Kigali

Abafatabuguzi ba MTN barinubira serivise zayo zikora amasaha runaka

Amakuru   Yanditswe na: Iyamuremye Janvier 12 October 2017 Yasuwe: 407

Bamwe mu baturage bakoresha umurongo wa MTN Rwanda bakomeje kwinubira serivisi zayo zitandukanye,bamwe baravuga ko hari amafaranga basigaye bakatwa batazi aho ajya abandi nabo bakavuga ko uburyo byo koherereza amafaranga buzwi nka Mobile Money bukora mu bihe bitandukanye.

Impamvu ziri gutera iki kibazo kugeza ubu ntisobanurwa neza n’ubwo MTN ivuga ko ifite abatekinisiye bakomeje kubikoraho.Ku rukuta rwa Twitter, MTN irakira ubutumwa bw’abafatabugizi bayo babasaba ibisobanuro.

Hari abavuga ko bishobora kuba biterwa nimwe mu minara MTN yafunze nk’uko bivugwa akaba aribyo biri gutera serivise mbi muri iyi sosiyete y’itumanaho iri mu za mbere yageze mu Rwanda.

Hari abakiriya bandikiye MTN babaza ikibazo kiri muri Mobile Money, kugura amapaki atandukanye ndetse n’izindi serivisi uyu muyoboro usanzwe utangwa. Mu butumwa bw’icyongereza, MTN yihanganishije abakiliya bayo ivuga ari ibibazo babonye kandi ko bari kubikemura.

Bivugwa ko hari iminara iri mu gihugu mu duce dutandukanye yamaze kwangirika ikaba izasanwa mu 2018 ngo bishoboka ko yaba ariyo mpamvu yo kuba hari serivise zimwe zidakora uko bikwiye.

MTN ivuga ko ‘abashinzwe tekiniki bakomeje gukurikirana iki kibazo cyabayeho bakaba bavuga ko mu minsi ya vuba kizaba gikemutse ‘.
Si ubwa mbere MTN ihaswe ibibazo kuri Serivisi mbi.Muri Nzeri 2017 yabajijwe ku gutwara amafaranga y’abakoresha serivisi yo kohererezanya amafaranga itabamenyesheje.

Ibi byakurikiwe n’uko abakiriya bandikiye RURA bayisaba ko yakurikirana MTN.Icyo gihe MTN yemeye kwishyura abo yari yatwariye amafaranga bose ndetse iranabikora.

Muri gicurasi 2017 nibwo Urwego Ngenzuramikorere (RURA) rwatangaje ko rwafatiye ibihano MTN Rwanda Ltd kubera icyo rwise ‘kutubahiriza inshingano ziri mu ruhushya ruyemerera gutanga serivisi z’itumanaho mu Rwanda’. Serivisi yatangiye gutanga mu 1998.

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


  • chat_bubble murekezijean

    ahubwo ndabona MTN irigushora mugihombo abantu bayiguzemo imigabane,iri gukora nabi ibishaka ,bikatugiraho ingaruka ,ndasaba yuko CTL ifatanije na CMA babikurikirana, ntikakomeze kurebera kandi aribo badushishikariza kujya ku isoko ryimari nimigabane.

    October 2017

Inzindi nkuru

Kicukiro: Abatoza ntibishyuwe, akarere kati ‘ishimwe ntiryishyuzwa’

Abatoza batoje urubyiruko rw’ abanyeshuri bo mu karere Kicukiro mu mwaka...
5 October 2018 Yasuwe: 1295 1

Leta y’ u Rwanda ngo yahagaritse gutumiza lisansi muri Kenya

Igihugu cy’ u Rwanda ngo cyahagaritse lisansi cyatumizaga muri Kenya...
4 October 2018 Yasuwe: 1820 0

Abadepite bafite impungenge ku myenda ya miliyari zirenga 300 u Rwanda...

Abadepite bagaragarije Minisiteri w’ Imari n’ igenamigambi impungenge ku...
27 September 2018 Yasuwe: 4701 0

Minisitiri Gatete asanga gufunga amazu y’ ubucuruzi aribyo byasigaje inyuma...

Minisitiri w’ Intebe w’ u Rwanda Dr Edouard Ngirente n’ abandi ba Minisitiri...
26 September 2018 Yasuwe: 1496 2

Muhanga: Ubuyobozi bwongeye gutanga ibibanza bwari bwarambuye...

Mu cyumweru gishize ni bwo ubuyobozi bw’ akarere ka Muhanga bwari...
25 September 2018 Yasuwe: 514 0

Ntiharamenyekana icyatumye amafi menshi yo mu mugezi wa Mukungwa apfira...

Ubuyobozi bw’ akarere ka Musanze bwatagangaje ko hakirimo gukorwa iperereza...
23 September 2018 Yasuwe: 2866 0