Kigali

Musabimana wari umuyobozi w’ ishuri yatorewe kuba Meya wa Nyabihu

Amakuru   Yanditswe na: Nsanzimana Ernest 14 May 2018 Yasuwe: 4345

Kuri uyu wa 14 Gicurasi 2018 Musabimana Odette wari Umuyobozi w’Urwunge rw’Amashuri rwa Rega ADEPR mu Murenge wa Jenda, yatorewe kuyobora Akarere ka Nyabihu mu gihe cy’inzibacyuho.

Musabimana wari usanzwe ari umujyanama muri Njyanama y’Akarere ka Nyabihu yatowe ku majwi 21 kuri 22 angana na 95.5% y’abatoye. Uyu mwanya yari awuhanganiye na Ntirugirimbabazi Jean Marie Vianney ukuriye Urugaga rw’Abikorera muri Nyabihu wagize ijwi rimwe (4.5 %).

Akarere ka Nyabihu kari kamaze iminsi itatu nta buyobozi gafite kuko abayigize bose beguye mu bihe bitandukanye guhera muri Werurwe 2018.

Ku ikubitiro heguye Mugwiza Antoine wari Umuyobozi w’Akarere ka Nyabihu wungirije ushinzwe Ubukungu, ibaruwa isezera kuri iyo mirimo yayitanze tariki ya 7 Werurwe 2018 n’Umunyamabanga Nshingwabikorwa w’Akarere, Ngabo James, weguye ku wa 17 Mata 2018, bose bavuga ko ari impamvu bwite.

Abaheruka ni Uwanzwenuwe Théoneste wari Meya w’Akarere weguriye rimwe na Visi Meya ushinzwe Imibereho Myiza y’Abaturage muri aka karere, Mukansanga Clarisse, uyu yahise atabwa muri yombi akurikiranyweho ibyaha bifitanye isano n’ingengabitekerezo ya Jenoside. Biteganyijwe ko mu minsi 90 hazakorwa amatora y’abayobozi b’Akarere.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Amb. Kanyamashuli Kabeya Janvier wari Umudepite yeguye

Nyuma y’amezi 6 atowe mu badepite bari kuri rutonde rw’abakandida b’ishyaka...
13 March 2019 Yasuwe: 7482 1

Imyanzuro y’Umwiherero wa 16 w’Abayobozi b’Inzego zitandukanye z’Igihugu...

Kuva ku itariki ya 9 kugeza ku ya 11 Werurwe 2019, mu Karere ka Gatsibo...
12 March 2019 Yasuwe: 3017 0

Ibibazo biri hagati y’Ubuganda n’u Rwanda birenze intambara y’amagambo: Amb...

Mu kiganiro n’abanyamakuru cyabaye uyu munsi Minisitiri wa Leta muri...
12 March 2019 Yasuwe: 7176 2

Huye: Gusana Umujyi, Itongo rya Gicanda, Ingoro ya Muvoma, Mukura, byinshi...

Hari hashize imyaka igera kuri ine ubuyobozi bw’Akarere bufashe icyemezo cyo...
3 February 2019 Yasuwe: 5659 0

Inama y’Abaminisitiri yongereye umushahara wa mwalimu na manda ya Guverineri...

Inama y’Abaminisitiri idasanzwe yateranye kuri uyu wa 28/01/2019 yazamuye...
29 January 2019 Yasuwe: 12950 10

Menya byinshi ku buzima bwa Perezida Kagame n’abakinnyi avuga ko...

Perezida wa Repubulika akaba n’umuyobozi wa Afurika yunze ubumwe (AU) Paul...
22 December 2018 Yasuwe: 7199 0