Kigali

Amasaro yasabwe kuba yujuje ibintu 9 birimo ubwiherero n’ ubwishingizi

Amakuru   Yanditswe na: Nsanzimana Ernest 28 March 2018 Yasuwe: 1709

Ikigo cy’ igihugu cy’ ubuziranenge RSB cyashyizeho urutonde rw’ ibintu 9 saro z’ ubwiza zigomba kuba zujuje, gisaba banyiri amasaro kubyubahiriza kuko hateganyijwe ibihano kubatazabyubahiriza.

Ayo masaro ni akora ibijyanye no gutunganya imisatsi, ubwanwa, uruhu, amavuta y’ ubwiza, kwandika ku mubiri(tattoos), gutunganya inzara zo ku ntoki, gutunganya inzara zo ku birenge n’ ibindi.

RSB na Minisiteri y’ Ubuzima barimo gusobanurira ba nyiri amasaro uko amasaro yakora akazi kabo kinyamwuga.

Mu byo saro igomba kuba jujuje kugira ngo yemerewe gukorera mu Rwanda harimo uruhushya rutanga n’ ubuyobozi rugaragara ko iyo nyubako ikorerwamo imirimo ya saro, kuba ufite ibyangombwa bikwemerera gutunga saro bitarengeje igihe, kuba ufite ibyangombwa by’ isuku birimo umusarane w’ abagabo n’ uw’ abagore ukwawo, kuba ufite ibikoresho byo gushyiramo imyanda n’ uburyo bwo gutwara imyanda y’ amazi yanduye, Kubahiriza amategeko y’ agace ukoreramo, kuba ufite ubwishingizi butarata agaciro bw’ ibikoresho n’ ubw’ impanuka, kuba ufite udukoresho dutanga ubufasha bw’ ibanze nka bandage; plasters, cotton wool, gauze, urushinge, urwembe n’ ibindi, Saro y’ ubwiza igomba kuba yubahiriza amabwiriza y’ isuku, Kugenzura niba abakozi bawe basuzumwa indwara buri mezi ane ibisubizo bikabikwa, Kuba ufite ubuziranenge na gahunda y’ uburyo servisi zitangwa, kuba ufite ibikoresho byo guhangana n’ inkongi n’ umuntu watojwe uburyo bikoreshwa, kugira amazi ahagije meza yo kunywa.

Expressnews UMURYANGO ukesha iyi nkuru yatangaje ko umukozi wa RSB, Athanasie MUKESHIYAREMYE yavuze ko ubukangurambaga kuri aya mabwiriza n’ ibihano kubatazayubahiriza buzakebura abayirengagizaga nkana.
Mukayiranga Fanny ufite saro yitwa BELASI yavuze ko amahugurwa bahawe yari ingenzi yongeraho ko bagiye gushyira mu bikorwa ibyo bahuguwe.

Nubwo bimeze gutya ariko bamwe muri banyiri amasaro baravuga ko ibyo basabwa bihenze kandi Leta ikaba irimo kubaha igihe gito. Gusa RSB yabijeje ubufasha.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Abagore baragaya bagenzi babo bigometse ku bagabo babo babyita...

Abagore bo mu ntara y’iburasirazuba bavuze ko hari bagenzi babo bumvishe...
20 April 2018 Yasuwe: 427 1

Gitifu wa Nyabihu yasezeye ku mirimo

Ngabo James Umunyamabanga Nshingwabikorwa w’Akarere ka Nyabihu yasezeye ku...
18 April 2018 Yasuwe: 2539 0

Abasenateri basuzumye amategeko agenga ibigo bya Leta

Abasenateri bahuriye mu nteko rusange y’igihembe kidasanzwe yari yatumiwemo...
17 April 2018 Yasuwe: 424 0

Busabizwa niwe meya w’ agateganyo w’ umugi wa Kigali

Nyuma y’ uko Nyamulinda Pascal wari Umuyobozi w’ umugi wa Kigali yeguye mu...
16 April 2018 Yasuwe: 5224 1

Dr Gahakwa Daphrose na Dr Cyubahiro Bagabe birukanywe burundu muri...

Minisitiri w’Intebe, Ngirente Dr Edourad, yasezereye burundu mu mirimo ya...
12 April 2018 Yasuwe: 2847 0

Pascal Nyamulinda wari umaze umwaka ayobora umugi wa Kigali...

Nyamulinda Pascal wari umaze umwaka umwe n’ iminsi itageze ku kwezi ayobora...
11 April 2018 Yasuwe: 4339 3