addresiya
Kigali
startimes

BNR yafashe ingamba zikomeye mu rwego rwo kurengera abazahungabanywa na Coronavirus

Amakuru   Yanditswe na: Dusingizimana Remy 19 March 2020 Yasuwe: 1962


Banki nkuru y’u Rwanda [BNR] yasohoye itangazo rikubiyemo amabwiriza yo koroshya ingaruka za covid-19, muri yo harimo;

Ikigega cy’iyi banki kizamara amezi atandatu cya miliyari 50 z’amanyarwanda zo kuguriza banki zigize ikibazo cya ’cash’ muri ibi bihe.

Gusaba banki zatanze inguzanyo gusubiramo uburyo bwo kwishyura ku bantu batari kubona amafaranga uko bisanzwe kubera covid-19.

Iyi banki yategetse ko havaho igiciro ku ihererekanya ry’amafarnaga ryifashishije ikoranabuhanga hagati ya konti za banki na telephone ngendanwa z’abantu.

Ko nta mafaranga agomba gucibwa ihererekanya ry’amafaranga kuri telephone (mobile money)

Amafaranga ntarengwa ahererekanywa kuri telephone yazamuwe agezwa kuri 1,500,000Frw ku bafatabuguzi b’ikiciro cya mbere na 4,000,000Frw ku b’ikiciro cya kabiri.

Mu Rwanda, iyi ndwara yasubitse inama mpuzamahanga zigera kuri 20 zari kwinjiza ku bukungu bw’iki gihugu imari igera kuri miliyoni $8.

Coronavirus imaze gutuma hari abantu ku giti cyabo basubika bimwe mu bihuza abantu benshi, nk’ubukwe, byari bibeshejeho abantu bamwe bakura amafaranga mu gutanga serivisi.

Mu minsi itanu ishize abanduye covid-19 mu Rwanda bavuye kuri 1 bagera kuri 11, leta y’u Rwanda ubu yatangaje ihagarikwa ry’ingendo z’indege -harimo n’iza kompanyi ya leta Rwandair - ziva cyangwa zijya mu Rwanda kuva uyu munsi kuwa kane saa sita z’ijoro.

Muri 11 banduye virus ya covid-19 mu Rwanda babiri nibo badaheruka mu mahanga, kimwe n’ahandi henshi muri Afurika iyi ndwara imaze cyane cyane kuboneka ku bavuye mu mahanga.

Ibindi bihugu binyuranye byo byatangaje ko bihagaritse ingendo z’indege ziva cyangwa zijya mu bihugu bimaze kugeramo iyi ndwara.

Gusa kugeza ubu ibihugu 176 ku isi, na 32 muri 54 bya Afurika bimaze kugeramo iyi ndwara, bisobanuye ko ingendo z’indege ziri kugenda zihagarikwa hose.

Ihagarikwa ry’ingendo z’indege mu Rwanda ni icyemezo gifite ingaruka ku bikorwa by’abantu bwite n’ubukungu muri rusange, gusa ni icyemezo bamwe bagaragaje ko gikwiye muri ibi bihe.

Kompanyi z’indege nka Brussels Airlines, KLM, Kenya Airways, Jambo Jet, Qatar Airways, Ethiopian Airlines n’izindi zisanzwe zigwa zikanahaguruka mu Rwanda buri munsi.

Minisiteri y’ubuzima mu Rwanda ariko yavuze ko indege z’ubwikorezi bw’ibintu (cargo) zo zizakomeza ingendo zazo mu Rwanda.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Abana bahagarariye abandi bagaragaje ibikorwa bibagenewe bifuza ko...

Abana batandukanye mu Rwanda bagaragarije Leta y’u Rwanda bimwe mu bikorwa...
29 May 2020 Yasuwe: 498 0

Amakara yo gutekesha agiye guhagarikwa mu mujyi wa Kigali asimburwe na...

Minisitiri w’Ibidukikije Dr Mujawamariya Jeanne D’Arc, yatangaje ko mu...
28 May 2020 Yasuwe: 5617 4

U Rwanda na RDC baganiriye ku buryo bwo kunoza ubucuruzi bwambukiranya...

Bamwe mu bagize guverinoma y’u Rwanda berekeje I Rubavu mu ntara y’i...
28 May 2020 Yasuwe: 2411 0

Abamotari bahimbye izina ritangaje tariki ya 01 Kamena 2020 bazemererwaho...

Abamotari bo mu Mujyi wa Kigali bagaragaje inyota ikomeye bafitiye kongera...
27 May 2020 Yasuwe: 10051 0

Abashyirwa mu kato bavuye hanze y’u Rwanda babwiwe amafaranga bazajya...

Mu nama y’Abaminisitiri yo ku wa 18 Gicurasi 2020 hemejwe ko Abanyarwanda...
22 May 2020 Yasuwe: 4607 2

Umuhungu wa perezida Kagame yashyizwe mu nama y’ubutegetsi ya RDB n’Inama...

Inama y’abaminisitiri mu Rwanda yaraye yemeje kugumishaho nyinshi mu ngamba...
19 May 2020 Yasuwe: 3868 0