Kigali

Nyaruguru: Bamwe mu basenyewe nyakatsi baracyabungana akarago

Amakuru   Yanditswe na: Nsanzimana Ernest 18 December 2017 Yasuwe: 368

Bamwe mu baturage bo mu karere ka Nyaruguru bari batuye mu mazu yari asakajwe ibyatsi ‘nyakatsi’, basenyewe ubwo Leta y’ u Rwanda yafataga icyemezo cyo guca nyakatsi n’ ubu ntibarubakirwa.

Umwe muri aba baturage utifuje ko amazina ye atambutswa mu itangazamakuru, aba mu gikoni yacumbikiwemo na mugenzi we. Iki gikoni akibanamo n’ umuryango we w’ abantu umunani.

Aganira na City radio dukesha iyi nkuru yagize ati “Mbana n’ abantu bagera ku munani, nshumbitse mu murenge wa Kibeho, mu kagari ka Gakoma… Baciye nyakatsi ntibatwubakira turakomeza turacyerakera. Ni abantu benshi bagikerakera”
Uyu muturage avuga ko ikibazo cyabo ubuyobozi bukizi ariko ngo ntacyo bujya bubatangariza.

Aba baturage bavuga ko badakodesha ahubwo bagenda bagira amahirwe umuturage akabatiza inzu bakayibamo igihe cyazagera bakayivamo bakajya gushaka ahandi bityo bityo.

Undi muturage yagize ati “Ubusembere inahangaha burahari, ni byo turasembera”

Umuyobozi w’ akarere ka Nyaruguru Habitegeko Francois avuga ko babizi ko hari abaturage barimo gusembera, mu mvugo itanga icyizere akavuga ko barimo kubakirwa.

Yagize ati “Hari abaturage koko basigaye, bacikanywe, igihe twubakiraga abantu bavanywe muri nyakatsi harimo uwabaga…nk’ umukobwa eeehh akajya iwabo, abo ngabo bagasa n’ abibagiranye ariko nk’ uko ubizi turi kububakira bose ibyo ng’ ibyo ni ikibazo tuzi kandi turi gukurikirana ngo gikemuke”

Hashize irenga 10 Leta y’ u Rwanda ifashe icyemezo cyo guca nyakatsi ku mazu y’ abaturage. Iki cyemezo cyari kigamije kugira ngo Abanyarwanda babeho neza kandi bature heza. Nubwo bimeze aba baturage b’ I Nyaruguru bavuga ko babayeho nabi ndetse ngo nta n’ ubwisungane mu kwivuza bagira.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Rwakazina atorewe kuba meya mushya w’ umujyi wa Kigali

Inama Njyanama y’ umujyi wa Kigali itoreye Marie-Chantal Rwakazina w’ imyaka...
25 May 2018 Yasuwe: 1682 0

U Rwanda nyuma yo guca amashashi, pulasitiki zikoreshwa rimwe nazo...

Leta y’ u Rwanda yatangiye guca ikoreshwa ry’ amacupa ya pulasitiki mu biro...
25 May 2018 Yasuwe: 888 0

Umuyobozi Mukuru wari ushinzwe imirimo rusange mu mujyi wa Kigali yasezeye...

Mugabo Vianney wari Umuyobozi Mukuru ushinzwe imirimo rusange mu mujyi wa...
24 May 2018 Yasuwe: 3592 0

Nyabihu: Gitifu w’umurenge yakiriye umukecuru umutwaro w’inkwi

Ndandu Marcel, Umunyamabanga Nshingabikorwa w’Umurenge wa Rurembo mu Karere...
24 May 2018 Yasuwe: 5330 0

Mushikiwabo yavuze impamvu agiye kwiyamamariza kuyobora Francophonie kandi...

Minisitiri w’ Ububanyi n’ amahanga n’ Umuryango w’ Afurika y’ Iburasirazuba Mme...
24 May 2018 Yasuwe: 1736 0

Uko Isi yiriwe tariki 23 Gicurasi 2018 [AMAFOTO]

Mu nshamake y’ uko Isi yiriwe tariki 23 Gicurasi harimo uruzinduko rwa...
23 May 2018 Yasuwe: 1261 0