skol
Kigali
startimes

Minisitiri Biruta yavuze ku cyifuzo u Burundi bwatanze ngo umubano wabwo n’u Rwanda ugaruke no ku ifatwa rya Rusesabagina

Amakuru   Yanditswe na: Dusingizimana Remy 1 October 2020 Yasuwe: 9225

Minisitiri w’Ububanyi n’Amahanga w’u Rwanda,Dr.Vincent Biruta yatangaje ko u Rwanda rwiteguye kubana neza n’igihugu cy’u Burundi nikibishaka gusa yemeza ko uyu mubano washoboka bidasabye amabwiriza.


Mu mezi make ashize,Perezida Evariste Ndayishimiye yavuze ko u Burundi butabana neza n’u Rwanda igihe rutaratanga bamwe mu bantu bashatse guhirika ubutegetsi mu mwaka wa 2015.

Mu kiganiro yagiranye n’ikinyamakuru Jeune Afrique cyabaye mu buryo bw’ikoranabuhanga, Minisitiri Biruta yavuze ku ngingo nyinshi zitandukanye zirimo umubano w’u Rwanda n’ibihugu bituranyi ndetse no ku ifatwa rya Paul Rusesabagina.

Jeune Afrique yabajije Dr.Vincent Biruta niba hari impinduka zishoboka kugira ngo umubano w’u Rwanda n’u Burundi uzahuke ndetse niba u Rwanda rwiteguye gutanga impunzi zishinjwa uruhare mu kugerageza guhirika ubutegetsi bw’u Burundi muri 2015.

Minisitiri Biruta yagize ati “Bagenzi bacu bo mu Burundi bagaragaje ibyo basaba byinshi kugira ngo ibiganiro bisubukurwe, basaba u Rwanda kubashyikiriza impunzi zishinjwa uruhare mu kugerageza guhirika ubutegetsi mu 2015. Ku ruhande rwacu, dutekereza ko icyo ataricyo gisubizo cyiza kandi ko umubano ushobora gusubira ku murongo bidasabye ko habanza kubaho amabwiriza.

Twabijeje ko izi mpunzi nta gikorwa na kimwe zizakora ziturutse ku butaka bw’u Rwanda, kibangamiye u Burundi.

U Rwanda rwiteguye kwimakaza umubano n’u Burundi kandi wubakiye ku bwizerane. Nibabikenera, twebwe twiteguye gufatanya n’imiryango mpuzamahanga nk’Ishami ry’Umuryango w’Abibumbye ryita ku Mpunzi, mu gushaka igisubizo cyatuma u Burundi bugira umutuzo muri uru rugendo.

Jeune Afrique yabajije Minisitiri Biruta niba U Rwanda rwaba rubona u Burundi nk’ikibazo asubiza ati “Imitwe myinshi yitwaje intwaro yagabye ibitero ku butaka bw’u Rwanda iturutse mu Burundi, cyangwa se niho yahungiye. Mu minsi ishize biturutse ku bikoresho twafashe ku bagabye igitero, twabashije kubona ko bari bitwaje ibikoresho by’Ingabo z’u Burundi.”

Iki kinyamakuru cyabajije Minisitiri ku ifatwa rya Rusesabagina ndetse niba uruzinduka bivugwa ko yari agiriye mu Burundi rufite aho ruhuriye n’ibikorwa bya FLN.

Minisitiri Biruta yagize ati “Indege Rusesabagina yafatiye i Dubaï yagombaga kujya i Kigali ntabwo ari i Bujumbura, ntabwo yayobejwe. We yatekerezaga ko agiye mu Burundi, ariko ntabwo yigeze ahatirwa kuyijyamo. Ashobora kuba yaribeshye ku ndege.

Birashoboka ko urugendo rwe rwari rufitanye isano n’ibikorwa bya FLN, nubwo yavuze ko yari afitanye gahunda n’abapasiteri. Ni we uzi neza icyo yari agiye gukora.

Minisitiri Biruta yavuze ko inama y’abakuru b’ibihugu yari yatumijwe na perezida Tshisekedi yagoranye bituwe n’ibihe isi irimo bya COVID-19 byatumye abaperezida badahura.

Yavuze ko u Rwanda ruzayitabira ubwo ibintu bizaba bimeze neza ariko ko bitazashoboka kugeza mu ntangiriro z’umwaka utaha.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble ntaki sadock

    Urwanda nimba rukeneye umubano mwiza niruzane abashatse gutembagaza reta 2015 kuko turazi kobari murwanda nababuhungabanya Ubu ariyobari. Ivyo kuvuga navyo ngobateye urwanda bava muburundi ivyobikoresho babafataye babitoye mumayarara baza kuvyereka ngonivyo babafatanye.
    Urwanda nikihe gihugu ubu barabana ryiza bihanimbibe? Ivyo vyerekana kurwanda rwatumwe numukoroni kuvyonga ibihugu vyomubiyaga binini nibimenyetso birahari.
    Bikebuke inyenzi yisema itondera kukuguru kwisake.

    2 months ago

Inzindi nkuru

Perezida Macron yemeje ko azasura u Rwanda muri 2021

Perezida w’u Bufaransa, Emmanuel Macron, yatangaje ko mu mwaka utaha wa 2021...
20 November 2020 Yasuwe: 1511 0

Perezida Kagame yahuriye bwa Mbere mu nama na Ndayishimiye w’u Burundi...

Uyu munsi habaye inama ya munani yahuje abakuru b’ibihugu bigize umuryango...
20 November 2020 Yasuwe: 4782 0

’Ubwisanzure na demokarasi bifite aho bitagomba kurenga’-Perezida...

Perezida John Magufuli wa Tanzania yavuze ko ubwisanzure na demokarasi...
14 November 2020 Yasuwe: 778 0

Inama y’Abaminisitiri yagumishijeho ingamba zisanzwe zo kwirinda...

Ku gicamunsi cyo kuri uyu wa Gatatu tariki ya 11 Ugushyingo 2020 muri...
12 November 2020 Yasuwe: 4014 0

Imbamutima za Meya Sebutege wabaye uwa kabiri mu mihigo y’Uturere

Umuyobozi w’akarere ka Huye,Bwana Sebutege Ange,umaze imyaka isaga 2 ku...
1 November 2020 Yasuwe: 2369 0

"Ntimushobora kubwira abantu muyobora ibyo mubona bakora bitari byo ko...

Nyakubahwa Perezida Kagame yakebuye abayobozi batandukanye by’umwihariko...
30 October 2020 Yasuwe: 1687 0