Kigali

NEC yamaganye ibyavuzwe na Ambasaderi w‘u Bwongereza ko amatora atanyuze mu mucyo

Amakuru   Yanditswe na: Iyamuremye Janvier 17 September 2017 Yasuwe: 2206

Umunyamabanga Nshingwabikorwa wa NEC, Charles Munyaneza yamaganiye kure ibyavuzwe na Ambasaderi w’Ubwongereza mu Rwanda watangaje ko amatora yo mu Rwanda aherutse kuba muri Kanama tariki ya 03 na 04 atabaye mu mucyo.

Ambasaderi w’Ubwongereza, William Gelling, mu nyandiko yasohoye kuri uyu wa Gatanu, yavuze ko ayo matora ataciye mu mucyo ndetse ko hari byinshi byayaranze bihabanye n’ihame rya demokarasi.

Yagize ati “ Amatora ni cyo gipimo nyakuri cya demokarasi mu gihugu. Nagize amahirwe yo kuba indorerezi mu yo mu Rwanda mu karere ka Muhanga, nabonye abantu batora mu mahoro kandi ari benshi, ni ibintu bishobora kuba ikimenyetso kigaragaza amahitamo n’ugushaka kw’Abanyarwanda.”

Gusa yakomeje agira ati “ Nta mucyo wabaye mu kwandika abakandida, hamwe n’izindi ndorerezi z’amahanga. Njyewe ubwanjye niboneye ibitaragenze neza mu kubarura amajwi, nzi ko Komisiyo y’Igihugu y’Amatora izagerageza kuvugurura, ndakeka ko u Rwanda ruzaboneraho guhindura imigendekere y’amatora mbere y’ateganyijwe mu 2018.”

Ku rundi ruhande, Komisiyo y’Igihugu y’Amatora ivuga ko ibyatangajwe n’uyu mugabo ntaho bihuriye ntibyatangajwe n’izindi ndorerezi.

Umunyamabanga Nshingwabikorwa wa NEC, Charles Munyaneza, yabwiye IGIHE ducyesha iyi nkuru ko ibyo Gelling avuga nta shingiro bifite kuko amatora yakozwe hagendewe ku mategeko y’igihugu kandi ngo nta n’umukandida wigeze avuga ko yabangamiwe.

Yagize ati “Twagendeye ku mategeko y’igihugu haba mu kwakira ubusabe bw’abashakaga kwiyamamaza no kubwemeza. Kimwe n’iwabo [Gelling] naho bagira amategeko agenga amatora. Ikindi ku bijyanye n’abakandida nta wigeze ajya mu rukiko ngo ajye kurega, bivuga ko n’abakandida ubwabo bemeye uko byakozwe kuko hari amahirwe ko umukandida ajya mu rukiko kugaragaza ibitaragenze neza.”

Yongeyeho ati “Kuri ibyo bijyanye n’amatora rero yakabaye ari twe yabibwiye, guhita abishyira mu binyamakuru atarabiduha wenda ngo tugire n’icyo tubivugaho nabyo ntabwo ari imikorere myiza. Ikindi yavuze ko yagiye i Muhanga, yakabaye yavuze site iyo ari yo, akagari n’umurenge kugira ngo natwe dukurikirane turebe niba koko ayo makosa yarabaye.”

Nubwo Amb.William atangaje ibyo, indorerezi zari zoherejwe n’imiryango itandukanye irimo, uw’Umuryango wa Afurika y’Uburasirazuba (EAC), uwa Afurika yunze Ubumwe (AU), Umuryango w’Ubucuruzi mu bihugu bya Afurika y’Iburasirazuba n’iy’Amajyepfo (COMESA) n’indi myinshi zashimye imigendekere y’amatora mu Rwanda.

Umunyamabanga Nshingwabikorwa wa NEC, Charles Munyaneza ntiyemeranya nibyavuzwe na Ambasaderi wa ubwongereza


Ambasaderi w’u Bwongereza mu Rwanda, William Gelling, yanenze amatora yo mu Rwanda

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umuryango Sinapisi Rwanda wigeze kwakira ubutumwa buvuye kuri George W....

Umuryango Sinapisi Rwanda kuri uyu wa 9 Ukuboza 2017 wizihije imyaka 25...
10 December 2017 Yasuwe: 1126 3

Perezida Kagame ari ku rutonde rw’ abafite ijambo rikomeye muri...

‘New African Magazine’ ku rutonde rwayo ngarukamwaka rw’ Abanyafurika 100...
8 December 2017 Yasuwe: 619 0

Misiri: P.Kagame yagaragaje ko hakwiye kwitabwa ku mpano z’abaturage

Perezida wa Repubulika Paul Kagame ari Sharm-El-Sheikh mu Misiri aho...
7 December 2017 Yasuwe: 296 0

Akari ku mutima wa Nsengimana na Musafiri bakuwe muri Guverinoma

Ku mugoroba wo kuwa gatatu tariki ya 06 Ukuboza 2017 nibwo Perezida wa...
7 December 2017 Yasuwe: 3750 0

Perezida Kagame yakuyeho Minisitiri w’Uburezi n’uw’ikoranabuhanga

Kuri uyu wa gatatu tariki ya 06 Ukuboza 2017 Perezida wa Repubulika y’u...
6 December 2017 Yasuwe: 1693 0

Ibyemezo byafatiwe mu nama y’Abaminisitiri idasanzwe yabaye kuri uyu wa...

None kuwa Kabiri tariki ya 5 Ugushyingo 2017, Inama y’Abaminisitiri...
5 December 2017 Yasuwe: 2626 0