Kigali

Umukandida Mpayimana aravuga ko imwe mu mbogamizi yavuyeho hasigaye indi imwe

Amakuru   Yanditwe na: Nsanzimana Ernest 17 July 2017 Yasuwe: 3988 0

Umukandida ku mwanya wa Perezida wa Repubulika Mpayimana Philippe yatangaje imbogamizi ebyiri yahuye nazo mu gikorwa arimo cyo kwiyamamariza kuyobora u Rwanda avuga ko imwe muri zo yamaze gukemuka.

Ku wa Gatandatu tariki 15 Nyakanga byari biteganyijwe ko umukandida wigenga Mpayimana Philippe yiyamamariza kuri site enye mu turere dutandukanye tw’ intara y’ amajyepfo siko byagenze kuko uwo munsi hari site eshatu atagaragarayeho.

Yagombaga kwiyamamariza kuri site ya Ntongwe, iya Ruhango mu karere ka Ruhango n’ iya Busasamana mu karere ka Nyanza akahava akomeza kuri site ya Rusatira.

Muri izi enye site iyo yashoboye kugeraho ni iya Busasamana ahandi ntiyahabonetse kubera impamvu yatangarije Umuryango.

Yagize ati “Imbogamizi twahuye nayo ni ikibazo cy’ imihanda, twasanze imodoka twari dufite idashoboye imihanda bidusaba gushaka indi mododa ubu cyarakemutse”

Uyu mukandida yakomeje avuga ko kugeza ubu indi mbogamizi we n’ abamufasha kwiyamamaza bagifite ari uko hari abaturage bacibwa intege bakabuzwa kwitabira ibikorwa bye byo kwiyamamaza.

Ati “Indi mbogamizi ni iriya y’ uko hari aho tugera abaturage bakabuzwa kuza aho twiyamamariza”

Kuri uyu wa Mbere tariki 17 Nyakanga. Ni umunsi wa Kane w’ igikorwa cyo kwiyamamaza ku bakandida batatu bahatanira kuyobora u Rwanda. Mpayimana ariyamamariza mu karere ka Nyamagabe, n’ I Kamembe mu karere ka Rusizi.

Ubwo yaganiraga n’ Umuryango ku isaha ya saa yine kuri uyu wa Mbere yadutangarije ko yamaze kugera muri aka karere ndetse ko mu minota mike aba atangiye igikorwa cyo kwiyamamaza.

Yakomeje avuga ko nta birango byamanitswe aho ari bwiyamamarize, yongeraho ko ibirango bye arabisigira abaturage baraba bitabiriye igikorwa cye cyo kwiyamamaza.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Royal TV yahagaritse ibiganiro byayo mu Rwanda

Royal TV yamaze gufunga imiryango y’abo nk’uko byemezwa n’abakozi bakoragamo...
19 September 2017 Yasuwe: 1200 1

Perezida Kagame yahuye na Macron, Netanyahu na Minisitiri w’Intebe...

Perezida wa Republika Paul Kagame uri New York muri Leta Zunze Ubumwe...
19 September 2017 Yasuwe: 2289 0

Mpayimana agiye kugerageza amahirwe ye mu matora y’abadepite

Umukandida wigenga, Mpayimana Phillippe, yamaze gutangaza ko agiye guhatana...
18 September 2017 Yasuwe: 1275 0

Perezida Kagame ategerejwe i New York mu nama ku bushabitsi

Perezida Kagame mu cyumweru gitaha azatanga ikiganiro mu nama y’ abakuru...
17 September 2017 Yasuwe: 374 0

Kagame yumvise ubusabe bw’umwana afunguza umubyeyi we wari ufungiye...

Umwana witwa Igisubizo Swaliha wagize amahirwe yo guterurwa na Perezida...
17 September 2017 Yasuwe: 4768 0

U Rwanda rwasabye iperereza ku ‘Isasu’ ryahitanye umunyarwanda riturutse muri...

Ku mugoroba wo kuwa gatanu, tariki ya 15 Nzeri ahagana saa kumi n’imwe...
17 September 2017 Yasuwe: 2361 1