Kigali

REG yahawe umuyobozi mushya usimbura Mugiraneza

Amakuru   Yanditswe na: Nsanzimana Ernest 17 May 2017 Yasuwe: 2842

Jean Bosco Mugiraneza wari umuyobozi mukuru w’ikigo gishinzwe ingufu, Rwanda Energy Group (REG)yasimbujwe Ron Weiss

Inzego zishinzwe gutangaza amakuru muri iki kigo zabwiye Umuseke ko zitaramenya iby’aya makuru. Kuri uyu wa gatatu ariko amakuru agera k’Umuseke aremeza ko uyu muyobozi mushya yeretswe abakozi.

Mu 2010, Guverinoma y’u Rwanda yihaye intego yo kugera kuri MW 563 z’amashanyarazi mu mu 2017, iyi ntego iza guhuzwa na gahunda y’imbaturabukungu ya kabiri ‘EDPRS2’; Ibi bigafasha guha umuriro ingo byibura 70% mu 2017, na 100% mu 2020

Mu mpera za 2016 iyi ntego yari itaragera muri 1/2 kuko u Rwanda rwari rufite hafi MW 280 zibasha kugera ku ngo 28%.

Gusa Jean Bosco Mugiraneza iki gihe yavugaga ko amashanyarazi ahari yakwira abanyarwanda bose.

Byatangajwe mu kiganiro n’abanyamakuru cyabanjirije inama yiga ku iterambere ry’ingufu z’amashanyarazi “IPAD Rwanda Energy Infrastructure” yabaye mu Ugushyingo 2016.

Ron Weiss uje kumusimbura, ni umunyaIsrael wari umuyobozi mukuru wungirije w’ikigo cya Israel Electric Corporation (IEC) wagize uruhare rukomeye mu gushyiraho ubufasha Israel iri guha u Rwanda mu kugera ku ntego y’amashanyarazi angana na 563MW nibura mu 2018 no guha amashanyarazi abagera kuri 70% muri icyo gihe.

Jean Bosco Mugiraneza wari umuyobozi mukuru wa REG yavuze ko n’ubwo intego zitaragerwaho hari intambwe yatewe kandi ishimishije.

Ayobora iki kigo, hakozwe imishinga myinshi yo kongera ingufu z’amashanyarazi harimo imishinga ya Rukarara, urugomero rwa Nyabarongo rwuzuye, kubyaza Gas Methane yo mu Kivu amashanyarazi n’imishinga yo kubyaza umusaruro Nyiramugengeri iri kubakwa n’uwa Gishoma uri gukora, numushinga w’urugomero rwa Rusumo n’indi.

Hakozwe kandi ibikorwa byo Korohereza abaturage kwishyura amafaranga y’ifatabuguzi, Kugabanya ikiguzi cy’amashanyarazi byatangiranye na 2017, kongera ingufu zikomoka ku mirasire y’izuba.

Jean Bosco Mugiraneza wasimbuwe ku buyobozi bwa REG, azibukwa kandi ubwo mu 2015 yafungwaga n’Urwego rw’Umuvunyi kubera kurusuzugura. Niwe muyobozi mukuru w’ikigo gikomeye wari utawe muri yombi n’uru rwego rushinzwe kurwanya ruswa n’akarengane

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble Kamaro

    Yesu azarinda agaruka amashanyarazi atarakwira mu abanyarwanda Bose

    18 May
  • chat_bubble Rwimara

    Ariko koko aba banyamahnga bakomeza guhabwa kuyobora ibigo mu Rwanda, bivuze ko nta benegihugu (abanyarwanda) bafite ubushobozi bwo kuyobora ibyo bigo?? cyangwa hari ikindi cyaba kibyihishe inyuma.

    Ko MUGIRANEZA bantu bavugaga ko ko ari umukozi mwiza uzi icyo akora kandi w’umunyabwenge, ubwo we yaba azize ik??? Uretse ko wenda Imana ishobora kuba imugiriye ubuntu ikamukura kuri uriya mwanya hakiri kare kubera ko we ibyo kubeshya no gutekinika imibare atabishobora, mu gihe cyo gutanga raporo ku ngo z’abanyarwanda zizaba zabonye amashanyarazi muri 2018.

    18 May

Inzindi nkuru

Kamonyi: Abayobozi babiri n’abaturage batatu batawe muri yombi

Mu murenge wa Rukoma mu Karere ka Kamonyi mu Ntara y’Amajyepfo hari...
21 November 2017 Yasuwe: 1101 0

Abadepite bo muri Burkina Faso baje kwigira ku miyoborere n’uburinganire-AMAFOTO

Itsinda ry’abadepite 9 n’abakozi 2 bo mu nteko ishinga amategeko ya Burkina...
20 November 2017 Yasuwe: 126 0

Meya wa Nyamagabe Mugisha Philbert yasezerewe ku buyobozi

Mugisha Philbert uherutse gutabwa muri yombi na Polisi y’Igihugu...
20 November 2017 Yasuwe: 1402 0

Bishop Rugagi yatangije televiziyo ahabwa miliyoni zirenga 3

Umushumba w’ itorero Abacunguwe umaze kwamamara mu Rwanda kubera gukoreshwa...
18 November 2017 Yasuwe: 4442 1

Jeannette Kagame yashimiye ikinyamakuru cyamuhembye nk’ intwari yahinduye...

Jeannette Kagame yashimiye ikinyamakuru ‘The voice magazine’ cyamuhaye...
18 November 2017 Yasuwe: 822 0

Perezida wa Estonia yasoje uruzinduko rwe nyuma yo gusura ibikorwa...

Perezida wa Estonia Madamu Kersti Kaljulaid yasoje uruzinduko rw’iminsi 2...
18 November 2017 Yasuwe: 495 0