Kigali

Perezida Kagame nawe yasubije Michaëlle Jean ku rubanza rwa Diane Rwigara

Amakuru   Yanditswe na: Nsanzimana Ernest 12 November 2018 Yasuwe: 6227

Perezida w’ u Rwanda Paul Kagame kuri iki Cyumweru tariki 11 Ugushyingo 2018, ari I Paris yasubije Umunyamabanga Mukuru w’ Umuryango w’ ibihugu bikoresha ururimi rw’ Igifaransa Michaëlle Jean uherutse gutsindwa na Louise Mushikiwabo ko ‘ubutabera bw’ u Rwanda bwigenga’

Tariki 8 Ugushyingo nibwo Umunyakanadakazi Michaëlle Jean, ukiyoboye Francophonie kugeza muri Mutarama yanditse kuri Twitter asaba u Rwanda gushishoza cyane mu rubanza rwa Diane Rwigara (impirimbanyi) na nyina Mukangemanyi Adeline.

Perezida Kagame aganira n’ Umunyamakuru w’ Ibiro Ntaramakuru by’ Abafaransa AFP yagize ati “Ubutabera bw’ u Rwanda burigenga buri wese agomba kubimenya. Iki kibazo ntaho gihuriye na Francophonie”

Ubutumwa bwa Michaëlle Jean abarimo ambasaderi Olivier Nduhungirehe, Umunyamabanga wa Leta muri Minisiteri y’ Ububanyi n’ amahanga babuhuje no kuba Mushikiwabo yaratsinze Michaëlle Jean mu matora yo guhatanira kuyobora Francophonie. Amb. Nduhungirehe yagize ati “Ubusharire bwo gutsindwa butesha umutwe”

Ubushinjacyaha buherutse gusabira Diane Rwigara na nyina Adeline Mukangemanyi Rwigara imyaka 22 y’ igifungo.

Diane Rwigara araregwa gukoresha inyandiko mpimbano, no kwangisha abaturage ubutegetsi naho Adeline Mukangemanyi akaregwa gukurura amacakubiri muri rubanda no kwangisha abaturage ubutegetsi.

Perezida Kagame yaganiriye na AFP, ubwo yari yitabiriye inama y’ amahoro yiswe Forum de Paris sur la paix yitabiriwe n’ abakuru b’ ibihugu na za guverinoma bagera kuri 70.


Perezida Kagame yasubije Michaelle Jean ko ubutabera bw’ u Rwanda bwigenga

Umunyamakuru yanamubajije ku ikoreshwa ry’ Igifaransa mu Rwanda Perezida Kagame amubwira ko uru rurimi rutigeze ruhagarara kwigishwa mu mashuri yo mu Rwanda kandi ko kurwigisha bikomeje.

Guverinoma y’ u Rwanda iherutse gufata umwanzuro wo kongerera imbaraga ikoreshwa ry’ ururimi rw’ Igifaransa.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Amb. Kanyamashuli Kabeya Janvier wari Umudepite yeguye

Nyuma y’amezi 6 atowe mu badepite bari kuri rutonde rw’abakandida b’ishyaka...
13 March 2019 Yasuwe: 7565 1

Imyanzuro y’Umwiherero wa 16 w’Abayobozi b’Inzego zitandukanye z’Igihugu...

Kuva ku itariki ya 9 kugeza ku ya 11 Werurwe 2019, mu Karere ka Gatsibo...
12 March 2019 Yasuwe: 3056 0

Ibibazo biri hagati y’Ubuganda n’u Rwanda birenze intambara y’amagambo: Amb...

Mu kiganiro n’abanyamakuru cyabaye uyu munsi Minisitiri wa Leta muri...
12 March 2019 Yasuwe: 7231 2

Huye: Gusana Umujyi, Itongo rya Gicanda, Ingoro ya Muvoma, Mukura, byinshi...

Hari hashize imyaka igera kuri ine ubuyobozi bw’Akarere bufashe icyemezo cyo...
3 February 2019 Yasuwe: 5709 0

Inama y’Abaminisitiri yongereye umushahara wa mwalimu na manda ya Guverineri...

Inama y’Abaminisitiri idasanzwe yateranye kuri uyu wa 28/01/2019 yazamuye...
29 January 2019 Yasuwe: 12987 10

Menya byinshi ku buzima bwa Perezida Kagame n’abakinnyi avuga ko...

Perezida wa Repubulika akaba n’umuyobozi wa Afurika yunze ubumwe (AU) Paul...
22 December 2018 Yasuwe: 7221 0