addresiya
Kigali
startimes

Perezida Kagame yemeye kwegura kwa Evode Uwizeyimana na Dr Munyakazi bari abanyamabanga ba Leta

Amakuru   Yanditswe na: Dusingizimana Remy 13 February 2020 Yasuwe: 2223

Minisitiri w’Intebe, Edouard Ngirente yaraye amenyesheje Evode Uwizeyimana na Dr Isaac Munyakazi bari abanyamabanga ba Leta ko Perezida wa Repubulika,Paul Kagame yemeye ukwegura kwabo.



Ku mugoroba wo kuwa kane taliki 6 Gashyantare 2020 nibwo Umunyamabanga wa Leta muri Minisiteri y’Ubutabera Ushinzwe kurinda Itegeko Nshinga n’andi Mategeko,Evode Uwizeyimana ndetse n’Umunyamabanga wa Leta muri Minisiteri y’Uburezi,Dr. Isaac Munyakazi batangaje ko batanze amabaruwa y’ubwegure.

Mu itangazo ryashyizwe hanze n’ibiro bya Minisitiri w’Intebe ku rubuga rwa Twitter ryatangaje ko Perezida wa repubulika,Paul Kagame,yemeje ubwegure bw’aba bahoze ari abayobozi.

Iryo tangazo riragira riti:" Ku wa 12 Gashyantare 2020, Nyakubahwa Minisitiri w’Intebe Dr. Edouard Ngirente yamenyesheje abari Abanyamabanga ba Leta, Bwana Evode Uwizeyimana na Dr. Isaac Munyakazi, ko Nyakubahwa Perezida wa Repubulika yemeye ukwegura kwabo.”

Kuwa mbere w’icyumweru gishize nibwo Evode Uwizeyimana yahohoteye umugore ukora akazi ko gucunga umutekano muri Kampani y’Umutekano ya Isco ku nyubako ya Grand Pension Plaza nyuma yo kumusaba kunyura mu cyuma gisaka akabyanga ahubwo akamuhirika akikubita hasi.

Nubwo Evode Uwizeyimana yasabye imbabazi uyu mudamu Mukamana Olive yahutaje ari mu kazi ke, yokejwe igitutu n’abanyarwanda ku mbuga nkoranyambaga birangira yeguye ku kazi.

Dr Isaac Munyakazi we akekwaho kwitwara nabi mu bizamini bya Leta bisoza umwaka w’amashuri wa 2019 aho bivugwa ko hari ikigo cyari mu myanya ya nyuma mu gutsindisha yazamuye agishyira mu myanya 10 ya mbere abifashinjwemo n’abakozi ba REB. Ngo ibi akaba yaranabyemeye akabisabira imbabazi ariko bikaba bigikorwaho iperereza.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Nyuma ya Gen Nyamvumba, Afande Gasana na Hon Gatabazi bahagaritswe ku...

Itangazo ryavuye mu Biro bya Minisitiri w’Intebe ku mugoroba wo kuri uyu...
25 May 2020 Yasuwe: 3815 0

Uganda yemeye kurekura Abanyarwanda 176 yafunze mu buryo budakurikije...

Minisitiri w’Ububanyi n’Amahanga w’u Rwanda,Dr.Vincent Biruta yatangaje ko...
15 May 2020 Yasuwe: 1021 0

Minisitiri Biruta yatangaje impamvu Uburundi na Tanzania batitabiriye inama...

Minisitiri w’Ububanyi n’Amahanga w’u Rwanda, Dr. Biruta Vincent, yavuze ko u...
15 May 2020 Yasuwe: 2270 0

Perezida Kagame yashyizeho abayobozi mu nzego zinyuranye barimo n’uwa REMA...

Perezida wa Repubulika Paul Kagame ashingiye ku bubasha ahabwa n’amategeko,...
11 May 2020 Yasuwe: 4345 0

Rusizi: Abayobozi 3 barimo n’Umunyamabanga w’akarere bavuye ku mirimo...

Uwari Umunyamabanga Nshingwabikorwa w’Akarere ka Rusizi, Mushimiyimana...
6 May 2020 Yasuwe: 2124 0

Perezida Kagame yagize Prof.Nshuti Manasseh Umunyamabanga wa Leta muri...

Nyakubahwa Perezida wa Repubulika yagaruye Prof.Nshuti Manasseh muri...
1 May 2020 Yasuwe: 2862 1