Kigali

Perezida Kagame yahuye na Perezida wa Djibouti mu ruzinduko rwe rw’iminsi 2[Amafoto]

Amakuru   Yanditswe na: 18 April 2017 Yasuwe: 812

Kuri uyu wa kabiri perezida wa republika Paul Kagame na madame we Jeannette Kagame bageze mu gihugu cya Djibouti aho batangiye uruzinduko rw’akazi rw’iminsi ibiri.

Ku kibuga mpuzamahanga mu murwa mukuru Djibouti umukuru w’igihugu cy’u Rwanda ari kumwe na madamu we Jeannette Kagame yakiriwe na mugenzi we perezida wa Djibuti Ismael Omar Guelleh mu gitondo cyo kuri uyu kabiri. Aha kandi hanaririmbwe indirimbo zubahiriza ibihugu mbere yuko abakuru b’ibihugu byombi bahabwa icyubahiro kibakwiye imbere y’ingabo zabugenewe.

Ni uruzinduko rugamije gushimangira umubano w’ibihugu byombi usanzwe ushingiye ku bucuruzi n’ubutwererane na diplomasi. Perezida Ismali Omar Guelleh kandi nyuma yakiriye mugenzi we Paul Kagame mu ngoro y’umukuru w’igihugu maze bagirana ibiganiro byibanze ku mubano mwiza ausanzwe uranga ibihugu byombi.

Uru ruzinduko rw’umukuru w’igihugu cy’u Rwanda muri Djibouti ruje rukurikira urwo perezida w’iki gihugu Ismael Omar Guelleh yagiriye mu Rwanda muri Werurwe umwaka ushize ubwo nawe yahamaraga iminsi 2, yaranzwe no gushyira umukono ku masezerano y’ubufatanye mu birebana n’ubucuruzi.

Djibouti ni igihugu giherereye mu ihembe rya Afrika. Mu mwaka w’2013 cyahaye u Rwanda ubutaka bungana na hegitari 20 buzifashishwa n’u Rwanda mu kwakira ibicuruzwa binyura mu nyanja itukura.

Umwaka ushize kandi u Rwanda narwo rwahaye Djibouti hegitari 10 z’ubutaka buherereye mu gice cyagenewe inganda, special economic zone i Masoro mu Karere ka Gasabo mu mujyi wa Kigali.



Ibitecyerezo

  • Log in

    Amategeko n'amabwiriza birkurikizwa


Inzindi nkuru

Uruzinduko rwa Perezida Lungu rusigiye iki u Rwanda

Perezida wa Zambia Edgar Lungu wasoje uruzinduko rwe i Kigali yatangaje ko...
22 February 2018 Yasuwe: 662 0

Kongera ibyo kurya bigenewa impunzi za Kiziba ntibiri hafi aha

Ishami ry’umuryango w’abibumbye ryita ku mpunzi (UNHCR) rirahamagarira...
22 February 2018 Yasuwe: 760 1

Uganda: U Rwanda ruhagarariwe na Minisitiri Musoni mu nama y’ abakuru b’...

Musoni yahagarariye Perezida Kagame mu mwiherero w’abakuru b’ibihugu bya EAC...
22 February 2018 Yasuwe: 1339 0

Perezida Kagame yakiriye mugenzi we Edgar Lungu [AMAFOTO]

Kuri uyu wa Gatatu, tariki ya 21 Gashyantare 2018 Perezida Paul Kagame...
21 February 2018 Yasuwe: 1651 0

Guverineri Mureshyankwano yakomoje ku gafuti yakoze ari umwana yibuka...

Ni umunyapolitiki uzwiho ubuhanga bwo kuganiriza abaturage ayobora abaha...
20 February 2018 Yasuwe: 4220 0

U Rwanda ntirutewe ubwoba n’igitutu cya Amerika isaba kugarura...

Leta y’U Rwanda yatangaje ko ititeguye kugarura ubucuruzi bwa...
19 February 2018 Yasuwe: 1400 0