibonano mpuzabitsina siyo yubaka urugo, ni akantu gato, n’inyamaswa...

Mu kiganiro Pasteur Antoine Rutayisire yahaye Umuryango, yagaye ko haba...
1 April 2019 Yasuwe: 5226 2

Ese Rucagu yari ari he ubwo indege ya Habyarimana yaraswaga? Ngo yabaye mu...

Rucagu Boniface, umwe mu basaza b’inararibonye ndetse akaba n’umwe mu bagize...
27 March 2019 Yasuwe: 12075 1

"Hari abavugaga ko amasengesho yo gusabira igihugu ari aya FPR": Past...

Muri iyi video y’ikiganiro yagiranye n’Umuryango, Pasiteri Antoine Rutayisire...
18 March 2019 Yasuwe: 2195 0

Amb. Kanyamashuli Kabeya Janvier wari Umudepite yeguye

Nyuma y’amezi 6 atowe mu badepite bari kuri rutonde rw’abakandida b’ishyaka...
13 March 2019 Yasuwe: 8468 1

Imyanzuro y’Umwiherero wa 16 w’Abayobozi b’Inzego zitandukanye z’Igihugu...

Kuva ku itariki ya 9 kugeza ku ya 11 Werurwe 2019, mu Karere ka Gatsibo...
12 March 2019 Yasuwe: 3432 0

Ibibazo biri hagati y’Ubuganda n’u Rwanda birenze intambara y’amagambo: Amb...

Mu kiganiro n’abanyamakuru cyabaye uyu munsi Minisitiri wa Leta muri...
12 March 2019 Yasuwe: 7638 2