skol
Kigali
startimes

Depite Dr Habineza Frank yasabye RURA kugabanya ibiciro by’ingendo mu kurengera rubanda

Amakuru   Yanditswe na: Dusingizimana Remy 18 October 2020 Yasuwe: 4495

Umudepite akaba n’umuyobozi w’ishyaka riharanira Demokarasi no kurengera ibidukikije mu Rwanda (The Democratic Green Party of Rwanda), Dr Habineza Frank, yatangaje ko anenga RURA mu kugena ibiciro by’ingendo, aho avuga ko yabogamiye ku bashoramari aho kureba ku nyungu z’abagenzi.


Kuwa 14 Ukwakira 2020,nibwo RURA yatangaje ibiciro bishya by’ingendo nyuma y’aho Inama y’Abaminisitiri yateranye ku wa 12 Ukwakira 2020, ikanzura ko imodoka zitwara abantu mu buryo bwa rusange zemerewe gutwara abantu buzuye ku bagenda bicaye mu gihe izifite imyanya igendamo abahagaze izajya yakira kimwe cya kabiri cyabo.

RURA yatangaje ko igiciro gishya cyagabanutseho amafaranga make kuko mu ngendo zihuza intara, cyavuye kuri 30.8 Frw kigera kuri 25.9 Frw ku kilometero kimwe mu gihe mu Mujyi wa Kigali cyavuye kuri 31.9 Frw kigera kuri 28.9 Frw ku kilometero.

Ugereranyije n’ibiciro byariho mbere ya Guma mu rugo,ibiciro by’ingendo byariyongereye cyane ariyo mpamvu benshi barimo na Dr.Frank Habineza banenze iri zamuka ry’ibiciro ryashyizweho na RURA.

Depite Habineza yabwiye Ikinyamakuru intyoza.com, ati “Ibi biciro RURA yatangaje, bigarara ko yabizamuye mu nyungu z’abashoramari ariko yirengagije inyungu za rubanda.

Mu byukuri abaturage barakennye kubera ingaruka z’iki cyorezo cya Covid-19, kabone niyo RURA yaba yarapanze kongera ibiciro mbere ya covid-19 nkuko ibivuga, iki sicyo gihe kiza cyo kuzamura ibiciro. Turasaba RURA kwisubiraho vuba kugira ngo irengere rubanda”.

Benshi ku mbuga nkoranyambaga by’umwihariko Twitter bakomeje kunenga ibi biciro bishya bya RURA kuko byiyongereye cyane kandi ibiciro bya Lisansi bitari hejuru cyane.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble bernard

    hoya nibagabanye rwose hoya rwose birakabije. essence yaragabanutse, kdi n’ibisabwa kugirango imodoka ikorerwe service nkeka ko bitazamutse kuri uru rwego. nibaturebe natwe abaturage tuba dukora utuduha inyungu ngo natwe tubeho. bireba gusa rero bariya bakire baguze ibimodoka ngo birengagize inyungu za benshi kdi ari bo batuma igihugu kibaho.

    2 months ago
  • chat_bubble Innocent

    Ubundi iterambere rigomba gushingira ku muturage. Bitari ibyo twaba twibeshya.

    3 months ago
  • chat_bubble Mutuyimana [email protected] e

    Turebye ibiciro byingendo byariyongereye,ex kuva i Nyagatare ujya iKigali byari ibihumbi bitatu none ubu nihafi ibihumbi bine.rura ikwiye kureba uko yabigenza Dore ko nibiciro bya esanse byagabanutse.

    3 months ago

Inzindi nkuru

Perezida Kagame yijeje Abanyarwanda gusuzuma ikibazo cy’umusoro w’Ubutaka...

Perezida Kagame Kagame yavuze ko ikibazo cy’izamuka y’umusoro w’ubutaka...
21 December 2020 Yasuwe: 3839 0

RURA yasubije abanyarwanda bakekaga ko ibiciro by’ingendo birazamurwa kubera...

Mu ijoro ryakeye nibwo Inama y’abaminisitiri yemeje ko Imodoka zitwara...
15 December 2020 Yasuwe: 5713 0

RURA yahaye gasopo Airtel Rwanda yashinjwe gukora amatangazo yibasira MTN...

Nyuma y’amatangazo Airtel Rwanda yari imaze iminsi ikora akangurira abantu...
15 December 2020 Yasuwe: 7825 3

Nyarugenge: Amaduka 60 yafunzwe kubera kwica amabwiriza yo kwirinda...

Abacuruzi 60 bo mu karere ka Nyarugenge ahazwi nko muri Down Town bafungiwe...
14 December 2020 Yasuwe: 4266 0

Ibura ry’akazi, abanebwe n’inkorabusa ni imwe mu mizigo ikomeye ku...

Ibarura rusange ryakozwe muri 2012 ryagaragaje ko ugereranyije abantu 100...
10 December 2020 Yasuwe: 3095 0

KTN Rwanda na StarTimes bahembewe kuba ku isonga mu gutanga serivisi...

Startimes na KTN RWANDA (Sosiyete Nyarwanda yo kugura no kugurisha) ni...
5 December 2020 Yasuwe: 3055 0