Kigali

U Rwanda na UNHCR batangiye guha impunzi passiporo zikoze mu ikoranabuhanga

Amakuru   Yanditswe na: Nsanzimana Ernest 10 October 2018 Yasuwe: 739

Leta y’u Rwanda n’ishami ry’umuryango w’abibumbye ryita ku mpunzi, HCR, batangiye gutanga inzandiko z’inzira zihabwa impunzi byavuzwe ko zikozwe ku buryo bw’ikoranabuhanga bwemewe hose ku isi.

Ikiguzi cy’izi mpushya kizatangwa na HCR ariko zitunganywe n’ikigo gishinzwe abinjira n’abasohoka mu Rwanda.

Izi nzandiko zishobora kuba igisubizo ku bibazo byakundaga kubazwa n’impunzi byo kutabona uburyo buzemerera gutembera, dore ko ubusanzwe inzandiko nk’izi zitahabwaga buri wese uzifuje.

Urwandiko rw’inzira ruhabwa impunzi rumeze neza n’urugenerwa abenegihugu, bigatandukanywa gusa n’amagambo asobanura ko ruhabwa impunzi.
Uru rwandiko rumara igihe cy’imyaka 5 rukagurwa amafaranga ibihumbi 10 y’u Rwanda.

Buri mpunzi iri ku butaka bw’u Rwanda yemerewe guhabwa uru rupapuro rw’inzira mu gihe yamaze kwemererwa ubuhunzi.

Impunzi zituye mu mujyi zisabwa guhabwa icyemezo gitangwa n’ubuyobozi bw’ibanze naho abatuye mu nkambi bahabwa icyemezo n’ukuriye inkambi.
Uru rwandiko rutangwa ku muntu ubyifuza rwemerera impunzi kuba zatembera aho zishatse hose ku isi mu gihe zashoboye kubona visa. Gusa uru rwandiko ntirwemerera impunzi kuba yatemberera mu gihugu yahunze.

Leta y’u Rwanda n’ishami rya ONU ryita ku mpunzi bavuga ko uru rwandiko rugiye kongera amahirwe ku mpunzi yo kuba zajya gushakiriza imibereho mu bihugu bituranye n’u Rwanda cyangwa mu mahanga ya kure.
Ku ruhande rw’impunzi nabo bishimiye uru rupapuro bemeza ko rubafunguriye amarembo.

Umwe muri bo yagize ati:"Hari benshi bari barabuze uko bajya ahandi gushakisha icyatunga imiryango yabo. Tugiye gukoresha ubumenyi dufite dushobore guhahira imiryango yacu nibiba ngombwa twambuke n’imipaka."

Urupapuro rw’inzira ruhabwa impunzi ruje rukurikira ikarita iranga impunzi ikoze ku buryo bw’ikoranabuhanga nayo yatanzwe muri uyu mwaka.

Ministeri ishinzwe impunzi n’ishami rya ONU ryita ku mpunzi bavuga ko hazakurikiraho gutanga ubwisungane bwo kwivuza ku mpunzi, cyakora igihe buzatangirwaho cyo nticyashyizwe ahagaragara.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble

    Izi mpunzi zigize amahirwe kk zizajya zidegembya zerekeze hirya no hino gushaka ubuzima bitewe n’uko bamwe muri zo bajyaga binubira ingano y’ibifungurwa bagenerwa!

    3 months ago

Inzindi nkuru

Mu Burundi,Gitega yahinduwe umurwa mukuru wa Politiki mu gihe Bujumbura...

Umujyi wa Gitega uri hagati mu Burundi ugiye kuba umurwa mukuru wa politike...
21 December 2018 Yasuwe: 3715 0

Perezida Kagame yagizwe umuyobozi w’umwaka muri Afurika

Ikinyamakuru cyandikirwa ku mugabane wa Afurika ariko kikaba ari umutungo...
20 December 2018 Yasuwe: 1900 1

Ifoto yakunzwe:Perezida Kagame yagaragaye ari hagati ya Perezida w’Ubumwe...

Perezida Paul Kagame kuri uyu wa Kabiri yitabiriye Ihuriro rya Afurika n’u...
19 December 2018 Yasuwe: 5330 0

Umuvugizi wa FDLR umutwe wiganjemo abagize uruhare muri Jenoside yakorewe...

Uwari Umuvugizi wa FDLR,LaForge Fils Bazeye, umutwe wiganjemo abagize...
17 December 2018 Yasuwe: 3216 0

‘Kugira urubyiruko rudafite inzozi ni nko kugira ibimasa ugategereza...

Umuyobozi w’ Itorero ry’ Igihugu Edouard Bamporiki yagaragaje ko Perezida...
14 December 2018 Yasuwe: 1256 0

Hejuru ya 80% ingengabitekerezo ya Jenoside yaragabanutse mu myaka 20...

Umunyamabanga Nshingwabikorwa wa Komisiyo y’igihugu yo kurwanya Jenoside...
14 December 2018 Yasuwe: 475 0