Kigali

Minisitiri Uwacu yagaragaje ko afite impano yo kuririmba [VIDEO]

Amakuru   Yanditswe na: Nsanzimana Ernest 23 September 2018 Yasuwe: 2286

Minisitiri w’ Umuco na Siporo Uwacu Julienne yaririmbye agace gato k’ indirimbo mu rwego rwo kugaragaza impano ye bituma abakumvishe bemeza ko afite ubuhanga mu kuririmba.



Ni muri gahunda iriho yo kuzenguruka u Rwanda bareba abasore n’ inkumi bibitseho impano zitandukanye.

Minisitiri Uwacu yageze i Huye ku wa 22 Nzeri 2018 ahari hateraniye abanya Huye, Kamonyi, Muhanga, Ruhango na Nyanza mu irushanwa ArtRwanda- Ubuhanzi rigamije kugaragaza urubyiruko rw’abanyempano no kurufasha kuzimurika hose ngo zibyazwe umusaruro, mu Karere ka Huye, na we ahishura impano ye yo kuririmba.

ArtRwanda- Ubuhanzi yibanda ku banyempano bari hagati y’imyaka 18-35 babarizwa mu byiciro by’Ubugeni, Indirimbo n’Imbyino, Imideli, Ikinamico n’Urwenya, Filimi no Gufata Amafoto, Ubusizi n’Ubuvanganzo.

Ni umushinga wa Minisiteri y’Urubyiruko n’iya Siporo n’Umuco, ushyirwa mu bikorwa na Imbuto Foundation.

Umunyarwenya Nkusi Arthur uri gutegura ikiganiro kizanyura kuri Televiziyo y’u Rwanda yakiriye Minisitiri Uwacu amubaza impano yakuranye mu bukumi bwe, amubwira iyo ‘kuririmba.’

Yongeye ati ‘‘Murayiha ‘Yes’ kuko impano yanjye maze igihe nyitegura ntabwo natahana ‘No’ uyu munsi.”

Minisitiri Uwacu yahise ahanika ijwi aririmba iyitwa ‘‘Umugeni mwiza’’ y’umuhanzi Rugamba Sipiriyani n’Amasimbi n’Amakombe.

Ati “Burya umugeni mwiza ni uhora asusurutse, ni useka adasakuza cyangwa asahinda, ni umwe usesuye ufite inkesha ku maso...”

Impano ye yishimiwe cyane ndetse abakoresha imbuga nkoranyambaga barabihamya. Benshi bavuze ko babaye bari mu Kanama Nkemurampaka bamuhundagazaho ‘Yego’ zibyibushye.

Umuyobozi wungirije wa Imbuto Foundation, Umutesi Gerardine yavuze ko u Rwanda rwahiriwe no kugira abayobozi b’ibyitegererezo ku bato.

Yagize ati “Akwiye ‘Yes’ eshanu. Wakoze nyakubahwa Minisitiri Uwacu gushishikariza urubyiruko kugaburira impano rwifitemo no kugira uruhare mu iterambere ry’ubukungu bw’igihugu.”‏

Iyamuremye Donat we yagize ati “Iyi mpano irarenze. Ikubiyemo ubutumwa bwo kurambagiza.”

Mu butumwa yanyujije ku rukuta rwe rwa Twitter, Minisitiri Uwacu yagize ati “Mwakoze Art-Rwanda- Ubuhanzi kumpa amahirwe. Byari bishimishije cyane. Ndahamagarira urubyiruko mwese kuza tugafatanya kwagura impano zacu.”

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Inama ya EAC yagombaga guhuza abaperezida yimuwe ishyirwa mu mwaka...

Inama ya 21 y’abakuru b’ibihugu 6 bigize umuryango wa Afurika y’Iburasirazuba...
19 November 2019 Yasuwe: 1056 1

Perezida Kagame yahakanye ko u Rwanda rudakoresha ikoranabuhanga rifasha...

Nyakubahwa Perezida Paul Kagame yabwiye abanyamakuru mu kiganiro yagiranye...
8 November 2019 Yasuwe: 2796 0

Perezida Kagame yamaganye umuco mubi wa bamwe mu baganga bagira ubusumbane...

Perezida Kagame yanenze abaganga bita cyane ku bayobozi bakomeye bakareka...
7 November 2019 Yasuwe: 2505 0

Perezida Kagame yakoze impinduka mu gisirikare cya RDF azamurira bamwe...

Perezida wa Repubulika akaba n’Umugaba w’Ikirenga w’Ingabo z’u Rwanda, yakoze...
5 November 2019 Yasuwe: 4016 0

Perezida wa Repubulika yakoze impinduka zitandukanye muri Guverinoma

Ashingiye ku biteganywa n’itegeko nshinga rya repubulika y’u Rwanda ryo mu...
4 November 2019 Yasuwe: 7572 1

Perezida Paul Kagame yasubije wa mukobwa wakubitiwe mu ruhame n’umuherwe...

Kuwa 5 Nzeri nibwo umukobwa witwa Diane Kamari yanditse ku rukuta rwe rwa...
11 September 2019 Yasuwe: 19468 6