Kigali

Perezida Kagame yatangarije amahanga ko mu Rwanda abicaga inyamaswa aribo basigaye bazitaho

Amakuru   Yanditswe na: Nsanzimana Ernest 7 November 2017 Yasuwe: 771

Iki gihembo Paul Kagame yagiherewe i Londre mu Bwongereza

Perezida w’ u Rwanda Paul Kagame yahawe igihembo nk’ umuyobozi w’ indashyikirwa mu guteza imbere ubukerarugendo avuga ko mu Rwanda abahoze ari abashimusi b’ inyamaswa basigaye bazirinda.

Ni kuri uyu wa Kabiri tariki 7 Ugushyingo 2017 mu muhango wo gutanga ibihembo mpuzamahanga byo guteza imbere ubukerarugendo wabereye mu mugigi wa Londres mu gihugu cy’ Ubwongereza.

Iki gihembo Perezida Kagame agihawe nyuma y’ igihe gito mu Rwanda hagaruwe inkura zirabura, intare, ndetse hanatangijwe imishinga yo guteza imbere ubukererarugendo irimo tembera u Rwanda n’ umushinga wo kubaka pariki yo kubungabunga ibidukikije mu gishanga cya Nyandungu mu mugi wa Kigali.

Mu izina ry’ Abanyarwanda bose Perezida Kagame yavuze ko ashimiye abamuhaye icyo gihembo. Yongeraho ko ubukerarugendo u Rwanda rwateje imbere Abanyarwanda babufitemo inyungu mu buryo buziguye.

Yagize ati “Twakoze uko dushoboye tubungabunga ibidukikije kamere twubakira ibikorwaremezo abashyitsi n’ abaturage. Gukura k’ uru rwego (ubukerarugendo) byabaye uburyo bwo gusangira uburumbuke kuko dukora ku buryo inyungu zigera ku muturage mu buryo buziguye”

Yunzemo ati "Urugero abari ba rushimusi uyu munsi ni abarinzi b’ inyamaswa babyiyemeje.

Umukuru w’ igihugu yavuze ko Abanyarwanda batemberera mu bindi bihugu mu buryo butagoranye kuko ubu Rwanda air ikorera ingendo zayo mu bihugu 24 harimo n’ Ubwongereza.

U Rwanda rukoresha 5 % by’ amafaranga ava mu bukerarugendo mu bikorwa byo guteza imbere abaturiye za pariki. Ibyo bikorwa birimo kububakira amashuri, amavuriro , imihanda n’ ibindi

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Hejuru ya 80% ingengabitekerezo ya Jenoside yaragabanutse mu myaka 20...

Umunyamabanga Nshingwabikorwa wa Komisiyo y’igihugu yo kurwanya Jenoside...
14 December 2018 Yasuwe: 217 0

‘Imyanzuro 9 yafatiye m’ Umushyikirano w’ ubushize umwe wahuye n’...

Minisitiri w’ Intebe u Rwanda Dr Edouard Ngirente yagaragaje uko imyanzuro 9...
13 December 2018 Yasuwe: 828 0

Umushyikirano16: Perezida Kagame yavuze ko ababuza u Rwanda umutekano aribo...

Perezida Kagame yasabye Abanyarwanda kunga ubumwe, kureba kure, no gukora...
13 December 2018 Yasuwe: 1901 0

‘Icyemezo Afurika y’ Epfo yafashe cyo guhamagara ambasaderi wayo gishingiye...

Guverinoma y’u Rwanda yatangaje ko icyemezo Afurika y’ Epfo iherutse gufata...
12 December 2018 Yasuwe: 1978 0

‘Kwihangira imirimo ntabwo bishaka uwabuze akazi kamuha umushahara’-Perezida...

Perezida Paul Kagame yabwiye urubyiruko ko amateka mabi y’ahahise h’u Rwanda...
12 December 2018 Yasuwe: 715 0

Me Evode yagaragaje ko hari ba noteri bakora nk’ inyeshyamba

Umunyamabanga wa leta muri Minisiteri y’Ubutabera, ushinzwe Itegeko Nshinga...
10 December 2018 Yasuwe: 755 0