Kigali

‘Kwibwira ko hari imigabane iruta indi biragenda bishira’ Perezida Kagame

Amakuru   Yanditswe na: Nsanzimana Ernest 22 October 2018 Yasuwe: 756

Perezida Kagame yabitangaje kuri uyu wa 22 Ukwakira 2018 ubwo yatangizaga imirimo y’ inteko nyafurika ya gatanu. Iyi nteko izamara ibyumweru ibera mu Rwanda. Turabashimira akazi keza mukora.

Inteko Nyafurika ni ihuriro rihuza abagize Inteko zishinga Amategeko za Afurika n’abaturage bahagarariye n’inzego zitandukanye z’Umuryango w’Ubumwe bwa Afurika.

Perezida Kagame yavuze ko afite icyizere ko abagize iyi nteko bazakomeza guharanira ukwishyira hamwe kwa Afurika.

Yagize ati “Nashakaga kubasaba inkunga yanyu mu kwihutisha ishyirwa mu ngiro ry’amasezerano ashyiraho Isoko Rimwe Nyafurika, amasezerano ku rujya n’uruza rw’abantu n’ibintu, ndetse n’ibindi bijyanye na gahunda ya 2063 Umuryango w’Ubumwe bwa Afurika wihaye”.

Yavuze ko ishyirwa mu bikorwa ry’izi gahunda zose rizafasha mu kongera ubukungu bwa Afurika ndetse no gukuraho icyasha uyu mugabane ugifite mu maso ya benshi.

Umukuru w’ igihugu yavuze ko gukorera hamwe nibyo byonyine bizafasha Afurika kugira ijwi ryumvikana mu ruhando rw’amahanga.

Yongeraho ati “Ibyo kwibwira ko hari imigabane iruta indi n’abaturage baruta abandi biragenda bishira buhoro buhoro nkuko tubibona hirya no hino ku Isi.”

Perezida w’ iyi Nteko Nyafurika yavuze ko u Rwanda ari igihugu ntangarugero mu kurwanya ruswa.

Yagize ati “u Rwanda ni intangarugero mu guhangana na ruswa kuko rushyiraho uburyo bw’ ubukangurambaga mu kuyirwanya. Ubushake bwa politiki n’ ibikoresho ni ngombwa muri uru rugamba”

Insanganyamatsiko y’ uyu mwaka igira iti ‘Kurandura ruswa burundu inzira yo guteza imbere Afurika’. Imirimo y’ iyi nteko izasozwa tariki 3 Ugushyingo uyu mwaka 2018.


Iyi nteko yitabiriwe n’ abarimo abakuriye inteko zishinga amategeko mu bihugu bya Afurika

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble kibonge

    turashimira nyakubawa perezida w,urwanda mu intama nziza yagiriye abari bitabiriye imirimo y,inteko nyafurika ko gukorera hamwe aribyo bizazamura isura nziza y,afurika akomeza avugako ntamuturage urutundi

    October 2018

Inzindi nkuru

Imibonano mpuzabitsina siyo yubaka urugo, ni akantu gato, n’inyamaswa...

Mu kiganiro Pasteur Antoine Rutayisire yahaye Umuryango, yagaye ko haba...
1 April 2019 Yasuwe: 5543 2

Ese Rucagu yari ari he ubwo indege ya Habyarimana yaraswaga? Ngo yabaye mu...

Rucagu Boniface, umwe mu basaza b’inararibonye ndetse akaba n’umwe mu bagize...
27 March 2019 Yasuwe: 12368 1

"Hari abavugaga ko amasengesho yo gusabira igihugu ari aya FPR": Past...

Muri iyi video y’ikiganiro yagiranye n’Umuryango, Pasiteri Antoine Rutayisire...
18 March 2019 Yasuwe: 2357 0

Amb. Kanyamashuli Kabeya Janvier wari Umudepite yeguye

Nyuma y’amezi 6 atowe mu badepite bari kuri rutonde rw’abakandida b’ishyaka...
13 March 2019 Yasuwe: 8559 1

Imyanzuro y’Umwiherero wa 16 w’Abayobozi b’Inzego zitandukanye z’Igihugu...

Kuva ku itariki ya 9 kugeza ku ya 11 Werurwe 2019, mu Karere ka Gatsibo...
12 March 2019 Yasuwe: 3737 0

Ibibazo biri hagati y’Ubuganda n’u Rwanda birenze intambara y’amagambo: Amb...

Mu kiganiro n’abanyamakuru cyabaye uyu munsi Minisitiri wa Leta muri...
12 March 2019 Yasuwe: 7818 2