Kigali

BNR yatangaje ko ifaranga ry’ u Rwanda rigiye kongera kwihagararaho imbere y’ idorali ry’Amerika

Amakuru   Yanditswe na: Nsanzimana Ernest 30 August 2017 Yasuwe: 1546

Kuri uyu wa Gatatu tariki 30 Kanama 2017 banki nkuru y’ u Rwanda BNR yamuritse raporo igaragaza uko ubukungu bw’ u Rwanda bwitwaye mu mezi 6 ashize bitanga icyizere ko mu mpera z’ uyu mwaka wa 2017 ifaranga ry’ u Rwanda rizaba rimaze kwisubiza agaciro kagana na 3,0%.

Muri uyu muhango Guverineri wa Banki nkuru y’igihugu John Rwangombwa yavuze ko gutakaza agaciro kw’ifaranga ry’u Rwanda bikomeje kujya ku gipimo cyo hasi kurenza uko babitekerezaga.

Yavuze ko muri Kamena 2017 ifaranga ry’u Rwanda ryari rimaze gutakaza agaciro ka 1.3% urigereranije n’idolari mu gihe kugeza mu kwezi nk’uku 2016 ryari rimaze gutakazaho agaciro ka 4.8%, ndetse byageze tariki 13 Kanama 2017 rimaze gutakazaho 1.64%, bituma bateganya ko mu ukuboza rizaba rimaze gutakazaho 3.0%, bivuye hafi ku 9.7% mu ukuboza umwaka ushize.

Rwangombwa yavuze ko uku kongera kwiyubaka kw’agaciro k’ifaranga ry’u Rwanda bishingiye cyane cyane kubyo u Rwanda rwohereza mu mahanga byazamutse, ndetse n’umusaruro w’imbere mu gihugu wiyongereye bigatuma abakenera amadolari ngo batumize ibintu hanze bagabanuka.

Iyi raporo igaragaza ko mu mezi atandatu ya mbere ya 2017, ibyo u Rwanda rwohereza mu mahanga byazamutseho 39.8%, mu gihe ibyo rutumiza hanze byo byamanutseho 10.6%

Thomas Kigabo ukuriye ishami ry’ubukungu muri BNR avuga kugera mu kwezi kwa karindwi (Nyakanaga) ibyo u Rwanda rwohereza mu mahanga byazamutseho hafi 42%, ngo ari nayo mpamvu nkuru yatumye agaciro k’ifaranga ry’u Rwanda kongera kwiyubaka.

Ati “Ifaranga ry’u Rwanda ubu rihagaze neza ntirinyeganyega,…igipimo nk’iki cya 3.0% tugiherutse mu 2014, uwo mwaka wasoje dufite 3.6%, ariko ukoze nanone impuzandengo yo guta agaciro kw’ifaranga mbere ya 2014, mu myaka ine, itanu n’ubundi twari hafi aho.”

Minisitiri w’ ubucuruzi inganda n’ ibikorwa by’umuryango wa Afurika y’iburasirazuba, Francois Kanimba yavuze ko ibi ari umusaruro wa gahunda yo kwimakaza ibikorerwa mu Rwanda “Made in Rwanda”.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Kigali: Afungiye kwiba moto akoresheje urufunguzo rw’urucurano

Polisi y’u Rwanda ikorera mu mujyi wa Kigali ifunze uwitwa Nubahumpatse Jean...
16 February 2018 Yasuwe: 474 0

Ruhango: Yatawe muri yombi aha ibihumbi 200 Rwf umupolisi ngo amufashe mu...

Umusore w’imyaka 23 ukomoka mu murenge wa Mukingo, mu karere ka Nyanza,...
15 February 2018 Yasuwe: 1147 1

Ibiciro by’amata byazamuwe mu gihugu hose

Guhera tariki ya 13 Gashyantare, 2018 Minisiteri y’ubucuruzi n’inganda mu...
14 February 2018 Yasuwe: 2046 1

Rwamagana: Polisi ifunze uwashakaga kwiba amafaranga muri Banki akoresheje...

Polisi y’’u Rwanda ikorera mu karere ka Rwamagana yaburijemo ubujura...
11 February 2018 Yasuwe: 1697 0

Mu myaka itanu ingengo y’ imari y’ u Rwanda imaze kwiyongeraho arenga...

U Rwanda ni kimwe mu bihugu by’ Afurika birimo gutera imbere cyane. Iyo...
9 February 2018 Yasuwe: 583 1

Kigali: Yafashwe yiba batiri z’iminara y’ikigo cy’itumanaho cya...

Mu ijoro ryo kuri uyu wa 4 Gashyantare nibwo irondo ry’umwuga rikorera mu...
7 February 2018 Yasuwe: 1465 0