Kigali

‘Mufite inshingano zo kutubaza icyo dukora mu nyungu za rubanda’ Busingye abwira abanyamakuru

Amakuru   Yanditswe na: Nsanzimana Ernest 16 November 2018 Yasuwe: 425

Minisitiri w’Ubutabera akaba n’ Intumwa Nkuru ya Leta yabwiye abanyamakuru ko bafite inshingano yo kubaza abayobozi ibyo bakora ariko bakababaza mu nyungu za rubanda yongeraho ko nabo bafite kandi inshingano yo gutanga umusanzu mu gukumira ibyaha.

Johnston Busingye yabivugiye ufite mu nshingano polisi y’ u Rwanda yabivugiye mu kiganiro polisi yagiranye n’abanyamakuru kuri uyu wa Gatanu tariki ya 16 Ugushyingo 2018.

Yagize ati “Abanyamakuru mufite inshingano zo kutubaza igihe cyose icyo dukora, mu nyungu z’abanyarwanda.”

Minisitiri Busingye yavuze ko igihugu hari urugero kigezeho mugukumira no kurwanya ibyaha avuga ko itangazamakuru naryo ryakomeza kugaragaza umusanzu waryo ntagereranywa mu kurwanya ibyaha.

Ati “Aho tugeze turagerageza kubaka igihugu kitagira ibyaha dushishikariza buri wese kubigiramo uruhare. Wowe wabonye /wumvise icyaha gikorwa ufasha iki kugira ngo icyo cyaha kimenyekane? Itangazamakuru ryagira uruhare ntagereranywa mu gukumira no kurwanya ibyaha kandi turabasaba ubufatanye”

Minisitiri Busingye yavuze ko gukumira no kurwanya ibyaha ari inshingano ya buri wese ati “ Abibwira ko ari inshingano ya Leta, ya Polisi y’ u Rwanda, y’izindi nzego za Leta baritiranya ibintu”

Cleophas Barore, Umuyobozi w’ urwego rwigenzura rw’ abanyamakuru RMC yakebuye abanyamakuru polisi ifatira mu ikosa aho gutanga ibisobanuro bakazamura ikarita abasaba kubicikaho.

Umuyobozi Mukuru wa Polisi y’ u Rwanda IGP Dan Munyuza yavuze ko abifuza guhungabanya umutekano w’ u Rwanda barimo kurota inzozi batazakabya kuko Abanyarwanda umutekano bawukomeyeho.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Imibonano mpuzabitsina siyo yubaka urugo, ni akantu gato, n’inyamaswa...

Mu kiganiro Pasteur Antoine Rutayisire yahaye Umuryango, yagaye ko haba...
1 April 2019 Yasuwe: 5165 2

Ese Rucagu yari ari he ubwo indege ya Habyarimana yaraswaga? Ngo yabaye mu...

Rucagu Boniface, umwe mu basaza b’inararibonye ndetse akaba n’umwe mu bagize...
27 March 2019 Yasuwe: 12046 1

"Hari abavugaga ko amasengesho yo gusabira igihugu ari aya FPR": Past...

Muri iyi video y’ikiganiro yagiranye n’Umuryango, Pasiteri Antoine Rutayisire...
18 March 2019 Yasuwe: 2171 0

Amb. Kanyamashuli Kabeya Janvier wari Umudepite yeguye

Nyuma y’amezi 6 atowe mu badepite bari kuri rutonde rw’abakandida b’ishyaka...
13 March 2019 Yasuwe: 8455 1

Imyanzuro y’Umwiherero wa 16 w’Abayobozi b’Inzego zitandukanye z’Igihugu...

Kuva ku itariki ya 9 kugeza ku ya 11 Werurwe 2019, mu Karere ka Gatsibo...
12 March 2019 Yasuwe: 3421 0

Ibibazo biri hagati y’Ubuganda n’u Rwanda birenze intambara y’amagambo: Amb...

Mu kiganiro n’abanyamakuru cyabaye uyu munsi Minisitiri wa Leta muri...
12 March 2019 Yasuwe: 7620 2