Kigali

U Rwanda rwungukiye byinshi ku ruzinduko rwa Perezida Kagame mu Buhinde

Amakuru   Yanditswe na: 10 January 2017 Yasuwe: 1114

Mu ruzinduko rw’iminsi itatu Perezida w’ u Rwanda Paul Kagame arimo mu gihugu cy’ u Buhinde, yabonanye na Minisitiri w’Intebe w’iki gihugu, ibiganiro byabo byibanda ku bufatanye mu bikorwa by’iterambere hagati y’ibihugu byombi.

Ibiganiro na bya Perezida Paul Kagame na Minisitiri w’Intebe Narendra Modi, byatumye iki gihugu kiyemeza gutera inkunga u Rwanda mu bikorwa bitandukanye by’iterambere.

Mu byo aba bayobozi bemeranyijeho harimo amasezerano y’ubufatanye hagati ya Polisi y’u Rwanda na Kaminuza ya Gujarat Forensic Sciences.

Harimo kandi ko u Buhinde bwiyemeje gutera inkunga u Rwanda miliyoni 2 z’Amadolari mu bikorwa by’ubuvuzi, n’inguzanyo ya miliyoni imwe yo kugura bimwe mu bikoresho byo kwa muganda.

Harimo kandi inguzanyo ya miliyoni 81 z’amadorali ajyanye no kubaka imihanda.

Aba bakuru b’ibihugu kandi bemeranyije gutangiza ingendo z’indege za sosiyete ya RwandAir, iva i Kigali mu Rwanda yerekeza Mumbai mu Buhinde.

Ubufatanye hagati y’u Rwanda n’u Buhinde bwazamutse cyane mu myaka itanu ishize, ni ukuvuga kuva mu mwaka wa 2011 kugeza 2015.

Ubu bucuruzi bwari bufite agaciro karenga miliyoni 526 z’amadorali.

Ikigo cy’igihugu cy’iterambere mu Rwanda kandi kivuga ko hagati y’umwaka wa 2011 na 2016, u Rwanda rwanditse imishinga y’ishoramari 66 yavuye mu Buhinde, ifite agaciro ka miliyoni 317.5 z’amadorali.

Iyi mishinga ngo yatanze akazi ku bantu bangana na 3800, harimo nko mu burezi, itumanaho n’ibindi nk’u Rwanda rubivuga.

Umukuru w’Igihugu ari mu Buhinde mu nama mpuzamahanga yiswe Vibrant Gujarat Global Summit ibera mu Ntara ya Gujarat, mu burengerazuba bw’iki gihugu.

Iyi nama yo igomba gutangira tariki ya 10 kugeza ku ya 13 Mutarama 2017.









Amafoto Village urugwiro

Ibitecyerezo

  • Log in

    Amategeko n'amabwiriza birkurikizwa


Inzindi nkuru

U Rwanda ntirutewe ubwoba n’igitutu cya Amerika isaba kugarura...

Leta y’U Rwanda yatangaje ko ititeguye kugarura ubucuruzi bwa...
19 February 2018 Yasuwe: 1185 0

Perezida Kagame yatangaje uko intambara zihora Sahel zarangizwa

Perezida w’ u Rwanda Paul Kagame kuri ubu uyoboye Umuryango w’ ubumwe bw’...
18 February 2018 Yasuwe: 1892 1

RDC yashyikirijwe imibiri y’ingabo zayo zaguye mu mirwano yazihuje n’iz’u...

Kuri uyu wa Gatandatu tariki ya 17 Gashyantare, 2018 Repubulika Iharanira...
17 February 2018 Yasuwe: 3485 0

Perezida Kagame yaganiriye na Moussa Faki mu nama iri kubera mu...

Perezida wa Repubulika Paul Kagame uri mu gihugu cy’Ubudage yagiranye...
17 February 2018 Yasuwe: 418 0

Ruswa ishingiye ku gitsina iri hejuru mu bigo bya Leta

Mu bagore 100 batse akazi muri Leta 96 babwiye abashakashatsi ba...
16 February 2018 Yasuwe: 1303 6

Gasana Janvier ntakiri umuyobozi mukuru wa REB

Ikigo cy’ igihugu cy’ Uburezi REB cyahawe umuyobozi mukuru mushya usimbura Dr...
15 February 2018 Yasuwe: 1239 1