Kigali

P.Kagame yagaragaje ko umutekano muke uterwa no kutagira ubufatanye hagati y’ibihugu

Amakuru   Yanditswe na: Iyamuremye Janvier 13 November 2017 Yasuwe: 548

Perezida wa Republika Paul Kagame, uri i Dakar muri Senegal, yagejeje ijambo ku bitabiriye inama y’ihuriro mpuzamahanga ku mahoro n’umutekano muri Afrika ku nshuro ya kane.

Umukuru w’ igihugu Paul Kagame yavuze ko ibibazo by’umutekano muke biterwa ahanini n’uko nta bufatanye buba buri hagati y’ibihugu ubwabyo. Akaba asanga umuti w’ibyo bibazo by’umutekano muke urangwa hirya no hino muri Afrika, washakirwa mu gukorera hamwe nk’Abanyafrika, bakishamo ibisubizo.

Yatanze urugero rw’ u Rwanda aho umutekano n’ituze mu benegihugu bishingiye ku kwizerana kandi abaturage bakabona ko bibafitiye bose inyungu.

Perezida Kagame yavuze ko mu mavugurura y’Afrika yunze ubumwe igishyizwe imbere ari ubumwe bw’Afrika, abantu bkunga ubumwe kandi bagafatanya no gukemurira ibibazo hamwe, nta wubaye nyamwidengaho. Yagize ati" Iyo abaturage bunze ubumwe, bahuza imbaraga kandi bakavuga ijwi rimwe".

Yabwiye abitabiriye iyo nama y’ i Dakar ko Abanyafrika aribo bagomba kumva ko ari inshingano zabo guhagurukira ibibazo bibareba, naho abafatanyabikorwa b’abanyamahanga bakaza bongera ku mihate n’ ishyaka byagaragajwe bwa mbere n’ abatuye uyu mugabane.

Perezida Kagame akaba yavuze ko ari iby’ igiciro kinini kuba ibihugu byatahiriza umugozi umwe, ibifite ibibazo bigafatanya n’ ibitabifite.

Abitabiriye iyi nama basaga 400 barasuzumira hamwe ibibazo by’umutekano byugarije afrika muri iki gihe hashakwa ibisubizo. Muri bo harimo abakuru b’ibihugu na za guverinoma, abayobozi mu nzego nkuru za politike n’igisirikare mu karere no ku rwego mpuzamahanga, impuguke, abashakashatsi baturutse mu muryango w’Afrika yunze ubumwe, mu muryango w’ubumwe bw’uburayi ndetse no mu muryango w’abibumbye.


RBA

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Uruzinduko rwa Perezida Lungu rusigiye iki u Rwanda

Perezida wa Zambia Edgar Lungu wasoje uruzinduko rwe i Kigali yatangaje ko...
22 February 2018 Yasuwe: 651 0

Kongera ibyo kurya bigenewa impunzi za Kiziba ntibiri hafi aha

Ishami ry’umuryango w’abibumbye ryita ku mpunzi (UNHCR) rirahamagarira...
22 February 2018 Yasuwe: 738 1

Uganda: U Rwanda ruhagarariwe na Minisitiri Musoni mu nama y’ abakuru b’...

Musoni yahagarariye Perezida Kagame mu mwiherero w’abakuru b’ibihugu bya EAC...
22 February 2018 Yasuwe: 1316 0

Perezida Kagame yakiriye mugenzi we Edgar Lungu [AMAFOTO]

Kuri uyu wa Gatatu, tariki ya 21 Gashyantare 2018 Perezida Paul Kagame...
21 February 2018 Yasuwe: 1646 0

Guverineri Mureshyankwano yakomoje ku gafuti yakoze ari umwana yibuka...

Ni umunyapolitiki uzwiho ubuhanga bwo kuganiriza abaturage ayobora abaha...
20 February 2018 Yasuwe: 4210 0

U Rwanda ntirutewe ubwoba n’igitutu cya Amerika isaba kugarura...

Leta y’U Rwanda yatangaje ko ititeguye kugarura ubucuruzi bwa...
19 February 2018 Yasuwe: 1396 0