Kigali

Perezida Kagame yarakariye abayobozi bategera abaturage ngo ntibashaka kwiyanduza

Amakuru   Yanditswe na: Nsanzimana Ernest 9 August 2018 Yasuwe: 2559

Perezida w’u Rwanda Paul Kagame yanenze bikomeye abayobozi batandukanye b’igihugu yavuze ko bategera rubanda ngo bumve ibibazo birwugarije ahubwo bakigumira mu migi ngo ntibashaka kwiyanduza.

Umukuru w’Igihugu yabigarutseho ubwo yagezaga ijambo ku bitabiriye umuhango wo gushimira uturere twahize utundi mu mihigo y’umwaka ushize no gusinya iy’umwaka utaha.

Ibi bikorwa kandi byahuriranye no gusesa Inteko Ishinga Amategeko umutwe w’Abadepite ku mpamvu z’amatora; usoje manda yawo ya gatatu hakaba hateganyijwe amatora y’abayigize muri Nzeri uyu mwaka.
.

Perezida Kagame yanenze abategetsi yavuze ko bashishikajwe n’inyungu zabo bakibagirwa abaturage bashinzwe kuyobora.

Yagize ati: "Mwigumira mu mijyi gusa, ngo ntimushaka kwiyanduza. Uwababaza, mukora iki? Ibi bigomba guhinduka. Niba udashobora guhinduka, vuga ko utabishoboye waba ubaye umugabo"

Uyu muhango ni nawo wabaye uwa nyuma w’akazi ku bari bagize inteko ishingamategeko yahise iseswa n’umukuru w’igihugu kugira ngo ibise izava mu matora y’abadepite ateganyijwe mu kwezi gutaha.

Perezida w’ Inteko Ishinga amategeko umutwe w’ abadepite Donatille Mukabarisa yavuze ko abadepite bitwaye neza kuko bashoboye gutora amategeko 315, kuri we ni agahigo baciye.

Yavuze ko amategeko yatowe areba ubuzima bw’abanyagihugu ariko ngo guhindura itegeko nshinga ni cyo asanga kiri ku isonga mu bikorwa bikomeye byakozwe n’abadepite.

Uku guhindura itegeko nshinga byasabwe n’ Abanyarwanda ahanini bagira Perezida Kagame azemererwe gukomeza kwiyamamaza.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Jado Uwihanganye, Rwakazina wayoboraga Umujyi, Maj Gen Karamba mu...

Perezida wa Repubulika, ashingiye ku biteganywa n’Itegeko Nshinga rya...
16 July 2019 Yasuwe: 5981 1

Perezida Kagame na Museveni barahura imbona nkubone ejo kuwa...

Muri iki gitondo cyo kuri uyu wa kane Radio Rwanda yatangaje ko biteganyjwe...
11 July 2019 Yasuwe: 6522 0

Amateka ya Gitera washinze Aprosoma, akazana amategeko icumi y’abahutu...

Gitera yari umunyabutare ahitwa I Save, inkubiri yo guharanira ubwigendge...
29 June 2019 Yasuwe: 4507 1

Abo intambara ya Uganda n’u Rwanda I Kisangani yagizeho ingaruka barasaba...

Kuva taliki 5 kugeza taliki 10 Kanama 2000 ingabo z’u Rwanda n’iza Uganda...
10 June 2019 Yasuwe: 4056 5

Perezida Museveni yangiye Abuzukuru be kuza mu Rwanda mu ikipe ya...

Mu ikipe ya Uganda y’abakobwa n’abahungu ya Basketball yari igiye kuza mu...
10 June 2019 Yasuwe: 6406 2

Kwibuka25: Ubuhamya bwa Ngutete warokokeye ku Ibambiro ahiciwe abagore...

Ku cyumweru tariki ya 26/05/2019 mu Karere ka Nyanza, Umurenge wa Kibirizi...
30 May 2019 Yasuwe: 4741 2