Kigali

‘Kuba Umunyarwanda asuhuza undi munyarwanda mu Cyongereza cyangwa mu Gifaransa biteye isoni’ Dr Vuningoma

Amakuru   Yanditswe na: Nsanzimana Ernest 4 February 2018 Yasuwe: 1878

Gusuhuzanya no kuganira mu ndimi z’ amahanga hari Abanyarwanda basigaye babifata nk’ ubusirimu cyangwa ikimenyetso cy’ uko basomye gusa Umuyobozi w’ inteko Nyarwanda y’ Ururimi n’ Umuco Dr James Vuningoma we asanga ari urukozasoni kuba Umunyarwanda yasuhuza mugenzi mu Cyongereza cyangwa mu Gifaransa.

Yabitangarije mu kiganiro ku Nteko cyo kuri Radio 10 cyatambutse kuri uyu wa 4 Gashyantare 2018. Dr Vuningoma avuga ko kumenya indimi z’ amahanga bifitiye akamaro Abanyarwanda kuko bazihahisha gusa akagaragaza ko izo ndimi zidakwiye kumira Ikinyarwanda kuko ari ‘Indangamunyarwanda’.

Yagize ati “Twubahe Ikinyarwanda tukirengere ariko tunubahe izindi ndimi z’ amahanga kuko nizo ndimi duhahiramo”

Umunyamakuru yagaragarije Dr Vuningoma ko hari ibiro byo mu Rwanda bikorwamo n’ Abanyarwanda Umunyarwanda ajyamo agiye kwaka serivisi yavuga Ikinyarwanda bikaba byamwimisha serivi agiye ashaka, Dr Vuningoma amusubiza ko ibyo bintu bibaho.

Ati Ibyo turabizi ahubwo si mu mabiro gusa, mu mabanki biriya byapa byamamaza, ibyo bintu byose biriho ariko ni ubugingo bwacu. Ubwo se umuntu uza akakuramutsa mu Cyongereza cyangwa mu Gifaransa uri Umunyarwanda nawe ari Umunyarwanda ibyo si urukozasoni? …Ni uburenganzira bwe yego ariko ni ukurangara”

Mu minsi ishize Ishami ry’ Umuryango w’ Abibumbye ryita k’ Uburezi n’ Umuco ryashyize UNESCO Ikinyarwanda mu ndimi esheshatu mu ndimi zishobora gucika burundu mu gihe nta gikoze mu maguru mashya.

Dr Vuningoma asanga kuba Ikinyarwanda cyarashyizwe mu ndimi zenda gupfa atari igikuba cyacitse ahubwo ari ikimenyetso cy’ Abanyarwanda bakwiye kutarangara, avuga ko Ikinyarwanda kirimo gutera imbere kuko hari uburyo bwo kucyandika, kandi hakaba haranakozwe Inkoranyamagambo zacyo. Ngo Ikinyarwanda gifite amagambo menshi ahubwo abantu bakwiye kwirinda imvugo ivuga ngo Ikinyarwanda kirakennye bagashaka amagambo aboneye yo kuvuga no gukoresha kuko ahari.

Raporo ya UNESCO yo mu mwaka ushize wa 2017 yashyize Ikinyarwanda ku mwanya wa 86 mu ndimi zivugwa n’ abantu benshi mu Isi. Iyi raporo yatangaje ko Ikinyarwanda kivugwa n’ abaturage 9,306,800.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble niyongaboz@yahoo.fr

    njye mba muri Paris ni umujyi munini urimo indimi
    nyinshi ariki mubyukuri ntibirambaho ngo mpure numunyarwanda tuvuge igifaransa niyo ashatse kukimvugisha musubiza mukinyarwanda, nyabune nimureke dukude ururimi rwacu

    2 weeks ago
  • chat_bubble

    Hahahaha, Icyo mbakundira burimuntu areba ikimuha umugati wigihe kirekire, Ngaho nimukureho kwinga mundimi zamahanga mubisubize mukinyarwanda, nonese kumenya ururimi ko ari ukuruvuga tuzarumenya dute tutaruvuze? Nonese nintimenyereza kuvuga urwo rurimi ndikumwe namugenzi wanjye nzarumenya? ikibazo nukuvuga izo ndimi zamahanga uri mubantu uzi ko batazizi, ayo mavugurura mukora musigasira akazi mwahawe niyo atuma ibintu byose bidatera imbere.

