Kigali

Uganda: U Rwanda ruhagarariwe na Minisitiri Musoni mu nama y’ abakuru b’ ibihugu bya EAC

Amakuru   Yanditswe na: Nsanzimana Ernest 22 February 2018 Yasuwe: 1413

Musoni yahagarariye Perezida Kagame mu mwiherero w’abakuru b’ibihugu bya EAC

None tariki 22 Gashyantare 2018 I Kampala muri Uganda harabera inama y’ abakuru b’ ibihugu bigize Umuryango w’ Afurika y’ Iburasirazuba iribanda ku kubikorwaremezo mu rwego rw’ ubuzima.

Ni inama igiye kuba ku nshuro ya 19, biteganyijwe ko iraberamo n’ umwiherero w’ abakuru w’ ibihugu bigize uyu muryango uraba ubaye ku nshuro ya 4. Umwiherero wa mbere w’ abakuru b’ ibihugu bigize EAC wabaye muri 2008, uwa kabiri uba muri 2012, uwa 3 uba muri 2014.

Muri iyi nama abakuru bararebera hamwe ibimaze kugerwaho muri gahunda y’ iterambere 2063 n’ ibyagezweho muri gahunda y’ iterambere rirambye mu rwego rw’ ubuzima.

Umuryango w’ Afurika y’ iburasirazuba ugizwe n’ ibihugu bitandatu aribyo U Rwanda, Burundi, Kenya, Uganda, Sudani y’ Epfo na Tanzania.

Perezida wa Tanzania John Pombe Maghufuli ni we mukuru w’ igihugu wamaze kugera muri Uganda, yakiriwe na mugenzi we wa Uganda Yoweli Kaguta Museveni.

Muri iyi nama u Rwanda ruhagarariwe n’ itsinda riyobowe na Minisitiri w’ Ibikorwaremezo James Musoni , rigizwe n’ Umunyamabanga wa Leta muri Minisiteri y’ ububanyi n’ amahanga Olivier Nduhungirehe na Dr Patrick Ndimubanzi Umunyamabanga wa Leta ushinzwe ubuvuzi rusange muri Minisiteri y’ ubuzima.

Hari abasanga uruzinduko rw’ iminsi ibiri Perezida wa Zambia Edgar Lungu arimo mu Rwanda arirwo rwatumye Perezida Paul Kagame atitabira iyi nama y’ abakuru b’ ibihugu ahubwo akohereza abamuhagararira.


Minisitiri Musoni James

Iyi nama y’ abakuru b’ ibihugu yabanjirijwe n’ iy’ abaminisitiri yabaye kuri uyu wa 21 Gashyantare 2018 ndetse n’ imurikabikorwa mpuzamahanga rirakoza kuri uyu wa 22 Gashyantare ririmo kwerekanirwamo ibicuruzwa bishya, ibiherutse kuvumburwa n’ ubushakashatsi ndetse n’ udushya twahanzwe.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Amb. Kanyamashuli Kabeya Janvier wari Umudepite yeguye

Nyuma y’amezi 6 atowe mu badepite bari kuri rutonde rw’abakandida b’ishyaka...
13 March 2019 Yasuwe: 7228 1

Imyanzuro y’Umwiherero wa 16 w’Abayobozi b’Inzego zitandukanye z’Igihugu...

Kuva ku itariki ya 9 kugeza ku ya 11 Werurwe 2019, mu Karere ka Gatsibo...
12 March 2019 Yasuwe: 2983 0

Ibibazo biri hagati y’Ubuganda n’u Rwanda birenze intambara y’amagambo: Amb...

Mu kiganiro n’abanyamakuru cyabaye uyu munsi Minisitiri wa Leta muri...
12 March 2019 Yasuwe: 7113 2

Huye: Gusana Umujyi, Itongo rya Gicanda, Ingoro ya Muvoma, Mukura, byinshi...

Hari hashize imyaka igera kuri ine ubuyobozi bw’Akarere bufashe icyemezo cyo...
3 February 2019 Yasuwe: 5613 0

Inama y’Abaminisitiri yongereye umushahara wa mwalimu na manda ya Guverineri...

Inama y’Abaminisitiri idasanzwe yateranye kuri uyu wa 28/01/2019 yazamuye...
29 January 2019 Yasuwe: 12906 10

Menya byinshi ku buzima bwa Perezida Kagame n’abakinnyi avuga ko...

Perezida wa Repubulika akaba n’umuyobozi wa Afurika yunze ubumwe (AU) Paul...
22 December 2018 Yasuwe: 7183 0