Kigali

Rubavu: Minisitiri w’intebe Dr. Ngirente yasabye urubyiruko kwirinda ibishuko

Amakuru   Yanditswe na: Iyamuremye Janvier 10 December 2017 Yasuwe: 694

Minisitiri w’Intebe w’u Rwanda Dr Ngirente Edouard arasaba urubyiruko kwirinda ingeso mbi zose zatuma rwangiza ejo heza harwo n’ah’igihugu cyarwo ahubwo rugaharanira kuba umusemburo w’amajyambere arambye y’aho rutuye.

Izi mpanuro Minisitiri w’Intebe yazihaye urubyiruko rurenga ibihumbi bitanu rw’abakirisitu gatorika ubwo yasozaga ihuriro rya 16 ryaberaga mu karere ka Rubavu.

Mu gihe cy’iminsi hafi icyumweru uru rubyiruko rw’abakirisitu gatorika rwaturutse mu bihugu by’abaturanyi Republika iharanira demokarasi ya Congo, Kenya, Uganda n’u Rwanda, rwahawe ibiganiro bigamije kurufasha kugira indangagaciro ruharanira amahoro n’iterambere.

Minisitiri w’intebe Dr. Ngirente Edouard waje kwifatanya n’uru rubyiruko mu gikorwa cyo gusoza iri huriro, agaruka ku gaciro urubyiruko rufite mu Rwanda ndetse no muri Afurika muri rusange yarwibukije ko arirwo mizero ya none ndetse n’ejo heza. Arusaba kureba kure rutanga umusanzu mu bikorwa byose by’iterambere rwirinda ingeso mbi zatuma rwangiza ejo heza harwo.

Ati “Ku birebana n’u Rwanda, abari munsi y’imyaka 30 barenga 65%. Nibo rero barusha ibindi byiciro by’Abanyarwanda imbaraga n’ubushobozi bwo kwiga vuba ubumenyi buzafasha Igihugu cyacu kugera ku ntego yo kugira umwanya mu ruhando rw’ibihugu bifite ubukungu bushingiye ku bumenyi .”

Yungamo ati “Zimwe muri izi ngeso ni ubusinzi, kwiyahuza ibiyobyabwenge, kwiyandarika, ubwomanzi, kudatinya umugayo, kubiba amacakubiri, ubugwari, ubusambanyi butuma bamwe bandura indwara zitandukanye abandi bagasama inda zitateguwe, ubunebwe n’irari ry’ibintu.”

Agaruka k’uruhare rw’ababyeyi mu burere bwiza bw’urubyiruko, Minisitiri w’intebe Dr. Ngirente Edouard yabibukije guhora baha abana babo urugero rwiza kuko uko rwitwara akeshi rubikomora kubyo rubona mu miryango yarwo.

RBA

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

‘Kugira urubyiruko rudafite inzozi ni nko kugira ibimasa ugategereza...

Umuyobozi w’ Itorero ry’ Igihugu Edouard Bamporiki yagaragaje ko Perezida...
14 December 2018 Yasuwe: 920 0

Hejuru ya 80% ingengabitekerezo ya Jenoside yaragabanutse mu myaka 20...

Umunyamabanga Nshingwabikorwa wa Komisiyo y’igihugu yo kurwanya Jenoside...
14 December 2018 Yasuwe: 296 0

‘Imyanzuro 9 yafatiye m’ Umushyikirano w’ ubushize umwe wahuye n’...

Minisitiri w’ Intebe u Rwanda Dr Edouard Ngirente yagaragaje uko imyanzuro 9...
13 December 2018 Yasuwe: 971 0

Umushyikirano16: Perezida Kagame yavuze ko ababuza u Rwanda umutekano aribo...

Perezida Kagame yasabye Abanyarwanda kunga ubumwe, kureba kure, no gukora...
13 December 2018 Yasuwe: 1983 0

‘Icyemezo Afurika y’ Epfo yafashe cyo guhamagara ambasaderi wayo gishingiye...

Guverinoma y’u Rwanda yatangaje ko icyemezo Afurika y’ Epfo iherutse gufata...
12 December 2018 Yasuwe: 2058 0

‘Kwihangira imirimo ntabwo bishaka uwabuze akazi kamuha umushahara’-Perezida...

Perezida Paul Kagame yabwiye urubyiruko ko amateka mabi y’ahahise h’u Rwanda...
12 December 2018 Yasuwe: 766 0