Kigali

U Rwanda rushobora gutanga ibindi bihugu bya Afurika kwinjira muri OECD

Amakuru   Yanditswe na: Nsanzimana Ernest 12 September 2018 Yasuwe: 2000

Igihugu cy’ u Rwanda kiri mu myiteguro yo gushaka uko cyakwiyongera ku bihugu 36 bigize Umuryango Mpuzamahanga w’ Ubukungu Organization for Economic Co-operation and Development (OECD).

Umunyamategeko Yehuda Weinstein wahoze ahagarariye igihugu cya Israel mu muryango w’ Abibumbye niwe urimo kuvuganira u Rwanda muri uyu muryango nk’ uko byatangajwe n’ Ikinyamakuru cyandikirwa muri Israel JerusalemPost.

Yagize ati "Hari ibimenyetso byinshi byemerera u Rwanda kujyamo”

Ibyo bimenyetso ngo birimo kuba u Rwanda ari igihugu gifite ubukungu na politiki bihagaze neza nyamara byari byahunganye muri Jenoside yakorewe Abatutsi mu 1994 no kuba ari igihugu kirimo korohereza abanyamahanga bashaga kugishoramo imari.

Umunyapolitiki mu by’ ububanyi n’ amahanga muri Israel Ron Prosor asanga u Rwanda rukwiye gushimirwa kuba rushaka gutera intambwe rukinjira mu muryango wa OECD.

Yagize ati "Afurika niwo mugabane rukumbi udahagarariwe muri OECD ntekereza ko buri wese akwiye gushimira u Rwanda ko rufite ubushake bwo kurenga iyo bariyeri rukaba igihugu cya mbere cya Afurika cyinjiye muri uyu muryango”

Ni iki u Rwanda rusabwa ngo rwemererwe kwinjira muri 0ECD

Ron Prosor ati “U Rwanda kwinjira muri OECD birarusaba kugera ku gipimo cyo hejuru mu miyoborere, ubushabitsi, kurengera ibidukikije n’ ububanyi n’ amahanga(...)Turizera ko n’ ibindi bihugu bya Afurika bizagera ikirenge mu cy’ u Rwanda”

Minisitiri w’ Ububanyi n’ amahanga Louise Mushikiwabo aherutse kubwira KT Press ko icyo u Rwanda rurimo gukora ari ugushaka amakuru no kumenya ibisabwa.

Abasesenguzi basanga u Rwanda rugiye muri OECD byarufasha kugwiza abashoramari mpuzamahanga.

Uyu muryango umaze imyaka 50 ushinzwe, ugize n’ ibihugu binyamuryango 36. Intego yawo ni uguteza imbere politiki zigamije ubukungu n’ imibereho myiza mu Isi. Mu bihugu byatangije OECD harimo Leta zunze Ubumwe za Amerika, France, Ubudage, Turikiya, Espagne n’ ibindi.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Perezida Museveni yangiye Abuzukuru be kuza mu Rwanda mu ikipe ya...

Mu ikipe ya Uganda y’abakobwa n’abahungu ya Basketball yari igiye kuza mu...
10 June 2019 Yasuwe: 5021 2

Kwibuka25: Ubuhamya bwa Ngutete warokokeye ku Ibambiro ahiciwe abagore...

Ku cyumweru tariki ya 26/05/2019 mu Karere ka Nyanza, Umurenge wa Kibirizi...
30 May 2019 Yasuwe: 4090 2

Rucagu avuga ko muri 93 yandikiye Leta ya Habyalimana ayisaba kugabana...

Mu gice cya nyuma cy’ikiganiro twagiranye na Rucagu Boniface, yadutangarije...
2 April 2019 Yasuwe: 4759 2

Imibonano mpuzabitsina siyo yubaka urugo, ni akantu gato, n’inyamaswa...

Mu kiganiro Pasteur Antoine Rutayisire yahaye Umuryango, yagaye ko haba...
1 April 2019 Yasuwe: 6268 2

Ese Rucagu yari ari he ubwo indege ya Habyarimana yaraswaga? Ngo yabaye mu...

Rucagu Boniface, umwe mu basaza b’inararibonye ndetse akaba n’umwe mu bagize...
27 March 2019 Yasuwe: 12880 1

"Hari abavugaga ko amasengesho yo gusabira igihugu ari aya FPR": Past...

Muri iyi video y’ikiganiro yagiranye n’Umuryango, Pasiteri Antoine Rutayisire...
18 March 2019 Yasuwe: 2571 0