Kigali

Mpayimana yavuze ko natorwa azaha Abanyarwanda ubwato bujyana ibicuruzwa mu mahanga

Amakuru   Yanditswe na: Nsanzimana Ernest 27 July 2017 Yasuwe: 1973

Umukandida wigenga Mpayimana Philippe wiyamamariza kuyobora u Rwanda yasezeranyije Abanyarwanda ko nibamutora u Rwanda ruzagira ubwato buriho idarapo ry’ u Rwanda bujyana ibicuruzwa mu mahanga.

Ibi Mpayimana yabitangarije mu ntara y’ Iburasirazuba aho yiyamamarije kuri uyu wa Kane tariki 27 Nyakanga 2017. Kuri iyi tariki Mpayimana yiyamamarije Kirehe, Ngoma, Kabarondo, na Rwamagana.

Uyu mukandida yabwiye abaturage ko natorwa azateza imbere igihingwa cy’ urutoki abahinzi bakajya bohereza umusaruro w’ urutoki mu mahanga.

By’ umwihariko ngo mu rwego rwo kongera umusaruro w’ ibyo u Rwanda rwohereza mu mahanga azashyira ubwato buriho idarapo ry’ u Rwanda ku cyambu cya Mombasa, Abanyarwanda bage babwifashisha mu kugeza umusaruro wabo kuyindi migabane.

Ikindi uyu mukandida yabwiye aba baturage ni uko naramuka atowe amazi atazongera kugurishwa. Uyu mukandida avuga ko amazi ari kimwe n’ umwuka abantu bahumeka bityo ko adakwiye kugurishwa.

Uyu mukandida yavuze ko Abanyarwanda nibongera umusaruro w’ ibyo bohereza mu mahanga bizanoza umubano w’u Rwanda n’ ibindi bihugu kuko Abanyarwanda bazajya bahurira n’ abanyamahanga ku Isoko bakunga ubumwe.

Igikorwa cyo kwiyamamaza ku bakadandida batatu bahatanira kuyobora u Rwanda kimaze ibyumweru bibiri gitangiye. Mpayimana Philippe amaze kwiyamamariza mu turere 25 muri 30 tugize u Rwanda amaze kandi kwiyamamariza kuri site 50 muri site 70 yateganyije. Iki gikorwa kizasozwa tariki 3 Kanama 2017.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble Gaspard NISINGIZWE

    Ko mbona mwakoresheje ifoto yo mu Biryogo?mbega mwebwe!!!!!!1

    July 2017
  • chat_bubble kana jen

    Ariko uwo wananiwe kuyobora urugo rwe rw,abana 3 n,umugore niwe uzayobora U RDA yibatesha igihe.

    July 2017
  • chat_bubble che

    come on! reka twemere ibyo dushobora gukora kandi bishoboka.

    July 2017

Inzindi nkuru

RDC yashyikirijwe imibiri y’ingabo zayo zaguye mu mirwano yazihuje n’iz’u...

Kuri uyu wa Gatandatu tariki ya 17 Gashyantare, 2018 Repubulika Iharanira...
17 February 2018 Yasuwe: 3070 0

Perezida Kagame yaganiriye na Moussa Faki mu nama iri kubera mu...

Perezida wa Repubulika Paul Kagame uri mu gihugu cy’Ubudage yagiranye...
17 February 2018 Yasuwe: 372 0

Ruswa ishingiye ku gitsina iri hejuru mu bigo bya Leta

Mu bagore 100 batse akazi muri Leta 96 babwiye abashakashatsi ba...
16 February 2018 Yasuwe: 1051 4

Gasana Janvier ntakiri umuyobozi mukuru wa REB

Ikigo cy’ igihugu cy’ Uburezi REB cyahawe umuyobozi mukuru mushya usimbura Dr...
15 February 2018 Yasuwe: 1086 0

Umuyobozi muri Minisiteri yirukanywe burundu nyuma yo guha mushiki we za...

Gashayija Nathan wari Umuyobozi Mukuru muri Minisiteri y’Ubucuruzi n’Inganda...
15 February 2018 Yasuwe: 5534 3

Inama y’Abaminisitiri yo ku wa 14 Gashyantare 2018, bamwe bahawe imirimo...

None ku wa Gatatu, tariki ya 14 Gashyantare 2018, Inama y’Abaminisitiri...
15 February 2018 Yasuwe: 4294 0