Kigali

‘Umubano w’ Afurika n’ Ubushinwa ushingiye ku bwubahane’ Perezida Kagame

Amakuru   Yanditswe na: Nsanzimana Ernest 4 September 2018 Yasuwe: 389

Perezida w’ u Rwanda Paul Kagame unayoboye Umuryango w’ Afurika yunze ubumwe yavuze ishingiro ry’ umubano w’ Afurika n’ Ubushinwa ubwo yari mu nama yiga ku mubano w’ Afurika n’ Ubushinwa yabereye I Beinjing kuri uyu wa 3 Nzeli 2018.

Iyi nama yafunguwe ku mugaragaro na Perezida w’ Ubushinwa Xi Jinping, uherutse gusura ibihugu bitandukanye bya Afurika. Afungura iyi nama yavuze ko igihugu cye kitakora cyonyine ari mpamvu gishize imbere ubufatanye na Afurika. Inama ya FOCAC mu myaka 3 ishize iheruka yabereye I Johannesburg muri Afurika y’ Epfo.

Yavuze ko nubwo haza abafatanya bikorwa batandukanye baturutse hirya no hino, icy’ingenzi kuri Africa ari uko ihuza umugambi, igakorera hamwe kugira ngo igere kucyo yo yifuza.

Perezida Paul Kagame ku rundi ruhande yavuze ko umubano mwiza hagati y’u Bushinwa n’Africa wigaragaza. Avuga ariko ko gukorana n’Africa byagirira akamaro uwo ariwe wese wabishaka. Ngo si umwihariko w’u Bushinwa gusa.

Yasabye abakuru b’ibihugu by’Africa bateraniye muri iriya nama yitwa FOCAC gushyira imbere inyungu z’umugabane wabo kandi bakereka Isi ko bafite intego imwe yo guteza imbere ibihugu byabo n’umugabane wabo muri rusange.

Ati: “Igihe kirageze ngo Africa ikanguke, ifate inshingano zayo mu ntoki, ikorere hamwe imishinga kandi abikorera ku giti cyabo bahabwe umwanya ugaragara.”

Perezida Kagame asanga kandi ingufu zigomba gushyirwa cyane mu kubaka inganda, ibikorwa remezo no kongera ubucuruzi.

Ku byerekeye umubano hagati y’ibihugu by’Africa n’u Bushinwa Perezida Kagame yashimye uko uhagaze muri iki gihe ariko asaba ko ibice byombi nanone byakorana mu gukomeza kurengera ibidukikije kuko nta terambere rirambye ryabaho ibidukikije bitabungabunzwe.

Yashimiye ubufatanye bw’u Bushinwa mu iterambere ry’Africa, ashima ko bukorana n’uyu mugabane binyuze mu bwumvikane bushingiye ku bwubahane hagati y’impande zombi.

Ati: “ Ubufatanye bw’u Bushinwa n’Africa bwerekana ko Africa ari ahantu ho gushora imari, ko atari ahantu ho gutinywa no gufata nk’aho hahombya abashoramari. Iyi nama ni ikintu gikomeye cyerekana ubufatanye kandi kikrrekana ikerekezo cy’iterambere Africa yihaye kugeza muri 2063.”

Perezida Xi Jinping ubwo aheruka muri Africa yasuye Senegal, u Rwanda, Uganda n’Africa y’epfo.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Imibonano mpuzabitsina siyo yubaka urugo, ni akantu gato, n’inyamaswa...

Mu kiganiro Pasteur Antoine Rutayisire yahaye Umuryango, yagaye ko haba...
1 April 2019 Yasuwe: 5207 2

Ese Rucagu yari ari he ubwo indege ya Habyarimana yaraswaga? Ngo yabaye mu...

Rucagu Boniface, umwe mu basaza b’inararibonye ndetse akaba n’umwe mu bagize...
27 March 2019 Yasuwe: 12064 1

"Hari abavugaga ko amasengesho yo gusabira igihugu ari aya FPR": Past...

Muri iyi video y’ikiganiro yagiranye n’Umuryango, Pasiteri Antoine Rutayisire...
18 March 2019 Yasuwe: 2187 0

Amb. Kanyamashuli Kabeya Janvier wari Umudepite yeguye

Nyuma y’amezi 6 atowe mu badepite bari kuri rutonde rw’abakandida b’ishyaka...
13 March 2019 Yasuwe: 8467 1

Imyanzuro y’Umwiherero wa 16 w’Abayobozi b’Inzego zitandukanye z’Igihugu...

Kuva ku itariki ya 9 kugeza ku ya 11 Werurwe 2019, mu Karere ka Gatsibo...
12 March 2019 Yasuwe: 3425 0

Ibibazo biri hagati y’Ubuganda n’u Rwanda birenze intambara y’amagambo: Amb...

Mu kiganiro n’abanyamakuru cyabaye uyu munsi Minisitiri wa Leta muri...
12 March 2019 Yasuwe: 7629 2