Kigali

Mpayimana ngo ishyaka rye niryemerwa rizakemura ikibazo cy’ Abanyarwanda bajya hanze bakigira intagondwa

Amakuru   Yanditswe na: Nsanzimana Ernest 12 November 2018 Yasuwe: 765

Umunyapolitiki Mpayimana Philippe uherutse gushinga ishyaka rya politiki rihanira Iterambere ry’ Abanyarwanda PPR yavuze ko iri shyaka niryandikwa kimwe mu byo rizakemura ari ikibazo cy’ Abanyarwanda bagera hanze bakigira intagondwa.

Yabitangaje kuri uyu wa Mbere tariki 12 Ugushyingo mu kiganiro yagiranye na Radiyo Ijwi ry’ Amerika, kibanze ku ishyaka aherutse gushinga .

Mpayimana wageze mu Rwanda umwaka ushize avuye mu Bufaransa byumvikana neza ko nawe yabaga hanze y’ u Rwanda yavuze ko impamvu ituma Abanyarwanda bari mu mahanga bagira imyitwarire yo kutavugarumwe na Leta y’ u Rwanda yise ‘kwigira itangondwa’ ari uko batabona kimwe iterambere ry’ u Rwanda n’ abari imbere mu gihugu.

Yagize ati “Nitugira Imana ishyaka ryacu rikemerwa kimwe mu byo tuzaca ni ukuntu Abanyarwanda bari mu mahanga bigira intagondwa kubera kutabona kimwe n’ abari mu gihugu imbere iterambere kimaze kugeraho”

Umunyamakuru yibukije Mpayimana ko nawe mbere y’ uko ajya mu Rwanda yabaga mu Bufaransa amubaza impamvu ituma bamwe mu Banyarwanda bari mu mahanga batabona kimwe n’ abanyarwanda bari mu gihugu imbere ibijyanye n’ iterambere.

Mpayimana ati “Hari abagera mu mahanga bakagira ngo bavuye mu Isi bageze ku kwezi icyo tuzakora ni ukubereka no niyo bageze mu mahanga baba bakiri ku Isi”

Mpayimana ntabwo yavuze uburyo ishyaka rye rizakoresha mu gukemura iki kibazo.

Ikindi Mpayimana yavuze ishyaka rye rizashyira imbere ni icyo yise ‘iriganiza mu bukungu’. Ngo ‘abafite imishahara mini izagabanywa abafite mito cyane izamurwe.’

Mpayimana yiyamamarije kuba Perezida w’ u Rwanda ntiyatsinda, yiyamamariza kuba umudepite nabwo abura amajwi 5%.

Mu kwezi gushize kwa 10 nibwo Mpayimana bashinze ishyaka PPR avuga ko riharanira Iterambere rya Abanyarwanda. Iri shyaka riri mu mashyaka ataremerwa na Leta y’ u Rwanda.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble Kaka

    uyu we nta gahunda politique afite wagirango ibyo akora byaramugwiririye! umva nawe ibisobanuro atanga! ikigaragara arakoreshwa ninzara arashaka imyanya. wakuye amaboko mumufuka ugakora wa mugabo we ko politike yakwihishe!

    2 months ago

Inzindi nkuru

Mu Burundi,Gitega yahinduwe umurwa mukuru wa Politiki mu gihe Bujumbura...

Umujyi wa Gitega uri hagati mu Burundi ugiye kuba umurwa mukuru wa politike...
21 December 2018 Yasuwe: 3748 0

Perezida Kagame yagizwe umuyobozi w’umwaka muri Afurika

Ikinyamakuru cyandikirwa ku mugabane wa Afurika ariko kikaba ari umutungo...
20 December 2018 Yasuwe: 1935 1

Ifoto yakunzwe:Perezida Kagame yagaragaye ari hagati ya Perezida w’Ubumwe...

Perezida Paul Kagame kuri uyu wa Kabiri yitabiriye Ihuriro rya Afurika n’u...
19 December 2018 Yasuwe: 5432 0

Umuvugizi wa FDLR umutwe wiganjemo abagize uruhare muri Jenoside yakorewe...

Uwari Umuvugizi wa FDLR,LaForge Fils Bazeye, umutwe wiganjemo abagize...
17 December 2018 Yasuwe: 3274 0

‘Kugira urubyiruko rudafite inzozi ni nko kugira ibimasa ugategereza...

Umuyobozi w’ Itorero ry’ Igihugu Edouard Bamporiki yagaragaje ko Perezida...
14 December 2018 Yasuwe: 1279 0

Hejuru ya 80% ingengabitekerezo ya Jenoside yaragabanutse mu myaka 20...

Umunyamabanga Nshingwabikorwa wa Komisiyo y’igihugu yo kurwanya Jenoside...
14 December 2018 Yasuwe: 479 0