skol
Kigali
startimes

Perezida Kagame yahaye umuburo abakora ibikorwa by’iterabwoba anasubiza abamusaba kurekura Rusesabagina

Amakuru   Yanditswe na: Dusingizimana Remy 21 December 2020 Yasuwe: 4902

Mu kiganiro Perezida Kagame yagiranye n’abanyamakuru ndetse n’abaturage bo hirya no hino mu gihugu ku bijyanye n’aho igihugu kigeze,yavuze ko abashaka guhungabanya umutekano w’u Rwanda iminsi yabo ibaze anavuga ko abamusaba kurekura PaulRusesabagina, batamuzi, batamusobanukiwe batanazi n’uburemere bw’ibyaha ashinjwa, ariko ko ubutabera buzahabwa umwanya bugakora akazi kabwo.

Agaruka ku kibazo cy’umutekano wo mu karere kaNyaruguru Perezida Kagame yagize ati “Iby’umutekano muri Nyaruguru,nabo bagiye bafatwa bahungabanya umutekano,Ubutabera bwo buzaboneka.N’abandi bakigira batya bakinjira bakongera gusohoka bagasubira hakurya y’umupaka,nabo tuzabageraho.Iminsi yabo irabaze kandi bizagera aho bifate umurongo.”

Ku Banyamerika basaba u Rwanda kurekura Rusesabagina Perezida Kagame yavuze ko bidatunguranye, gusa ngo u Rwanda ruzashingira gusa ku byo ubutabera buteganya.

Yagize ati “Iki ntabwo cyakabaye ikibazo gikomeye mu bijyanye n’imyumvire.Cyagakwiriye kumvikana neza kuko impamvu zijyanye n’iki kirego zigaragara neza.

Muri iyi si tubamo ibi biramenyerewe ko umuntu niyo yakora ikibi kigaragara hatabura bamwe bavuga bati “Oya uyu muntu ntabwo akwiriye gukorwaho.Iyo umuntu akoze igikorwa kibi,mu muryango we ntihaburamo abavuga ko nta kibi yakoze.Uko inyandiko zisaba ko arekurwa zaba zingana kose,ubutabera buzakurikizwa.

Ubutabera buzatangwa hatagamijwe gufasha Rusesabagina,ahubwo buzatangwa hagamijwe kurengera abo ibikorwa by’iterabwoba bya Rusesabagina byagizeho ingaruka bashavuye kubera ko babuze abagize imiryango yabo,Barashaka kubona ubutabera,barashaka ko bukora akazi kabwo.

Abo bazamura amajwi yabo mu buryo bubi,bazagera aho bumve ibyo tuvuga.Abashyigikiye Rusesabagina bashobora kuba batazi ukuri cyangwa bakuzi bakakwirengagiza nkana cyangwa se bakaba batekereza ko ubuzima bwa Rusesabagina buruta ubw’abantu baguye mu bitero.Abantu bavuga ibitandukanye,bakora ibitandukanye ariko itandukaniro nitwe ubwacu.

Agaciro k’amategeko n’uko ashyirwa mu bikorwa kazagaragazwa n’uko iki kibazo kizakemurwa ku nyungu z’ubutabera.Ibyandikwa byose nibyandikwe ariko twe turajwe ishinga n’ubutabera.

Perezida Kagame yavuze ko ingabo z’u Rwanda zoherejwe muri Centrafrique kugira ngo zihashye ibitero inyeshyamba ziyobowe na François Bozize wigeze kuyobora iki gihugu ziri kugaba ku Ngabo z’u Rwanda ziri mu butumwa bw’Umuryango w’Abibumbye bwo kubungabunga amahoro muri icyo gihugu.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

“Twirinde rero buri wese yite ku bandi"-Perezida Kagame mu Ijambo risoza...

Mu ijambo risoza umwaka wa 2020 rinatangiza uwa 2021,Perezida Kagame...
31 December 2020 Yasuwe: 4100 0

Dr.Frank Habineza yahishuye igisubizo gitangaje yahawe n’abadepite bagenzi...

Umuyobozi w’ishyaka Democratic Green Party of Rwanda akaba n’umudepite mu...
23 December 2020 Yasuwe: 12152 2

Perezida Kagame yahaye umuburo abakora ibikorwa by’iterabwoba anasubiza...

Mu kiganiro Perezida Kagame yagiranye n’abanyamakuru ndetse n’abaturage bo...
21 December 2020 Yasuwe: 4902 0

"Tugeze aho tutakwemera ko ibyo twagezeho biba imfabusa"-Perezida...

Kuri uyu wa Mbere tariki ya 21 Ukuboza 2020,Perezida Kagame yagejeje ku...
21 December 2020 Yasuwe: 3633 0

Abantu 3000 baraye bafungiwe kwambara nabi udupfukamunwa utubari 85 twarimo...

Minisiteri y’Ubutegetsi bw’igihugu.Prof.Shyaka Anastase,yatangaje ko nyuma...
16 December 2020 Yasuwe: 4581 0

Serivisi zimwe zari zakomorewe zongeye gufungwa izindi zahuzaga abantu...

Kuri uyu wa 14 Ukuboza 2020,Perezida Kagame yayoboye inama y’Abaminisitiri...
15 December 2020 Yasuwe: 6252 0