Kigali

U Rwanda ntirutewe ubwoba n’igitutu cya Amerika isaba kugarura ‘Caguwa’

Amakuru   Yanditswe na: Iyamuremye Janvier 19 February 2018 Yasuwe: 1464

Leta y’U Rwanda yatangaje ko ititeguye kugarura ubucuruzi bwa Caguwa(imyenda,impu n’inkweto n’ibindi biba byarambawe) no kugabanya imisoro bitewe n’igitutu iri gushyirwaho na Leta zunze ubumwe za Amerika isaba ko ubu bucuruzi bwagarurwa mu gihugu.

Leta y’u Rwanda iherutse gutangaza ko itazigera ihindura icyemezo yafashe cyo guca Caguwa mu gihugu hose, inashimangira ko mu nama y’abakuru b’ibihugu bya Afurika y’i burasirazuba igiye guteranira i Kampala muri Uganda mu minsi iri imbere, U Rwanda ruzakomeza guhagarara kuri uyu mwanzuro.

Umunyamabanga wa leta muri minisitiri y’ububanyi n’amahanga Bwana Olivier Nduhungirehe, yabwiye ikinyamakuru the Eastafrican ko icyemezo cy’ibihugu byo mu karere k’Afurika y’iburasirazuba kizakomeza kubahirizwa ’dushaka gushyira mu bikorwa itegeko ry’aho ibicuruzwa bikomoka.Byagaragaye ko ibicuruzwa bimwe bikorerwa mu Bushinwa nyuma bikaza kujugunywa muri Afurika’.

Bwana Nduhungire yakomeje avuga ko nk’U Rwanda biteguye kuganira na Amerika kuri iyi ngingo kugirango bidahungabanya umubano w’ibihugu byombi wari wifashe neza.

Mu cyumweru gishize, abashinzwe ubucuruzi muri Amerika bategetse ibihugu by’u Rwanda, Uganda na Tanzania kwisubiraho ku cyemezo cyo guca Caguwa.

Amerika yavuze ko bidakunze ibi bihugu byahabwa ibihano birimo gucibwa amande no kugabanyirizwa inyungu byari bisanzwe bikura mu masezerano yiswe aya AGOA agamije koroshya ubucuruzi hagati y’ibihugu by’Afurika na leta zunze ubumwe z’Amerika.

U Rwanda, Uganda na Tanzania byaciye Caguwa muri gahunda yo guteza imbere inganda n’ibikorerwa imbere mu gihugu.Ni ibintu bitakiriwe na Leta zunze ubumwe za Amerika ivuga ko harimo igihombo.

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Mushikiwabo yavuze impamvu agiye kwiyamamariza kuyobora Francophonie kandi...

Minisitiri w’ Ububanyi n’ amahanga n’ Umuryango w’ Afurika y’ Iburasirazuba Mme...
24 May 2018 Yasuwe: 611 0

Uko Isi yiriwe tariki 23 Gicurasi 2018 [AMAFOTO]

Mu nshamake y’ uko Isi yiriwe tariki 23 Gicurasi harimo uruzinduko rwa...
23 May 2018 Yasuwe: 1058 0

Iby’ ingenzi mu kiganiro Perezida Kagame yagiranye na Perezida Macron w’ u...

Perezida w’ u Rwanda Paul Kagame kuri uyu wa Kane tariki 23 Gicurasi 2018...
23 May 2018 Yasuwe: 2343 0

Arsenal igiye kujya yamamaza u Rwanda

Ikigo cy’ ’Igihugu gitsura Amajyambere (RDB) rwakoze amateka rukorana...
23 May 2018 Yasuwe: 1517 2

Abana b’ abahungu 59,5% barakubitwa, abakobwa 23,9% bakorerwa ihohoterwa...

Ubushakashatsi na Minisiteri y’ Ubuzima mu Rwanda bugamije kureba uko...
17 May 2018 Yasuwe: 962 0

Umuhesha w’ inkiko yafatiriye ibikoresho bya Family TV

Ibikoresho bya Family TV byafatiriwe n’umuhesha w’inkiko, mu gikorwa cyo...
17 May 2018 Yasuwe: 1901 0