Kigali

Uruzinduko rwa Perezida Lungu rusigiye iki u Rwanda

Amakuru   Yanditswe na: Nsanzimana Ernest 22 February 2018 Yasuwe: 729

Perezida wa Zambia Edgar Lungu wasoje uruzinduko rwe i Kigali yatangaje ko bazakomeza gufatanya n’u Rwanda kugira ngo hatabwe muri yombi abakekwaho kugira uruhare muri Jenoside yakorewe abatutsi, kandi ngo n’abanyarwanda bari mu gihugu ke ari impunzi ntibazakomeza kwitwa impunzi.

Mu kiganiro n’abanyamakuru, Perezida Edgar Lungu yagarutse ku kibazo cy’abanyarwanda bakekwaho kugira uruhare muri Jenoside yakorewe Abatutsi bihishe muri Zambia.

Yavuze ko bakira impunzi batari bafite amakuru ahagije kubyababye mu Rwanda, gusa baza kumenya ko harimo n’abakoze ibyaha. Ngo abo bashoboye kumenya baje kubafata, kandi ngo n’abo batarafata bazakomeza gukorana n’u Rwanda kugira ngo babashe kubavumbura ndetse bashyikirizwe ubutabera.

Ati “Twe twakiriye impunzi kandi ntacyo twari tuzi kuko tutari hano (Jenoside iba), hanyuma Umuryango w’Abibumbye waje gushyiraho uburyo (mechanisms) bwadufashije kumenya impunzi z’abanyabyaha zishakishwa, twubahirije amategeko mpuzamahanga.”

Perezida Lungu yavuze ko banafite imikoranire myiza hagati y’u Rwanda na Zambia yo gufatanya mu gutahura abanyabyaha kugira ngo bafatwe hakurikijwe amategeko y’igihugu n’amategeko mpuzamahanga mu kubikora.

Ati “Turi mu bihugu byafashe abakekwagaho ibyaha boherejwe Arusha, ariko niba hari n’abagihari tuzabafata.”

Naho, avuga ku kibazo k’impunzi z’abanyarwanda ziri mu gihugu ke, Perezida Lungu yavuze ko byanze bikunze nazo amategeko akuraho ikemezo cy’ubuhunzi ku banyarwanda bahunze mbere ya 1998 azireba, ndetse avuga nazo zitazakomeza kwitwa impunzi muri Zambia ubuziraherezo.

Yagize ati “Nagira ngo mbizeze,…ko tutazemera ko muri Zambia habaho impunzi z’iteka, baba ari abanyabyaha cyangwa atari abanyabyaha byanze bikunze tugomba kugera aho dushyira iherezo kuri iyi ngingo.”

Perezida Paul Kagame yavuze ko u Rwanda na Zambia byaganiriye uko ikibazo k’impunzi cyakemuka kandi ubushake buhari ku mpamvu zombi, ariko n’impunzi zifite gufata umwanzuro w’icyo zishaka, byaba gutaha cyangwa gusaba ibyangombwa zikaguma aho ziri.

Ibihugu byombi byasinye amasezerano y’ubufatanye agera kuri ane (4), arimo ay’ubucuruzi, ishoramari, ikoranabuhanga, ndetse n’ububanyi n’amahanga.

Umuseke

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Perezida Kagame yaburiye Ingabire Victoire ko ashobora gusubira muri...

Perezida w’ u Rwanda Paul Kagame yakomoje ku mbabazi ziherutse guhabwa...
19 September 2018 Yasuwe: 3304 0

U Rwanda rurimo kwitegura kwakira abakuru b’ ibihugu bivuga Icyongereza

Ihuriro ry’Ubuyobozi bw’Inzego z’ibanze mu muryango Commonwealth(CLGF)...
18 September 2018 Yasuwe: 715 0

Igihe Abadepite bashya baherutse gutorwa bazarahirira cyamenyekanye

Abadepite baherutse gutorerwa kwinjira mu Nteko Ishinga Amategeko y’u Rwanda...
18 September 2018 Yasuwe: 593 0

Ingabire Victoire ngo agiye gusabira imbabazi abarimo na Diane...

Umunyapolitiki utavugarumwe n’ Ubutegetsi bw’ u Rwanda akaba n’ umuyobozi w’...
17 September 2018 Yasuwe: 4543 0

U Rwanda rwagennye ba Ambasaderi bashya muri Kenya na Mozambique

Claude Nikobisanzwe Leta y’ u Rwanda yakoze impinduka mubijyanye na...
17 September 2018 Yasuwe: 1307 1

Pan African Movement yahaye Abanyarwanda barenga 200 ubwisungane mu...

Abanyamuryango ba Pan African Movement (PAM) mu karere ka Kicukiro bakoze...
16 September 2018 Yasuwe: 203 0