skol
Kigali
startimes

COVID-19:U Rwanda rwashyizwe mu bihugu 14 byizewe abaturage babyo bemerewe kwinjira i Burayi

Amakuru   Yanditswe na: Dusingizimana Remy 30 June 2020 Yasuwe: 1269

Umuryango w’Ubumwe bw’Uburayi (EU/UE) watangaje ibihugu 14 uvuga ko abaturage babyo "badateje akaga" bemerewe kwinjira i Burayi kuva tariki 01 z’ukwezi kwa karindwi, nubwo hakiri icyorezo cya Covid-19, Abanyarwanda bari mu bemerewe, Amerika, Brazil n’Ubushinwa ntibemerewe.


Abadipolomate ba EU bavuga ko biteguye kongera Ubushinwa kuri urwo rutonde mu gihe nabwo bukoze nk’ibyo ku baturage b’ibihugu bigize umuryango w’Ubumwe bw’Uburayi.

Abongereza na bo bemerewe kujya mu bihugu bigize EU kuko bagifatwa nk’abaturage ba EU kugeza inzira yo kuwusohokamo irangiye neza tariki 31/12/2020.

Ibihugu EU ivuga ko abaturage babyo ubu bemerewe kwinjira mu bihugu bigize uwo muryango ni; Algeria, Australia, Canada, Georgia, Ubuyapani, Montenegro, Maroc, New Zealand, u Rwanda, Serbia, Koreya y’Epfo, Thailand, Tunisia na Uruguay.

EU ivuga ko uru rutonde rushobora guhinduka igihe cyose, kandi ruzajya rusubirwamo nyuma y’ibyumweru bibiri.

Biteganyijwe ko uyu munsi ku wa kabiri EU itangaza ku mugaragaro ibi bihugu n’ibyo yashingiyeho yemerera abaturage b’ibihugu bimwe ikangira ab’ibindi.

Mu ntangiriro y’uku kwezi, komisiyo y’umuryango w’Ubumwe bw’Uburayi yatangaje ko iri kwiga uko ifungura imipaka y’uyu muryango ku bihugu bimwe na bimwe bitawurimo.

Ikinyamakuru Politico cyari cyatangaje ko kimwe mu byo uyu muryango ushobora kuzashingiraho ufungurira imipaka ibindi bihugu ari umubare w’abanduye coronavirus ku buri baturage 100,000.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Commonwealth yatangaje igihe inama ya CHOGM igomba kubera i Kigali...

Perezida wa Repubulika y’u Rwanda, Paul Kagame n’Umunyamabanga Mukuru wa...
23 September 2020 Yasuwe: 2498 0

Rubavu: Imvura nyinshi yasenye amazu menshi inangiza imyaka y’abaturage

Imvura nyinshi ivanze n’umuyaga yaguye mu ijoro ryakeye yasenye ibintu...
23 September 2020 Yasuwe: 599 0

Uruhuri rw’ibibazo by’imicungire y’imari muri WASAC rwateye inkeke...

Abadepite bagize komisiyo ishinzwe gukurikirana imikoreshereze y’imari...
21 September 2020 Yasuwe: 1169 0

Isoko ryo kwa Mutangana rigiye kongera gufungurwa mu ngamba...

Umujyi wa Kigali watangaje ko Isoko rya Nyabugogo rizwi nko kwa Mutangana...
14 September 2020 Yasuwe: 822 0

Ibikubiye mu gishushanyo mbonera gishya cy’umujyi wa Kigali kigiye gutangira...

Umujyi wa Kigali wamuritse ku mugaragaro igishushanyombonera gishya,...
4 September 2020 Yasuwe: 2714 0

Umuhango wo #KwitaIzina uyu mwaka uzaba hakoreshejwe ikoranabuhanga

Ikigo cy’igihugu gishinzwe iterambere ’RDB’ cyatangaje ko kubera icyorezo cya...
4 September 2020 Yasuwe: 1178 0