Abanyamuryango ba Pan African Movement (PAM) mu karere ka Kicukiro bakoze umuganda batangira abaturage ubwisungane mu kwivuza.

Sponsored Ad

Pan Afurican Movement ni muvoma iharanira ukwigira no kwigenga k’ umugabane w’ Afurika

Umuganda w’ Abanyamurwango ba PAM wabereye mu Murenge wa Gatenga mu Kagari ka Nyarurama ho mu Karere ka Kicukiro kuri uyu wa Gatandatu tariki 15 Nzeli 2018.
Uyu muganda wahariwe ibikorwa bya PAM ku rwego rw’igihugu wabereye mu Murenge wa Gatenga mu Kagari ka Nyarurama hibandwa ku nsanganyamatsiko igira iti: “Kugira Umuryango Nyafurika ubereye Umunyarwanda n’Umunyafurika”.

Abitabiriye uyu muganda batunganyije imirwanyasuri ku musozi wa Nyarurama banategura ahazaterwa ibiti mu minsi iri imbere.

Uyu muganda witabiriwe na Visi Perezida wa Sena Gakuba Jeanne d’Arc , Umuyobozi wa PAM wungirije Umulisa Henriette, Abajyanama b’Akarere ka Kicukiro, abahagarariye inzego z’umutekano n’abandi bakozi mu nzego zitandukanye.

Muri uyu muganda, abanyamuryango ba PAM ku rwego rw’Akarere ka Kicukiro bahaye abaturage 224 ubwisungane mu kwivuza.

Abitabiriye uyu muganda basabwe kurushaho gukunda no gukomera k’umuco nyarwanda, gukunda no kwitabira gukoresha ibikorerwa mu Rwanda na Afurika no kwirinda icyazana amacakubiri n’umwiryane mu Banyafurika.