Kigali

Bamaze imyaka 57 mu kizima kandi baturiye urugomero rw’ amashanyazi

Amakuru   Yanditwe na: 6 December 2016 Yasuwe: 998 0

Bamwe mu baturiye urugomero rw’amashanyarazi rwa Ntaruka ruherereye mu Karere ka Burera barinubira kuba bamaze imyaka myinshi bari mu kizima kandi amashanyarazi aho atunganyirizwa ari hafi yabo.

Urugomero rwa Ntaruka rwubatswe mu mwaka wa 1959, bamwe mu baturage baruturiye bemeza ko nta kintu kigaragara ubuyobozi bwakoze ngo babe babasha kubona umuriro na bo.

Bavuga ko ubundi ibikorwaremezo biba bikwiye kugirira akamaro ku ikubitiro ababituriye mbere y’uko bisakara ahandi.

Abo twaganiriye ni abo mu midugudu itatu yo mu Murenge wa Kinoni ihana imbibi n’uru rugomero, aho bemeza ko umuriro w’amashanyarazi ngo wabaciye hejuru ukajyanwa mu yindi midugudu ariko bo bakibaza icyo bazize bakakibura.

Ubuyobozi bw’Akarere ka Burera buvuga ko buzi iki kibazo, aho bufatanyije n’ikigo gishinzwe ingufu ngo bari kureba uburyo abo baturage na bo amashanyarazi yabageraho.

Kuba batagerwaho n’umuriro, aba baturage bemeza ko byatumye batiteza imbere nk’uko babyifuzaga.

Umwe mu baturage yagize ati “Nta mpamvu twumva yatuma tuba mu kizima kandi duturiye uruganda. Ahandi umuriro ugerayo ariko twebwe duturiye uwo muriro na Ntaruka turayirarira ariko nta muriro dufite.”

Yunzemo ati “Murori, Shamba na Mutara, ni imwe mu midugudu yegereye Ntaruka, nta muriro dufite, umuriro warazengurutse uva kuri Mukungwa ugera i Kirambo uraza ugeze ahantu bita ku mashurihari ku Gacaca bafungira umuriro aho ngaho, iyo midugudu itatu nta muriro dufite tukabaza tuti ko twegereye Ntaruka tunayirarira ku irondo kuki twebwe nta muriro dufite?”

Undi muturage avuga ko kenshi mu nama bakunze kugirana n’abayobozi babasaba ko babegereza umuriro ariko ntibagire icyo babikoraho.

Umuyobozi w’Akarere wungirije muri Burera ushinzwe iterambere ry’ubukungu, Habumuremyi Evariste, avuga ko kuba urugomero ruturanye n’abaturage bitavuga ko ari bo wahita ugeraho kuko uba ugenewe Abanyarwanda muri rusange.

Yagize ati “Hari abaturage baturiye Ntaruka badafite umuriro ariko dufatanyije na REG twarabasuye hakorwa inyigo ubu iri hafi kubagezaho umuriro w’amashanyarazi. Ubu turi kureba n’uburyo habaho ko abaturage badaturiye ahantu amashanyarazi yagera ku buryo bworoshye bahabwa akomoka ku mirasire y’izuba. Ubu hari amakompanyi turi gukorana tugiye gusinyana amasezerano y’ub ufatanye ku buryo tuberekeza hahandi aya mashanyarazi asanzwe ya REG adashobora kugera.”

Habumuremyi avuga ko umwaka utaha wa 2017, abaturage 70% batuye muri aka karere bazaba bafite amashanyarazi nk’uko binari mu cyerekezo cy’igihugu.

Ni mu gihe ubu abaturage aba Burera bangana na 22% ari bo bafite umuriro ndetse mu mwaka wa 2011 bakaba bari kuri 7%.


Ifoto y’ urugomero rwa Ntaruka

Urugomero rwa Ntaruka rutanga megawati 12, aho rufatanya n’izindi ngomero zitandukanye mu gutanga umuriro mu gihugu cyose.

Src: Izubarirashe.rw

Ibitecyerezo

  • Amategeko n'amabwiriza birkurikizwa

Inzindi nkuru

Muri iri joro Umujyi wa Kigali watangiye gusenya inyubako Hotel Top Tower...

Kuva mu masaha akuzeho y’umugoroba wo kuri uyu wa kabili inyubako ya Hotel...
11 July 2017 Yasuwe: 11759 26

Abacunga inyubako UTC ya Rujugiro bazamuye igiciro cy’ubukode hafi 400%,...

Taliki 11/5/2017 nibwo abakorera mu nyubako ya UTC y’Umunyemali Rujugiro...
6 July 2017 Yasuwe: 3405 4

Bakoreye rwiyemezamirimo none bamaze ibyumweru bibiri mu irimbi...

Aba bakozi bari baryamye mu kazu ka shitingi gashinze mu irimbi ry’...
26 June 2017 Yasuwe: 2009 1

Perezida Paul Kagame yasabye urubyiruko guhatana nk’uko abandi bahatana mu...

Perezida Paul Kagame yahamagariye urubyiruko rw’u Rwanda guhatana n’abandi mu...
25 June 2017 Yasuwe: 222 2

Umuganda: Minisitiri w’Intebe na Madamu we bifatanyije n’abanyahuye guhinga...

Kuri uyu wa Gatandatu Minisitiri w’Intebe Anastase Murekezi aherekejwe na...
24 June 2017 Yasuwe: 1804 0

Igiciro cya Parikingi ku kibuga cy’ indege I Kanombe kiyongereye bivugisha...

Ku kibuga mpuzamahanga cya Kigali I Kanombe hashyizwe icyapa kivuga ko...
20 June 2017 Yasuwe: 2055 5