Kigali

Perezida Trump na Putin bagiranye ikiganiro kihariye mu ibanga rikomeye

Amakuru   Yanditswe na: Nsanzimana Ernest 19 July 2017 Yasuwe: 672

Ibiro bya Perezida wa Leta zunze ubumwe za Amerika byemeje amakuru avuga ko Perezida Donald Trump yagiranye ibiganiro mu ibanga na Perezida w’ u Burusiya Vladmir Putin.

Ibi biganiro byabaye mu musangiro wahuje abakuru b’ ibihugu 20 bikize kurusha ibindi ku Isi nyuma y’ inama yabahuje mu ntangiriro za Nyakanga 2017.

Perezidansi y’ Amerika ntabwo yatangaje icyo abo bakuru b’ ibihugu by’ ibihangange bikirana bikinganeye inyegamo baganiriye.

Hagati y’ ibi bihugu byombi hari umwuka utari mwiza ufite inkomoko ku bivugwa ko u Burusiya bwivanze mu matora ya Perezida wa Leta zunze ubumwe za Amerika hamamijwe guhesha intsinzi umuherwe Donald Trump.

Nubwo bivugwa gutya ariko u Burusiya aya amakuru buyamaganira kure gusa ababivuga bavuga ko bafite ibimenyetso birimo no kuba ambasaderi w’ u Burusiya muri Amerika yaragiranye ibiganiro n’ umujyanama wa Trump.

Abakuri b’ ibihugu bigize G20 (Ibihugu 20 bikize cyane ku Isi), bari ku meza mu isozwa ry’ inama yabahurije I Hamburg nibwo ibyo biganiro byabaye.

BBC dukesha iyi nkuru yatangaje ko Perezida Trump yahagurutse agasanga Perezida Putin wari wicaye iruhande rwa Melania Trump (umugore wa Donald Trump). Aba bombi nta muntu washoboraga kumva ibyo bavugana uretse umusemuzi wa Perezida w’ u Burusiya Vladmir Putin.

Perezida Trump yari yicaye iruhande rw’ umugore wa Minisitiri w’ intebe w’ u Buyapani Shinzo Abe.

Muri uwo musangiro nta tangazamakuru ryari rihari.

Umusesenguzi wa politiki witwa Jonathan Marcus yatangaje ko icyatumye Trump yegera Putin ari ukugira ngo baganire ku kibazo cy’ ukwivanga ku Burusia mu matora ya Perezida wa Leta zunze ubumwe z’ Amerika yabaye mu mpera z’ umwaka ushize wa 2016.

Uyu musesenguzi abishingira kukuba ibi biganiro byaragizwe ubwiru, ntihagire inyandiko ifatwa ikindi hakoreshwa umusemuzi mu rwego rwo kuzimiza abari hafi aho ngo batumva ibyo baganira.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umuryango Sinapisi Rwanda wigeze kwakira ubutumwa buvuye kuri George W....

Umuryango Sinapisi Rwanda kuri uyu wa 9 Ukuboza 2017 wizihije imyaka 25...
10 December 2017 Yasuwe: 1126 3

Perezida Kagame ari ku rutonde rw’ abafite ijambo rikomeye muri...

‘New African Magazine’ ku rutonde rwayo ngarukamwaka rw’ Abanyafurika 100...
8 December 2017 Yasuwe: 619 0

Misiri: P.Kagame yagaragaje ko hakwiye kwitabwa ku mpano z’abaturage

Perezida wa Repubulika Paul Kagame ari Sharm-El-Sheikh mu Misiri aho...
7 December 2017 Yasuwe: 296 0

Akari ku mutima wa Nsengimana na Musafiri bakuwe muri Guverinoma

Ku mugoroba wo kuwa gatatu tariki ya 06 Ukuboza 2017 nibwo Perezida wa...
7 December 2017 Yasuwe: 3750 0

Perezida Kagame yakuyeho Minisitiri w’Uburezi n’uw’ikoranabuhanga

Kuri uyu wa gatatu tariki ya 06 Ukuboza 2017 Perezida wa Repubulika y’u...
6 December 2017 Yasuwe: 1693 0

Ibyemezo byafatiwe mu nama y’Abaminisitiri idasanzwe yabaye kuri uyu wa...

None kuwa Kabiri tariki ya 5 Ugushyingo 2017, Inama y’Abaminisitiri...
5 December 2017 Yasuwe: 2626 0