Kigali

Perezida Kagame na Netanyahu baganiriye no kugufungura ambasade mu Rwanda

Amakuru   Yanditswe na: Nsanzimana Ernest 28 September 2018 Yasuwe: 1226

Perezida w’ u Rwanda Paul Kagame na Minisitiri w’ Intebe wa Isael baganiriye ku mubano w’ ibihugu byombi banakomoza kuri gahunda ya Israel yo gufungura ambasade mu Rwanda.

Kagame na Netanyahu bahuriye I New York muri Leta Zunze ubumwe za Amerika aho bombi bitabiriye inama y’ inteko rusange y’ umuryango w’ Abibumbye irimo kuba ku nshuro ya 73.

Mu mpera z’ umwaka ushize tariki 28 Ugushyingo 2017 nibwo Benjamin Netanyahu yatangaje ko igihugu cye kiri mu myiteguro yo gufungura ambasade yacyo mu Rwanda. Icyo gihe we na Kagame bari bahuriye muri Kenya mu muhango w’ irahira rya Uhuru Kenyatta Perezida wa Kenya.

Mu butumwa Perezida Kagame yanditse kuri Twitter mu masaha make ashize yavuze ko ‘yagiranye umuhuro mwiza na Minisitiri w’Intebe Netanyahu bakaganira ku kongera ingufu mu bufatanye bwa Israel na Afurika bubyara inyungu kuri buri ruhande, bongera kuganira ku mubano w’ibihugu byombi harimo no gufungura vuba ambasade mu Rwanda’.

U Rwanda na Israel bibanye neza ndetse hari amakuru avuga ko Israel irimo kuvuganira u Rwanda ngo ruzashobore kwinjira bigize mu muryango Mpuzamahanga w’ Ubukungu Organization for Economic Co-operation and Development (OECD). Uyu muryango ugize n’ ibihugu 36 byo ku migabane itandukanye Afurika itarimo.

Ibi bihugu byombi bisanzwe bifitanye imikoranire. Israel yakira abanyeshuri b’ abanyarwanda bakeneye gukarishya ubumenyi by’ umwihariko mu bijyanye n’ ubuhinzi.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble King

    Nkunda Israel kandi nkunda ko na muzehe ayikunda!vive Israel.

    September 2018
  • chat_bubble Sezikeye

    Byaba ari byiza tubonye Israeli Embassy I Kigali.Ariko nk’umukristu,nagirango ngire icyo mvuga ku byerekeye abantu bibeshya ko ISRAEL ikiri "ubwoko bw’imana".Kera koko,bari ubwoko bw’imana.Kubera ko bayumviraga.Ariko nyuma yaho,Abayahudi bakomeje kwigomeka ku mana kugeza ubwo yohereje Abaroma basenya umujyi wa Yerusalemu mu mwaka wa 70 nkuko Yesu yasize abihanuye muli Luka 19:41-44.Jerusalem yasenywe na General witwaga Titus nkuko History ibivuga.Ndetse n’i Roma hari inyubako ibyerekana (Titus Ark).
    Impamvu ikomeye cyane ituma Imana itemera Abayahudi,tuyisanga muli Bible.Bible ivuga ko "umuntu wese utemera ko YESU ari umwana wayo itamukunda,ndetse itazamuha umuzima bw’iteka ".Bisome muli Yohana 3:16.Kugeza uyu munsi,ntabwo Abayahudi bemera ko YESU ari umwana w’imana.Kuba bazi kurwana,sicyo gituma Imana ibemera.
    Ibiri amambu (on the contrary),Imana ibuza abakristu nyakuri kurwana no kwicana.

    September 2018

Inzindi nkuru

Amateka ya Gitera washinze Aprosoma, akazana amategeko icumi y’abahutu...

Gitera yari umunyabutare ahitwa I Save, inkubiri yo guharanira ubwigendge...
29 June 2019 Yasuwe: 3822 1

Abo intambara ya Uganda n’u Rwanda I Kisangani yagizeho ingaruka barasaba...

Kuva taliki 5 kugeza taliki 10 Kanama 2000 ingabo z’u Rwanda n’iza Uganda...
10 June 2019 Yasuwe: 3809 4

Perezida Museveni yangiye Abuzukuru be kuza mu Rwanda mu ikipe ya...

Mu ikipe ya Uganda y’abakobwa n’abahungu ya Basketball yari igiye kuza mu...
10 June 2019 Yasuwe: 6077 2

Kwibuka25: Ubuhamya bwa Ngutete warokokeye ku Ibambiro ahiciwe abagore...

Ku cyumweru tariki ya 26/05/2019 mu Karere ka Nyanza, Umurenge wa Kibirizi...
30 May 2019 Yasuwe: 4678 2

Rucagu avuga ko muri 93 yandikiye Leta ya Habyalimana ayisaba kugabana...

Mu gice cya nyuma cy’ikiganiro twagiranye na Rucagu Boniface, yadutangarije...
2 April 2019 Yasuwe: 5286 2

Imibonano mpuzabitsina siyo yubaka urugo, ni akantu gato, n’inyamaswa...

Mu kiganiro Pasteur Antoine Rutayisire yahaye Umuryango, yagaye ko haba...
1 April 2019 Yasuwe: 6952 2