Kigali

U Rwanda rwiyambaje impuguke zo muri Amerika ngo ukuri ku ruhare rw’ u Bufaransa muri jenoside yakorewe abatutsi kuge ahagaragara

Amakuru   Yanditswe na: Iyamuremye Janvier 15 December 2017 Yasuwe: 516

Minisitiri w’ububanyi n’amahanga n’ umuryango w’ Afurika y’ iburasirazuba Louise Mushikiwabo, akaba n’ umuvugizi wa guverinoma y’ u Rwanda aratangaza ko leta y’u Rwanda itazahwema kugaragaza ibimenyetso byerekana uruhare rw’u Bufaransa muri Jenoside yakorewe Abatutsi mu Rwanda mu 1994.

Ibi arabitangaza nyuma y’aho Leta y’u Rwanda ishyiriye ahagaragara raporo yakozwe n’itsinda ry’impuguke z’abanyamategeko bo muri Leta zunze ubumwe za Amerika, yanashyikirijwe u Bufaransa.

Yagize ati “Nibyo Leta y’u Rwanda yasabye impuguke mu by’amategeko ndetse no mu iperereza na Cabinet y’abavocat y’abanyamerika bakomoka mu mujyi wa Washington D.C yagiye ikora akazi gakomeye cyane mu iperereza mu bibabzo byagiye biba muri Leta zunze ubumwe Amerika ifite ubushobozi buhambaye.Tuyisaba y’uko yadufasha mu iperereza mu nyandiko zitihishe ziri hirya no hino mu kujya kuganiriza abantu mu gushakisha ibimenyetso byo bishoboka ikatugaragariza vuba uruhare rw’igihugu cy’u Bufaransa ariko cyane cyane bamwe mu bayobozi b’u Bufaransa tuzi neza ko bagize uruhare rugaragara muri Jenoside yakorewe abatutsi muri iki gihugu.”

Umunyamakuru wa RBA ducyesha iyi nkuru yabajije Min.Mushikiwabo agaciro baha iyi raporo mu kwerekana uruhare rw’abafaransa bagize muri Jenoside yakorewe Abatutsi mu 1994.Ati “Iyi raporo rero muby’ukuri nk’uko nabivuze.Bitugaragariza ko ari ibimenyetso bifatika.Ikaba mu myanzuro yayo isaba Leta y’u Rwanda y’uko akazi kakomeza.Turakareba neza mu buryo burambuye kandi mu buryo bufite imyanzuro kuri muntu wese ndetse no mu nyandiko za giye ziba hagati y’abakozi ba Leta y’u Bufaransa.”

Yabajijwe niba Leta y’u Rwanda izakomeza gukora izo raporo ku buryo n’abandi bazavuka bazajya bareba ibyakozwe n’u Bufaransa mu Rwanda,yasubije muri aya magambo

Ati “Ntabwo ari ikintu u Rwanda tuzageraho tukarambirwa kubera amanyanga tukabihagarika ntibishoboka.U Rwanda ruzakomeza gukurikirana raporo zizagenda ziyongera ziba nyinshi inyandiko turushaho kuzikwiza kuko iyo umuntu avuze inkuru cyangwa se igitabo cyikandirwa haza n’amafilimi.Uko twebwe twagiye tubibona twari tuziko Leta y’u Bufaransa izageraho igasanga kubera bamwe muri abo abanegihugu babo bakoze amahano nayo izageraho ikusibiraho ikabasaba kwemera uko amateka yagenze ariko tubona uko iminsi igenda abakoze ibyo byaha bikomeye muri iki gihugu ndetse na Leta yabo bo bari mubyo guhakana twasanze ari ngombwa noneho ko ibyo dufite byose tubishyira ahagaragara.”

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


  • chat_bubble Nzima

    Nibyiza kuba mubyivugiye kuko nari numvise arabantu badukunda biyemeje kuturengera.Abandi bakavugako ari rapport yashyizwe hanze na leta ya America.

    2 months ago

Inzindi nkuru

Uruzinduko rwa Perezida Lungu rusigiye iki u Rwanda

Perezida wa Zambia Edgar Lungu wasoje uruzinduko rwe i Kigali yatangaje ko...
22 February 2018 Yasuwe: 662 0

Kongera ibyo kurya bigenewa impunzi za Kiziba ntibiri hafi aha

Ishami ry’umuryango w’abibumbye ryita ku mpunzi (UNHCR) rirahamagarira...
22 February 2018 Yasuwe: 762 1

Uganda: U Rwanda ruhagarariwe na Minisitiri Musoni mu nama y’ abakuru b’...

Musoni yahagarariye Perezida Kagame mu mwiherero w’abakuru b’ibihugu bya EAC...
22 February 2018 Yasuwe: 1343 0

Perezida Kagame yakiriye mugenzi we Edgar Lungu [AMAFOTO]

Kuri uyu wa Gatatu, tariki ya 21 Gashyantare 2018 Perezida Paul Kagame...
21 February 2018 Yasuwe: 1652 0

Guverineri Mureshyankwano yakomoje ku gafuti yakoze ari umwana yibuka...

Ni umunyapolitiki uzwiho ubuhanga bwo kuganiriza abaturage ayobora abaha...
20 February 2018 Yasuwe: 4223 0

U Rwanda ntirutewe ubwoba n’igitutu cya Amerika isaba kugarura...

Leta y’U Rwanda yatangaje ko ititeguye kugarura ubucuruzi bwa...
19 February 2018 Yasuwe: 1400 0