Kigali

Mwenedata Gilbert yaba aziyamamariza kuba Perezida? Avuga iki kubatangaje ko baziyamamaza?

Amakuru   Yanditswe na: Ubwanditsi 8 May 2017 Yasuwe: 5211

Gilbert Mwenedata wigeze kwiyamamaza ku giti cye mu matora y’abadepite aheruka muri 2013 avuga ko kugeza ubu nta cyemezo cyo kwiyamamaza afite mu bitekerezo bye haba mu matora ya Perezida y’uyu mwaka cyangwa se ay’abadepite azakurikiraho.

Gilbert Mwenedata avuga ko akomeza agatekereza kandi agakurikiranira Politiki hafi ariko kugeza ubu igisubizo yatangaza mu bijyanye no kuba yakwiyamamaza ari “oya”.

Yagize ati:” yaba amatora ya Perezida yaba amatora y’abadepite n’ubwo hakiri umwanya ngo abe ubu umbajije niba nziyamamaza nakubwira “oya”.

Avuga ku matora y’Umukuru w’Igihugu n’abamaze kugaragaza ubushake bwo kuziyamamaza, Gilbert Mwenedata avuga hakiri kare ngo abe yayoboka ibitekerezo by’umukandida uyu n’uyu n’ubwo avuga ko hari abagiye bavuga ibyo bifuza kuzahindura nawe avuga ko abona bikwiriye guhinduka.

Yagize ati:” kuri ubu ndabafata nk’aho mu by’ukuri nabo bataradutangariza imigabo n’imigambi yabo neza. Kujya gutora hari ibyo ubanza kwitegereza, navuga ko nagiye mbakurikirana, harimo impinduka bavuga nanjye naba nkeneye ko zihinduka ariko sinazitangariza aha kandi ntawe ndafata icyemezo cyo gushyigikira”.

Gilbert Mwenedata

Gilbert Mwenedata avuga ko n’ubwo bigaragara ko hari abatangaje ko bifuza kuziyamayaza muri aya matora y’umukuru w’igihugu nyamara bafite intege nke muri Politiki n’ubundi ntawe uhora afite intege nke cyangwa se ngo ahorane intege nyinshi igihe cyose muri Politiki.

Mwenedata avuga ko n’iyo umukandida ashobora kuba yoroheje abantu bashobora kumutera inkunga yaba abantu ku giti cyabo ndetse n’itangazamakuru akazamuka akaba umunyapolitiki ukomeye.

Yagize ati:” iyo urebye mu mateka, hari abakomeye babanje kuba bajenjetse, hari n’abajenjetse bigeze kuba bakomeye. Ikibazo ni ukwibaza niba umuntu ujenjetse uyu munsi azahora ajenjetse n’ejo cyangwa se ukomeye none n’ejo azaba akomeye? ”.

“aba bajenjetse baba bakeneye ubufasha baba abaturage ndetse n’abanyamakuru bakabafasha bakamenyekana. Babandi twakekaga ko bajenjetse ejo bakomera n’ukomeye ejo yaba ajenjetse nicyo amateka yagiye atwigisha, muri politiki ntawe uhora ajenjetse nta n’uhora akomeye ”.

Mwenedata Gilbert yatsinzwe mu matora y’abadepite yo mu mwaka wa 2013 ubwo yiyamamazaga nk’umukandida wigenga. Ntabwo yeruye ngo anenge imigendekere y’amatora n’ibyavuyemo ariko icyo gihe yatangaje ko ababajwe n’amajwi yatangajwe na Komisiyo y’Amatora ko yagize.

Author : Ubwanditsi

Ibitecyerezo

  • Log in

    Amategeko n'amabwiriza birkurikizwa


  • chat_bubble Mutoni

    Mwenedata mbona ari umunyabwenge ! Imana ijye ikurinda kandi igufashe muri byose

    May 2017
  • chat_bubble Joshua

    Ariko ibyo yavuze ntiyabeshye uyu muntu w’Imana. wa mugani amateka atwereka uburyo hari abazamutse bari bororheje n’abamanutse bari bakomeye. Niyo mpamvu tugomba kwitonda muri byose

    May 2017

Inzindi nkuru

Leta y‘ u Rwanda yamaganye ibivugwa ako yasinyanye na Israel amasezerano mu...

Guverinoma y’ u Rwanda yateye utwatsi amakuru yakwirakwiye mu binyamamakuru...
23 January 2018 Yasuwe: 643 0

Perezida Kagame aritabira inama yiga ku bukungu bw’isi mu Busuwisi

Perezida Kagame kuri uyu wa kabiri aritabira inama ngarukamwaka y’ihuriro...
23 January 2018 Yasuwe: 200 0

Abanyamadini batanze ibitekerezo n’ingamba zafatwa ngo ibiyobyabwenge bicike...

Bimaze kugaragara ko ibiyobyabwenge n’ibisindisha bimaze kuba ikibazo...
23 January 2018 Yasuwe: 198 0

Ruhango: Meya yemeye kujya ahembwa ari uko abo muri VUP bahembwe

Mbabazi Francois Xavier, umuyobozi w’ akarere ka Ruhango yatangaje ko we...
22 January 2018 Yasuwe: 771 1

Ba bana 18 bahawe imbabazi na Perezida Kagame barekuwe [AMAFOTO]

Gereza ya Nyagatare ku gicamunsi cyo kuri iki Cyumweru tariki ya 21...
21 January 2018 Yasuwe: 3001 2

Nsengimana wari Minisitiri w’ ikoranabuhanga yagizwe Umunyamabanga wa Smart...

Jean Philbert Nsengimana wahoze ari Minisitiri w’Urubyiruko n’Ikoranabuhanga,...
21 January 2018 Yasuwe: 2827 2