    2 weeks ago
  • chat_bubble Umuliza Jackline

    Biteye iso ni impamo! Kuba uri umunyarwanda uvugana n’umunyarwanda yzi ikinyarwanda mwarangize mukaganira mu rundi rurimi rw’amahanga!! Byari bikwiye kudutera isoni ni ipfunwe! Nyamara dufite abandi bifuza kuba abanyarwanda ariko twambaye ikirezi ntituzi ko cyera. Twisubireho

    2 weeks ago
  • chat_bubble gahire

    Nibyo pe biteye isoni nkanjye ejo bundi nagiriye ikibazo muri magerwa bansaba kwandika ibaruwa mu cyongereza mbabajije ati ese nyanditse mu kinyarwanda hari ikibazo? Bansubijr Ko ikinyarwanda kitemewe,ibaze nawe umunyarwanda akubwiye Ko ikinyarwanda kitemewe mu Rwanda
    Erega a birabura nta bwenge tugira tujye tubyemera

    2 weeks ago
  • chat_bubble kagare

    Yes,Yes.Barasuhuzanya ngo "How are you",cyangwa How do you do?" Ibi babyita Acculturation.Kumva ko kuvuga indimi z’amahanga uba uri "civilized" kurusha abandi.Hari benshi babuza abana babo kuvuga Ikinyarwanda.Ndetse hari benshi banga kuvuga ikinyarwanda kugirango bereke abandi ko "basomye",nukuvuga "bize".Birababaje.Jye nk’umukristu,ndibutsa abantu ko isi yigeze kuba igihugu kimwe kivuga "ururimi rumwe"?Soma Intangiriro 11:1.Mu myaka mike iri imbere,isi izaba nshya (2 Petero 3:13).Imana nimara kurimbura abantu banga kuyumvira (Imigani 2:21,22),igakuraho n’ubutegetsi bwa kimuntu (Daniel 2:44),isi izaba Paradizo ari igihugu kimwe kiyoborwa na YESU (Ibyahishuwe 11:15).Ibibazo byose biveho,harimo urupfu,indwara n’ubusaza (Ibyahishuwe 21:4).Isi yose izaba ivuga Ururimi rumwe gusa.Niba ushaka kuzaba mu isi izaba Paradizo,biharanire.Reka kwibera mu byisi gusa,ushake imana.Kora kugirango ubeho,ariko ushake imana cyane.Abantu bapfuye bumvira imana,bazazuka ku munsi w’imperuka (Yohana 6:40).

    2 weeks ago

Inzindi nkuru

Uruzinduko rwa Perezida Lungu rusigiye iki u Rwanda

Perezida wa Zambia Edgar Lungu wasoje uruzinduko rwe i Kigali yatangaje ko...
22 February 2018 Yasuwe: 656 0

Kongera ibyo kurya bigenewa impunzi za Kiziba ntibiri hafi aha

Ishami ry’umuryango w’abibumbye ryita ku mpunzi (UNHCR) rirahamagarira...
22 February 2018 Yasuwe: 750 1

Uganda: U Rwanda ruhagarariwe na Minisitiri Musoni mu nama y’ abakuru b’...

Musoni yahagarariye Perezida Kagame mu mwiherero w’abakuru b’ibihugu bya EAC...
22 February 2018 Yasuwe: 1330 0

Perezida Kagame yakiriye mugenzi we Edgar Lungu [AMAFOTO]

Kuri uyu wa Gatatu, tariki ya 21 Gashyantare 2018 Perezida Paul Kagame...
21 February 2018 Yasuwe: 1649 0

Guverineri Mureshyankwano yakomoje ku gafuti yakoze ari umwana yibuka...

Ni umunyapolitiki uzwiho ubuhanga bwo kuganiriza abaturage ayobora abaha...
20 February 2018 Yasuwe: 4216 0

U Rwanda ntirutewe ubwoba n’igitutu cya Amerika isaba kugarura...

Leta y’U Rwanda yatangaje ko ititeguye kugarura ubucuruzi bwa...
19 February 2018 Yasuwe: 1398 0