Kigali

Minisitiri w’ Intebe Dr Ngirente yirukanye abayobozi bane muri RAB barimo na Dr.Gahakwa

Amakuru   Yanditswe na: Nsanzimana Ernest 22 November 2017 Yasuwe: 7357

Mu gitondo cyo kuri uyu wa gatatu Umuryango wamenye amakuru avuga ko Minisitiri w’ intebe w’ u Rwanda Dr Edouard Ngirente yaba yahagaritse ku mirimo abayobozi bane mu Ikigo cy’Igihugu Gishinzwe Ubuhinzi n’ Ubworozi (RAB).

Mu bayobozi bane bahagaritswe harimo na Daphrose Gahakwa wari umuyobozi wungirije w’ iki kigo. Dr. Gahakwa aherutse kuvugwaho gusuzugura abadepite ubwo RAB yagombaga kwitaba abadepite bagize komisiyo ishinzwe gukurikirana imikoreshereze y’ umutungo wa Leta (PAC) , Umuyobozi mukuru wa RAB, Marc Cyubahiro akitaba wenyine kandi na Dr Daphrose Gahakwa yari yahawe ubutumire na PAC.

Uretse Daphrose Gahakwa abandi bayobozi aya makuru avuga ko birukanywe ni Bimenya Theogene wari Umuyobozi ushinzwe imari n’ ubutegetsi (DAF)’ Umuyobozi wari ushinzwe ishami ryo kuvomerera imyaka(Irrigation) ndetse na Nyirasangwa Violette wari umuyobozi ushinzwe ihuzabikorwa (Corporate Services).

Gahakwa ahagaritswe mu gihe aherutse kumvikana avuga ko atasuzuguye abadepite n’ubwo Umuyobozi wa RAB we yari yavuze ko yaje kwitaba PAC azi ko bahahurira.

Yagize ati “Ntabwo nanze kwitaba nagize ikibazo njya kwa muganga ariko hari umunyamakuru umwe wampamagaye ambwira ariko byarantunguye cyane kuvuga ko nanze kwitaba rwose no guhagararira ikigo nkunda kujyayo nkagihagararira.”

Andi makuru Umuryango wamenye ni uko mu gitondo cyo kuri uyu wa 22 Ugushyingo 2017 ku biro bya RAB hari hateganyijwe inama y’ abayobozi ba RAB na Minisitiri w’Intebe.

Nta rwego rwa Leta ruremeza izi mpinduka muri RAB. Turacyakurikirana aya amakuru!

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble musafili

    Ibintu nkibi hari igihe biba ari akagambane

    2 weeks ago
  • chat_bubble K2GI

    uyu mugore nari narayobowe aho yagiye naho yibereye mu kigo cy’ ubuhinzi. Nyamara abadepite bacu barakora, kukona abayobozi basigaye baitinya kubitaba, bashobora kuba basigaye babahata ibibazo bikaze

    2 weeks ago
  • chat_bubble Sandrine

    Bravo PM DR NGIRENTE uzagere no RBC naho ibyaho mbona atari shyashya. kuva ku muyobozi muto kugera ku mukuru ntibagira gahunda

    2 weeks ago
  • chat_bubble SHYIRAMBERE PETER

    WASANGA UYU MUYOBOZI WANZE KWITABA PAC HARI IBYO YIKEKA. NO MURI MINEDUC YAHAVUYE ATAMAZEMO KABIRI KANDI IBINTU YARI ATANGIYE KUBIZABYA. KUBA IREME RY’ UBUREZI RITAMEZE NEZA KURI YABIGIZEMO URUHARE. POLISI IMUKURIKIRANE NISANGA HARI AMANYAGA YAKOZE ABIRYOZWE

    2 weeks ago
  • chat_bubble Jeanne

    Leta y’ u Rwanda ndayiyiziye ntijya guhagarika umuntu itamubonyeho amakosa, nibitegure nyine ubwo uburoko burabategereje.

    2 weeks ago

Inzindi nkuru

Umuryango Sinapisi Rwanda wigeze kwakira ubutumwa buvuye kuri George W....

Umuryango Sinapisi Rwanda kuri uyu wa 9 Ukuboza 2017 wizihije imyaka 25...
10 December 2017 Yasuwe: 974 3

Perezida Kagame ari ku rutonde rw’ abafite ijambo rikomeye muri...

‘New African Magazine’ ku rutonde rwayo ngarukamwaka rw’ Abanyafurika 100...
8 December 2017 Yasuwe: 618 0

Misiri: P.Kagame yagaragaje ko hakwiye kwitabwa ku mpano z’abaturage

Perezida wa Repubulika Paul Kagame ari Sharm-El-Sheikh mu Misiri aho...
7 December 2017 Yasuwe: 294 0

Akari ku mutima wa Nsengimana na Musafiri bakuwe muri Guverinoma

Ku mugoroba wo kuwa gatatu tariki ya 06 Ukuboza 2017 nibwo Perezida wa...
7 December 2017 Yasuwe: 3740 0

Perezida Kagame yakuyeho Minisitiri w’Uburezi n’uw’ikoranabuhanga

Kuri uyu wa gatatu tariki ya 06 Ukuboza 2017 Perezida wa Repubulika y’u...
6 December 2017 Yasuwe: 1687 0

Ibyemezo byafatiwe mu nama y’Abaminisitiri idasanzwe yabaye kuri uyu wa...

None kuwa Kabiri tariki ya 5 Ugushyingo 2017, Inama y’Abaminisitiri...
5 December 2017 Yasuwe: 2624 0