“Nitutagenzura guverinoma amafaranga arigita …amateka azabitubaza” Depite Bamporiki

3 May 2017. | Politiki | 7 Ibitekerezo | Nsanzimana Ernest
  • “Nitutagenzura guverinoma amafaranga arigita …amateka azabitubaza” Depite Bamporiki

Bamporiki Edouard, Umudepite mu nteko ishingama amategeko y’ u Rwanda yashimiye umugenzuzi mukuru w’ imari ya Leta ku kazi gakomeye akora ko kugenzura imikoresherejwe y’ ingengo y’ imari ya Leta agaragaza ko inteko ishinga amategeko idakora neza akazi ishinzwe. Uyu mudepite yavuze ko nibidahinduka amafaranga ya Leta agakomeza kurigiswa amateka azabibaza abagize inteko ishinga amategeko nawe arimo.

Yabivuze kuri uyu wa 3 Gicurasi 2017, ubwo Umugenzuzi mukuru w’ imari ya Leta yari amaze kugeza ku nteko ishinga amategeko imitwe yombi raporo igaragaza uko ibigo bya Leta bigenerwa ingengo y’ imari byakoresheje iya 2015/2016.

Iyi raporo yaragaraje ko hari ibigo byinshi bikoresha nabi ingengo y’ imari bigenerwa, ibifite imitungo bipfusha ubusa, ibisesagura ingengo y’ imari biba byahawe, n’ andi makosa atandukanye.

Nyuma yo kugezwaho iyi raporo abadepite bahawe umwanya wo kubaza ibibazo no gutanga ibitekerezo depite Bamporiki ashima umugenzuzi w’ imari ya Leta ariko avuga ko inteko ishinga amategeko nawe arimo badakora neza inshingano yabo yo kugenzura guverinoma.

Yagize ati “Nsabye ijambo kugira ngo ntange igitekerezo ariko ndagirango mbanze gushimira nyakubahwa Auditor General, ku kazi gakomeye bakoze, Nyakubahwa speaker aba tuvuga baduha iyi raporo mu by’ ukuri biragaragara ko amafaranga menshi ya Leta ahomba, ukaba ushobora no kwibaza uburyo iki gihugu kibaho, bikakuyobera.”

Yakomeje agira ati “Auditor General iyo arangije akazi ke, akaduhaye, ibyinshi binanirwa gukorwa bitewe n’ icyo dukora iyo tumaze kubona iyi raporo. Nyakubahwa Speaker itegeko ritwemerera ko tugomba gukora controle kandi ayo mafaranga acungwa nabi bitewe n’ abantu, ntabwo ari imashini zikoresha cyangwa imyuka runaka iyacunga ni abantu bayacunga, hanyuma wareba uko dukora cyane cyane muri controle biri ku rwego rwo hasi ndetse natekereza ko ari ntarwo.”

Uyu mudepite yakomeje asaba bagenzi bo ko bakwiye guhindura imikorere bakagenzura guverinoma batabikora amateka akazabibabaza.

Ati “Ndashimira auditor General ariko nsaba ko ubwo iyi raporo itugezeho twahindura imikorere tugacontrola guverinoma. Nitudacontrola guverinoma manda yacu irashira ariko ibyo dukora ntabwo byaba bishira, amateka azabitubaza! Dukwiye kugenzura guverinoma ayo mafaranga arigita akagarurwa nitubabikora amateka azabitubaza. Ndabashimiye!”

Depite Mukamurangwa yagaragaje ko raporo z’ umugenzuzi mukuru w’ imari ya Leta zihora zigaragaraza ko hari amafaranga anyerezwa nyamara ntakurikiranwe akibaza ikibura ngo abayagereza bakurikiranwe.

Yagize ati “Ibigaragara habaye inyererezwa, habuze iki ngo tugire abadutahurira abanyereza, izi raporo buri gihe zirasa”

WASAC, REG, UR , na RAB mu batunzwe agatoki kubera guhombya Leta

Ibitekerezo
  • MyPassion

    Tuzabibaza turi benshi, ukuntu abantu bazana lisansi bagatwika abana muri ruhurura barye bari menge.

  • MyPassion

    Yavuze neza cyane kwemera ikosa burya ni ubutwari
    .kandi ngo burya umuntu utemera ko yakoze nabi nta kintu kizima ajya ageraho.ariko uwemera amakosa agera kuri byinshi byiza

  • MyPassion

    kagabo
    4 May 2017 - Musubize

    None se nibwo uyu mudepite yabona ko inteko arimo idakora icyo yatorewe niba yaranatowe?

  • MyPassion

    kamsa
    4 May 2017 - Musubize

    ibyo nanditse biri he? namwe nta kigenda

  • MyPassion

    kamasa
    4 May 2017 - Musubize

    Ntacyo mwavuga kuko nawe mubfitemo uruhare. Murakingira ikibaba bene wanyu n,amacuti yanyu. IBYO NTIBYARI BIKWIYE KURI INSTITUTION IREBERA ABATURAGE.bigargara ko mutatowe koko namwe n’imbehe nk’abandi. Amateka arimo kubibabaza ahubwo n’uko mudasubiza.Bitinde muzabymva. kurenganya, gutonesha, kwirata,kuvangura....

  • MyPassion

    Joshua
    4 May 2017 - Musubize

    U’re right. Uyu mugabo nkunda ko ajya areba kure. Nibyo kabisa mutarebye neza amateka yazabibabaza nyine nk’uko n’abandi ubu barimo kubazwa ibyo bakoze. ba Ntamabyariro na ba Valerie bakiri mu kazi ntibari bazi ko bishobora kuzahinduka bakajya imbere ya sentare!!

  • MyPassion

    Augustin
    4 May 2017 - Musubize

    mukurikirane about Bose bamavugwa ko bahombya igihugu

Tanga Igitekerezo