Kigali

2017 ishoramari mu Rwanda ryiyongereho miliyoni 515 z’ amadorali y’ Amerika

Amakuru   Yanditswe na: Nsanzimana Ernest 19 January 2018 Yasuwe: 92

Umwaka ushize ishoramari mu Rwanda ryageze kuri miliyari 1.675 mu madorari y’ Amerika Ikigo cy’igihugu cy’iterambere,RDB, cyatangaje ibi kivuga ko miliyoni 515 z’ Amadorari bagereranyije n’ishoramari ryabaruwe mu mwaka wa 2016.

Iki kigo kivuga ko urwego rw’ ubwubatsi n’ urwego rw’ ubucukuzi bw’ amabuye y’ agaciro arizo zazamuye cyane ishoramari mu Rwanda, mu mwaka wa 2017.

Ikibuga cy’ indege cya Bugesera ni mushinga munini wihariye 398.68 z’ amadorali. Ignite Power Rwanda Ltd yashoye $USD 113.84 million mu by’ingufu z’amashanyarazi akomoka ku zuba, Gasabo Investment Company ($USD 89.02 million) igiye kubaka isoko rya Kimironko, African Panther Resources Ltd ($USD 54.02 million) yo mu bucukuzi bw’amabuye y’agaciro na Kigali View Hotel and Apartment Ltd ($USD 53.2 million) iri mu mugi wa Kigali.

Iyi mishinga y’ishoramari yonyine izajyamo miliyoni USD$708.76
Ishoramari rinini mu ryabaruwe ni iryavuye hanze y’u Rwanda (Foreign Direct Investment, FDI) ringana na USD$ 1.041billion cyangwa 62.26%.
Ishoramari ry’imbere mu gihugu ryo ringana na USD$ 470.98 million (28,15%) ry’iryabaruwe ryose hamwe nk’uko RDB ibitangaza.
Ishoramari rihuriweho n’abo mu Rwanda n’abanyamahanga ringana na USD$ 160.47 million bingana na 9,59% y’iryabaruwe.

Umuyobozi mukuru wa RDB Clare Akamanzi yavuze ko mu myaka 10 ishize ishoramari ryabaruwe mu Rwanda ryavuye kuri Miliyoni 800$ mu 2007 kugeza kuri Miliyari 1,675$ mu 2017.

Yagize ati “Ni ukuzamuka kurenga 100% mu myaka icumi gusa. Ni ikimenyetso ko u Rwanda rugenda rugaragara nk’ahantu heza ho gukorera ishoramari.”
Clare Akamanzi avuga ko iri shoramari rizatanga akazi ku bantu benshi cyane urubyiruko. Binagendanye n’intego y’igihugu yo guhanga imirimo 150 000 ku mwaka idashingiye ku buhinzi.

Mu 2017 ngo imirimo 38 216 yahanzwe yanditswe muri RDB mu by’ibikorwa remezo, serivisi, ubukerarugendo, gukora ibikoresho (manufacturing), ubwubatsi no kubaka amacumbi, ICT n’ubucukuzi bw’amabuye y’agaciro.

Ati “Hiyongereyeho 184% ugereranyije n’imirimo 13 477 yari yahanzwe mu 2016. Kwiyongera kw’ishoramari ryabaruwe na RDB ni umusaruro wa politiki zashyizweho na Guverinoma y’u Rwanda ku ishoramari biciye muri RDB.”

U Rwanda ni igihugu cya kabiri muri Africa na 41 ku isi mu bihugu byorohereza ishoramari kubera servisi zo gutanga amakuru ku bashoramari, kwihutisha kwandikisha ishoramari, kwandikisha ubutaka, kubona ibyangombwa, gufasha abashoramari gukemura ibibazo bahura nabyo, n’izindi gahunda zinyuranye za RDB mu koroshya ishoramari.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umunyemari Bapfakurera yatorerwe kuba Perezida w’ urugaga rw’...

Umucuruzi w’ umushoramari Robert Bapfakurera niwe watorewe kuba Perezida w’...
23 February 2018 Yasuwe: 826 0

Kigali: Polisi ifunze abasore babiri bafatanywe amafaranga y’amahimbano

Ku itariki ya 18 Gashyantare 2018, Polisi y’u Rwanda ikorera mu karere ka...
20 February 2018 Yasuwe: 314 0

Rwamagana: Bafatanywe amapaki 900 y’amasashi ya Pulasitiki atemewe...

Polisi y’u Rwanda ikorera mu karere ka Rwamagana ku itariki ya 14...
17 February 2018 Yasuwe: 273 0

Kigali: Afungiye kwiba moto akoresheje urufunguzo rw’urucurano

Polisi y’u Rwanda ikorera mu mujyi wa Kigali ifunze uwitwa Nubahumpatse Jean...
16 February 2018 Yasuwe: 499 0

Ruhango: Yatawe muri yombi aha ibihumbi 200 Rwf umupolisi ngo amufashe mu...

Umusore w’imyaka 23 ukomoka mu murenge wa Mukingo, mu karere ka Nyanza,...
15 February 2018 Yasuwe: 1175 1

Ibiciro by’amata byazamuwe mu gihugu hose

Guhera tariki ya 13 Gashyantare, 2018 Minisiteri y’ubucuruzi n’inganda mu...
14 February 2018 Yasuwe: 2111 1