Kigali

Gasutamo igiye gutangira serivisi hakoreshejwe uburyo bwa ASYCUDA

Amakuru   Yanditswe na: Iyamuremye Janvier 9 October 2017 Yasuwe: 244

Bitarenze mu kwezi kwa Mutarama umwaka utaha wa 2018, serivisi za gasutamo mu Rwanda zizatangira gukoresha uburyo bw’ikoranabuhanga hagamijwe kugabanya igihe gutanga izi serivisi bitwara. Ikigo cy’imisoro n’amahoro RRA kikavuga ko ibi byose bigamije koroshya no kugabanya ikiguzi cy’ubucuruzi mu Rwanda.

Ubu buryo bw’ikoranabuhanga bwubakiye mu busanzwe bukoreshwa muri serivisi za gasutamo ku rwego rw’Isi buzwi nka ASYCUDA, bwemejwe n’umuryango w’Isi wa gasutamo, World Customs Organisation.

Giuseppe DI CAPUA waturutse mu muryango w’Isi wa gasutamo urimo no guhugura abakozi ba gasutamo mu Rwanda ku mikorere y’ubu buryo, avuga ko bufite umwihariko mu kunoza serivisi za gasutamo: “Ibi bizatuma amakuru asanzwe agaragazwa n’uburyo bwa ASYCUDA abyazwa umusaruro, kuko ubu buryo bukoreshwa muri serivisi za gasutamo u Rwanda rumaze igihe rubukoresha ariko runabuhuriyeho n’ibindi bihugu byinshi byo hirya no hino mu Isi. Icyo ibi bizamara rero ni ugukoresha ayo makuru atangwa n’ubu buryo agafasha gusuzuma imikorere ya serivisi za gasutamo uhereye ku bijyanye no gutinda gutanga serivisi no gukusanya imisoro muri gasutamo, ariko ibyo byose bikanafasha koroshya ubucuruzi.”

Komiseri wa gasutamo mu kigo cy’igihugu cy’imisoro n’amahoro RRA, Raphael TUGIRUMUREMYI yatangarije RBA ko ubu buryo bw’ikoranabuhanga buje bwunganira ubwari busanzwe bukoreshwa muri gasutamo, gusa ubu bukaba buzatanga amakuru azashingirwaho n’inzego hakaba hafatwa ibyemezo bigamije kurushaho koroshya ubucuruzi.

Gukoresha ikoranabuhanga mu mitangire ya serivisi za gasutamo bije byiyongera ku bindi bikorwa mu rwego rwo koroshya ubucuruzi mpuzamahanga, harimo gutanga serivisi za gasutamo mu gihe cy’amasaha 24/24.

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Rwamagana: Bafatanywe amapaki 900 y’amasashi ya Pulasitiki atemewe...

Polisi y’u Rwanda ikorera mu karere ka Rwamagana ku itariki ya 14...
17 February 2018 Yasuwe: 256 0

Kigali: Afungiye kwiba moto akoresheje urufunguzo rw’urucurano

Polisi y’u Rwanda ikorera mu mujyi wa Kigali ifunze uwitwa Nubahumpatse Jean...
16 February 2018 Yasuwe: 487 0

Ruhango: Yatawe muri yombi aha ibihumbi 200 Rwf umupolisi ngo amufashe mu...

Umusore w’imyaka 23 ukomoka mu murenge wa Mukingo, mu karere ka Nyanza,...
15 February 2018 Yasuwe: 1165 1

Ibiciro by’amata byazamuwe mu gihugu hose

Guhera tariki ya 13 Gashyantare, 2018 Minisiteri y’ubucuruzi n’inganda mu...
14 February 2018 Yasuwe: 2083 1

Rwamagana: Polisi ifunze uwashakaga kwiba amafaranga muri Banki akoresheje...

Polisi y’’u Rwanda ikorera mu karere ka Rwamagana yaburijemo ubujura...
11 February 2018 Yasuwe: 1699 0

Mu myaka itanu ingengo y’ imari y’ u Rwanda imaze kwiyongeraho arenga...

U Rwanda ni kimwe mu bihugu by’ Afurika birimo gutera imbere cyane. Iyo...
9 February 2018 Yasuwe: 584 1