Kigali

‘Kwihangira imirimo ntabwo bishaka uwabuze akazi kamuha umushahara’-Perezida Kagame (Amafoto)

Amakuru   Yanditswe na: Nsanzimana Ernest 12 December 2018 Yasuwe: 787

Perezida Paul Kagame yabwiye urubyiruko ko amateka mabi y’ahahise h’u Rwanda azasibwa no kwiteza imbere, arusaba gukangukira ibyo kwihangira imirimo.

Yabitangaje kuri uyu wa Gatatu ubwo yitabiraga Ihuriro ry’urubyiruko rizwi nka Youth Connekt ryitabiriwe n’abasaga 2500.

Muri iri huriro ryabereye mu cyumba mu Intare Conference Arena, Perezida Kagame yavuze ko ahazaza h’u Rwanda hari mu biganza by’urubyiruko.

Yavuze ko ahahise h’u Rwanda hangiritse ku buryo aribyo byabaye nk’ikirango, asaba urubyiruko gufata iya mbere mu kuyahindura.

Yagize ati “Turashaka kubaka igihugu cy’umuco mwiza, gifite ibikiranga. Twagize ikituranga kibi mu mateka yacu, twagize amateka mabi. Ubu turi hano twahuriye hano ni ukugira ngo duhindure ayo mateka, uko twumvikanye hanyuma twubake uko tuzumvikana mu bihe biri imbere.”

Yakomeje avuga ko ayo mateka mabi azasibwa no kwiteza imbere, asaba urubyiruko gukangukira kwihangira imirimo kandi ko bidasaba uwabuze akandi kazi nkuko bijya bikorwa.

Yagize ati “Kwihangira imirimo ntabwo bishaka uwabuze akazi kamuha umushahara, ntabwo umuntu yihangira akazi kuko yabuze akamuha umushahara. Rwiyemezamirimo ntabwo bigendera ku myaka ufite bitangira kare. kuba rwiyemezamirimo ni uko wagiye ukura mu bitekerezo si uko wabuze akazi kaguha umushahara.”

Yavuze ko nubwo kwihangira umurimo bitangira ari inyungu z’umuntu umwe, bigirira igihugu akamaro kuko uwahanze umurimo hari ubwo bigera no ku bandi bakabona akazi.

Yasobanuye ko ibyo byose bitagerwaho ku bantu batekereza hafi.

Yagize ati “Mu mateka yacu uko dutekereza bikwiriye kuba biruta uko tungana nk’igihugu, mu bikorwa. No muri ibi byo kwihangira umurimo, umutekano, gutera imbere, ibyo dukora biduteza imbere turebe ibintu binini, twiba mu tuntu duto.”

Urubyiruko rwitabiriye Youth Connekt rurimo ba rwiyemezamirimo bakiri bato, urwaturutse mu turere twose tw’igihugu, mu mashuri makuru na za kaminuza, urwibumbiye mu mahuriro y’urubyiruko, urw’Abanyarwanda baba mu mahanga, uruvuye mu itorero Urunana rw’Urungano icyiciro cya gatatu n’abandi.












Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Mu Burundi,Gitega yahinduwe umurwa mukuru wa Politiki mu gihe Bujumbura...

Umujyi wa Gitega uri hagati mu Burundi ugiye kuba umurwa mukuru wa politike...
21 December 2018 Yasuwe: 3761 0

Perezida Kagame yagizwe umuyobozi w’umwaka muri Afurika

Ikinyamakuru cyandikirwa ku mugabane wa Afurika ariko kikaba ari umutungo...
20 December 2018 Yasuwe: 1947 1

Ifoto yakunzwe:Perezida Kagame yagaragaye ari hagati ya Perezida w’Ubumwe...

Perezida Paul Kagame kuri uyu wa Kabiri yitabiriye Ihuriro rya Afurika n’u...
19 December 2018 Yasuwe: 5444 0

Umuvugizi wa FDLR umutwe wiganjemo abagize uruhare muri Jenoside yakorewe...

Uwari Umuvugizi wa FDLR,LaForge Fils Bazeye, umutwe wiganjemo abagize...
17 December 2018 Yasuwe: 3286 0

‘Kugira urubyiruko rudafite inzozi ni nko kugira ibimasa ugategereza...

Umuyobozi w’ Itorero ry’ Igihugu Edouard Bamporiki yagaragaje ko Perezida...
14 December 2018 Yasuwe: 1283 0

Hejuru ya 80% ingengabitekerezo ya Jenoside yaragabanutse mu myaka 20...

Umunyamabanga Nshingwabikorwa wa Komisiyo y’igihugu yo kurwanya Jenoside...
14 December 2018 Yasuwe: 486 0